那些年 ~ 我們一起再次到訪的台北 Day-3f 第十五回「天燈之鄉 - 平溪」放天燈

 2012年7月10日((TUE)

 

喺架車上面過冷河都嘆未夠嗰十多分鐘，又話到咗下一站景點囉喎，即係話又要同酷熱嘅氣溫再次搏鬥，真係有啲驚驚想退縮，不過呢個念頭喺我們腦海裡只是一瞬即誓，好啦...........繼續勇往直前...........

天不怕、地不怕...不過裂陽就好可怕........嗚..........

 

 

我哋架車就停喺平溪老街，台灣煤礦博物館附近，唔係嗎！又嚟煤礦呢家嘢，今日都遇見好多啦，所以唔哂客氣嘞.......thanks

 

喺我哋背後剛剛有列平溪線火車經過，全架車身都印上粉紅色玫瑰花圖案好靚喎，睇佢行駛嘅方向，應該係向著平溪線尾站菁銅進發，菁銅車站我哋一陣間都會去玩架.......等陣見.......

冇特定話要揾那一間天燈舖頭嘅，就喺落車處見到呢間用英文(PCTD 平溪天燈) 做舖名都幾特別吖，不如就佢啦，其實係貪佢就腳致真.......

佢個門面幾特別架，門前就擺放咗紅色姻緣天燈，上面寫住「愛情恆久遠、一顆永流傳」，咁都未算，最正係「永恆價」三個大字，就係咁畀佢吸引咗入去囉！

呢度仲有多款LED及夜光天燈吊飾可供選購，不過淨係掛住放天燈，唔記得買番個留念添，認真失敗！牆上掛咗個價錢牌，係講解甚麼顏色配合何種燈語，單色和雙彩都係NT100、四彩就NT120，相當便宜，想知到自己適合那一個顏色，咁您哋就落足眼力慢慢睇啦...............

 

我哋最後揀咗綠色天燈「平安順天」為燈語，點解揀綠色，因為囡囡近期最喜歡嘅顏色就係綠色，所以冇得解釋，跟住就要立即開工，分工合作，我哋兩個負責寫字，呀囡就負責畫公仔，皆因天燈係有四面架，所以要寫滿都幾吃力同嘥時間架...........

 

咁最後梗係要同埋天燈一齊影番張全家福架啦，噢.......點解會多咗喬喬姐姐嘅...

 

 

喺(PCTD 平溪天燈) 舖頭對開有條「汐平橋」，老闆娘話喺呢度放天燈就最理想嘞，又可以順便欣賞埋基隆河景色，亦較為遠離民居，橋上仲擺放咗個天燈施放區域告示牌，提示大家要注意放天燈的事宜，原來天燈嘅大細都有限制，同埋嚴禁附掛爆竹煙火等易燃物品，違規者將依消防法處罰NT$3000，不過我哋後來不知不覺都觸犯咗呢條法例！Sorry 囉！唔係有心架，係畀人老點都唔知道囉.......

 

我哋寫好哂祝福語句喺天燈上面之後，著住紅色背心嗰位就係老闆娘，佢問我哋加唔加串爆竹喺天燈度呀，話會誠心啲喎，同埋只係加NT$20啫，所以就一口答應佢，當時冇諗過原來已經係犯咗法喇，不過好彩都冇畀人捉到，真係抺額汗，你哋睇咗就算啦，唔好話畀其他人知呀........

 

 

老闆娘會畀個火機過你親自點燈，燈內應該係有易燃液體，所以一點即著，唔使半分鐘天燈就充滿熱氣喇，咁即刻要Hold住佢，唔係佢就會立即昇天，依家係最佳拍照時刻，奇怪點解唔見咗囡囡嘅？因為佢話怕啲爆竹聲喎，傻瓜.....咁都驚......冇妳辦法.......由得佢啦.........

 

影完哂相之後，天燈仲未放得住，仲要老闆娘幫手點爆竹，當點燃了爆竹引之時，就要即刻放手，我哋嘅「何家合府平安」天燈就順利於爆竹聲中昇空，這就代表所有寫於天燈上的祝福語句都能願望成真.......yeah......真係好嘞，右上角嗰棧紅色天燈係何老闆個大女所放嘅，亦即係喬喬個家姐仔，仲哂問阿貴，佢一定係羅志祥「小豬」嘅忠實粉絲啦，所以話呢，現今啲偶像對年青人嘅影響力係幾咁大呢，不過都理解嘅，因為自己都年青過吖嗎......

其實放天燈咁偉大嘅場面又點會冇拍低吖，但就真係在這千鈞一髮的時刻，我揸機隻手突然發瘟，映出來條片蒙查查，認真失敗！

 

但係咁珍貴的天燈昇空片段冇得睇又點可以呢，所以就將何老板嘅放天燈片上載於此，比大家欣賞一吓，都好過冇吖！.......嗚.........嗚！

 

而呢一幕係豬永球一家的平安天燈昇空景況，好似聽講話天燈飛得越高越遠，就表示祝願越靈驗，如果係真咁就好啦，皆因我哋所有天燈都飛得遠遠，認真吉利喎！

 

 

其實時間容許嘅話，好想放多兩棧天燈玩吓架，但時間已經接近傍晚6 點鐘喇，又要趕下個行程，所以冇計，咁呢個問題，就留待下次再訪台灣先續啦，臨走前影多幾幅相添，之後就上番車，再向平溪線的尾站菁銅進發......

 

下回預告：菁銅車站被喻為是全台灣最幸福嘅車站，究竟情況係點，咁就要留待下回分曉喇.........請留意收睇啦...........再見...........

 

這篇文章為新修定版本，當中加入了一些有趣的影片！ 

 

 

 而舊版本文章曾於這裡發表: http://blog.yahoo.com/andygundam/articles/page/1