九龍灣展貿 2012 體驗日本新鮮奇趣「活力日本展」part - 1

 2012年3月25日(SUN)

3/23 ~ 3/27香港九龍灣國際展覽中心舉辦「活力日本展」，除咗推廣日本各地旅遊活動之外，仲帶給大家各式各樣地道產品及食品試吃試飲，更是要多謝香港人大力支援東日本復興，亦希望我們日後更多啲去日本振興佢咃嘅旅遊業，是一份日本人送給我們的親切謝禮，在這裡我深深感受到他們真摯和
誠意~~日本‧奸爸爹~~http://genkijapan.jp/hk/


因為是SunDay 嘅關係，早上11：30 就到達九展會場，驚遲啲會好多人，所以你可以睇見展場現在冇乜人，非常之好行....
 

喺展場門口見到Hello Kitty 歡迎我咃，仲邀請囡囡一同合照添....

入到展場第一眼就睇見嚟個由Flower Robotice,Inc.開發嘅電子機械人 ，另外日本國家旅遊局邀請咗藝人曾志偉成為今年的親善大使，幫助推廣當地旅遊事業，這裡亦Post 咗好多由日本旅遊局舉辦嘅攝影比賽參選作品。


這張是最人氣得獎作品，真係影得好靚..........


嚟兩張都是得獎作品，右手面嗰張係曾志偉評審得獎作品...


這裡設置了一處圖片區，你可以了解日本東北地區從災難中現正恢復的過程，還有感謝香港的鼎力支持，多謝香港人在311 災難發生後捐贈了大量震災款項，另外亦感謝由香港演藝界發起，於4月1日舉行的慈善活動「愛心無國界311燭光晚會」，共籌得高達2600萬元港幣捐款，非常之感激香港人這種超越國界的愛心及關懷，這正是支持他們重建家園的力量，在此，再次表示衷心的感謝!!感謝大家!!感謝香港!!!!!!

好....唔講咁多住，先過B區美食區望吓先，這裡主要介紹日本各地區的美食及歡迎試食.......嘩........正呀


B03 關谷釀造株式會社/越の磯/市島酒造「日本清酒文化交流會」，這裡提供多款日本直送清酒試飲，亦可以即場購買，這攤位非常之大人氣，幾時都擠滿愛酒之士，我都有試飲其中幾款限量清酒，確實是入口有種醇喉感覺，質感非常之厚實，日本直送喺香港好難飲得到.....超正
http://www.houraisen.co.jp/zh/home.html

囡囡話要同掌門人志偉叔叔影番張相喎...........yeah

B09 濱食 Hamasyoku 主力推介沖繩的水雲「海藻」，乾身的水雲類似髮菜，可以放湯或加水浸軟成醋拌涼菜，水雲含有豐富褐藻糖膠(Fucoidan)，更有抗癌作用，能提高免疫力，咁更係要買番啲支持吓啦.....HK$40 一百克....
http://www.kansou-mozuku.co.jp/

B08 日佳利味噌株式會社 Hikali Miso Co Ltd. Hikali 味噌株式會社自1963年創業至今，已成為日本發酵食品的表表者，味噌是由大豆、米等發酵而成，營養豐富，容易吸收，是理想的健康食品，而它們只供即場試食，不設零售，囡囡試食咗白味噌同赤味噌，兩種佢都話好好食呀，可惜冇得買囉.....
http://www.hikarimiso.co.jp/


B07 愛食仕 Oisix オイシックス 株式會社於2000年6月成立，在日本是最具規模的網上超市，在2009年3月Oisix正式登陸香港，成為全港第一間網上超市，為客戶提供日本新鮮蔬果的宅配服務，從農產品新鮮收割至送到客人手上，只需要大概四天時間，農產品的鮮度比起一般超市都較為優勝。Oisix也竭力搜羅日本各地優質的加工食品，於嚴謹的食品品質安全標準之上，讓香港客人可安坐家中，足不出戶便可品嚐到日本各地多種美食。http://hk.oisix.com/index_zhtw_hkd.html

今天只要你在Oisix攤位網上登記成為會員，就免費送給你價值HK$13.8嘅極品抹茶布甸一杯（製造地）愛知県，或可用半價HK$35換購「京都宇治 - 丸久小山園の抹茶菓子」宇治抹茶卷一包，咁著數，咁就兩樣都要啦，試吓嗎？

B06 Ebara Foods Industry,Inc.「Ebara 食品」除生產自家品牌燒肉調味汁外，更有為眾多日本家庭主婦提供美食餐單。http://www.ebarafoods.com/ 今次攤位備有一款由日本帶來的「黃金の味燒烤汁」發售，味道分為甘口及中辛兩種HK$30@，試過味道唔錯，甘口帶有清香果味，而中辛就略帶微辣麻香味，老婆大人喜歡甘口味，我就鍾意中辛味，咁咪兩種都買囉....冇問題

B02 永旺(香港)百貨有限公司AENO Stores (HK) Co Ltd，其主要業務係經營綜合購物百貨公司，如在港有23 間獨立的JUSCO Living Plaza，囡囡試食完之後話要買青森県產嘅「王林」蘋果汁HK$14.9 一盒，千葉県產米菓「燒米餅」一包唔記得幾銀添。http://www.jusco.com.hk/chi/index.htm


B01 日本泰寶美客株式會社(青島事務所)Table Mark Co.,Ltd，主力生產加工食品，包括急凍麵、急凍飯、急凍麵包等等，「烘烤食品」則採用法國聖日爾曼的烘烤技術，炮製美味麵包食品。http://www.tablemark.co.jp/

它們今日在攤位提供冇料「美佳食」冷麵給大家試食，簡單的麵條用熱水煮熟，再用自備的樽裝凍水過冷河，然後分到紙杯內，再加入冷麵汁進食，真係非常之好味o架，啲麵條相當彈牙，囡囡食到唔停得手，佢一口氣食咗四杯，仲猛話好好味呀.......

如果行得攰，可以過舞台嗰邊坐低休息吓，舞台上不時都有各種表演供大家欣賞，柔道是日本的國技，所以這裡也備有柔道武術表演，都幾精彩架.......

休息咗陣再繼續行去A區hea 吓，A區是專門介紹日本各個都道府県的觀光情報及特產物品。首先畀A05 福井県 (FUKUI) 的塑膠恐龍吸引住，因為一直對佢哋位於勝山市的達世界級恐龍博物館非常之有興趣，當睇完「喝茶」的福井初體驗旅遊節目後，就更加想去親身感受吓這個世界級恐龍博物館的利害，但好可惜直到現在都沒有甚麼提案出發.......唉冬季更有時令美食「越前蟹」等海產供應，日本相當著名之「越光米」也是福
井県出產的名物。http://www.fuku-e.com/lang/chinese_t/

A06 岐阜縣(GIFU) 位於日本正中央地帶的岐阜県，地勢極富變化而風景名異，大致可分為北側的飛騨地區與南側的美濃地區。飛騨地區超過3000m的高山林立，冬季積雪深厚。美濃地區則多為平原，岐阜縣內有高山等古老街區、世界遺產的白川鄉，戰國武士「織田信長」的根據地《岐阜城》，還可親眼目睹有1300年歷史利用鸕鶿的傳統捕魚方法。這裡還有豐富的溫泉，如日本三大名泉之一的下呂溫泉，奧飛騨溫泉鄉的露天浴池數目則傲視全日本，您可以一邊泡湯一邊欣賞大自然的美麗景觀。至於飲食方面有乜嘢特產呢？飛騨牛肉與當地釀酒都是岐阜名物，同時享受檜木芳香，用方形木酒杯品嚐，美濃燒也是岐阜縣的特產。http://travel.kankou-gifu.jp/tw/

A07 長野県‧輕井澤 (NAGANO‧KARUIZAWA) 從東京乘新幹線往輕井澤只需70分鐘車程，這是位於高海拔1000 米的國際知名度假勝地，春季綠草如茵、夏季涼風清爽、秋季紅葉滿山、冬季白雪紛沓，漫步於歷史建築物及美術館之間，你可親身體驗一吓「非一般輕井澤的歷史文化」。

http://karuizawa-kankokyokai.jp/

 

輕井澤攤位除咗有當地最新旅遊資訊提供之外，還擺放了一套古代武士戰甲，哥哥仔話可以帶起頂武士帽影相架，咁就唔客氣囉喎，不過頂帽都幾重架，睇吓我威風嗎？

 

A03 宮城県‧仙台市 (MYIAGI) 宮城県為古代武將伊達正宗的藩地，而全県最大及最美麗的城市「仙台市」甚為知名，中國大文豪「魯迅」先生亦於此修讀醫學，這裡還有著名的日本三景之一「松島海岸」，本人都有幸到過松島遊覽，不過都是2004年前的往事喇，工作人員仲好主動借出三件祭祀用的服裝給我們一家合照，他們真的相當熱誠，多謝哂.....我哋一定會再去探訪你們的.....http://www.pref.miyagi.jp/index.htm

 

A02 岩手県 (IWATE) 岩手県是日本第二大的県份，僅次於北海道，如果春天來到岩手県，更可觀賞八幡平有名的「雪之迴廊」，道路兩旁的雪牆高達10 米，非常之壯觀！http://www.japan-iwate.tw/

 

攤位內個姐姐仔好好人，同樣借出三件服飾過我哋拍照留念，唔同嘅顏色連感覺都不一樣，真係好喜歡這種服飾........

未完架.....下一篇囡囡有宅急便快遞員體驗呀....好Cute過引添....



長隆歡樂世界~聖誕兩天遊 Day-1 ( 長隆國際大馬戲 ) Part-1

 

 

2011年12月17日(SAT)

 

話說舊年12月初聖誕節前夕約同幾位好友聚會，在閒聊間發現，原來大夥兒都好耐冇一齊出去玩哪，而又發覺大家有著一個共同點，係從未到過廣州長隆歡樂世界玩，咁就唔使講嘢，立即由本人策劃，不需三天就完成哂所有旅遊套票Booking，最後選擇咗麻麻地旅遊，出發日期12月17日，每套套票hk $2xxx ( 兩位計) ，好喇....各位團友準備出發玩餐勁呀......

 

 

繼2002年十一人眾台北四天自由行後，再嚟2011年九男女開心歡樂番禺遊，出發地點：尖沙咀中港碼頭，啟航時間10：50分，所有團員都非常準時及有效率，早上10點已經齊集碼頭離境大堂，人唔太多過關手續都非常順利，這是囡囡首次翻大陸旅行，心情相當之興奮，好...繼續前進....

話咁快上到船哪，囡囡今次帶咗麥記嘅Kitty版滑嘟嘟公仔一齊去，話說囡囡今個行程非常著數，有乜嘢咁著數呢？就係酒店及所有樂園都可以免費入場，原因係佢身高未超過100cm 囉，只係要幫佢買小童來回船飛即可，好喇坐定定...開船哪....

航行時間大概都需要接近2個小時，都幾長途o架，唔緊要啦，見佢哋喺度食吓嘢講吓笑，轉眼間就到達蓮花港碼頭，到著時間中午1點正，咁咪嗱嗱聲落船辦理過關手續，用咗10分鐘左右就搞掂哂，未到o架.....仲要搭多轉Shuttle Bus 先去得到，車程都要40分鐘喎，嘩...咁咪船+車+過關時間差不多要3小時

，走轉韓國都得啦....真係!!

 

都係唔好發咁多嗡風住，講翻個Trip先，時近聖誕節嘅關係，酒店到處都佈置得好有聖誕氣氛，你哋唔好掛住睇呀，快啲排隊Check in 先啦，10 分鐘倒就輪到我哋哪，唔該四間雙人房吖，等咗一陣櫃台服務員帶給我們一個好消息，就係全部都Upgrade為高級雙人房.......嘩........正呀..

 

跟住就過隔離票務處換番嚟緊兩天啲樂園門劵先，點知個櫃台姐姐仔話冇人手出票嗰喎，要自己去嗰部自動售票機處辦理o架，我「頂」唔係呀化，睇見部售票機需要咁多步驟都覺得好Q 煩呀，真係想「頂」你個掣之時，見有個服務員哥哥仔行過，佢話有乜嘢可以幫忙，咁就梗係幫我哋出哂啲飛先啦......唔該，見佢兩三吓手腳就搞掂咯........真係唔該哂呀靚仔....

好....終於搞掂哂，睇吓個錶都成兩點幾鐘喇，突然間聽到個肚喺度打緊豉，先至發覺原來仲未食午餐，於是大家決定唔上房住去食咗嘢先，咁啱又俾我哋喺大堂撞到佢......女仔卡卡虎 & 小丑女，咪走呀...影番張相先....唔該哂

 

 

四周圍睇過好多食店都開始午休，最後搵倒嚟間「彩蝶谷」餐廳，主打亞洲特色美食，之前都聽過朋友話「彩蝶谷」幾低食o架，咁就唔諗咁多喇.....就嚟間啦.......

 

「彩蝶谷」餐廳好大，仲好多位冇人坐添，咪住先......唔通啲嘢食麻麻地，此言非也，都成3 點幾鐘梗係冇乜人啦......懵丙

水滾茶靚，即刻Order 翻十碟八碟精美點心醫吓個肚先，睇住上圖同你哋介紹吓叫咗啲乜東東，有煎蘿蔔糕、排骨蒸鳳爪、义燒餐包、藥善鳳爪(好味)、酥炸軟殼蟹、大蒜炒菜芯(非常爽口)、蛋塔仔、蟹子燒賣、蝦春捲、蝦餃皇、泰式串燒、極品醬炒飯(好似金字塔咁幾有趣)，當中有幾款食物要「起雙飛」先至夠皮，食飽飯就梗係吹吓水啦，話說啲食物又真係整得幾有水準喎，埋單計每人都係幾草嘢，認真低食......囡囡都話大滿足呀.......

 

睇吓時間都將近5 點咯，唔通真係吹大咗，時間非常之緊迫，各人嗱嗱聲上番房休息一陣，約定5 點半喺大堂等，囡囡見到間房話好大呀，睇見佢好似鄉下妹出城咁，喺間房四周圍跳來跳去、跳上跳下，非常興奮，真係冇佢修

由得佢啦，反正叫極佢都唔會停o架啦，咁我就帶大家參觀吓間房先，米黃色牆身配深啡色傢俱，再加上少許淺墨綠色配搭，光線唔太暗睇落非常之舒服，睇吓啲杯幾咁Cute ，每隻都印有不同種類嘅動物圖案，好想據為己有，一念之想啫，最後梗係冇咁做啦........

浴室都好鬼大間o架，分開有玻璃房企浴，另外仲有傳統浸浴缸，洗頭水護理用品都相當齊全，用唔哂可以攞翻屋企慢慢用添，留嚟做個紀念都好呀，唔好浪費吖嗎!!!!!!

每所房間裡面都有一個小露台，我哋間房就望見泳池景，如果想住好啲可選擇新翼嘅白虎高級房，房間可透過落地玻璃窗24小時觀看白色雪虎的生活情況，帶給你居高臨下的震撼性感覺，不過房價就貴好多喇.....

大家休息咗一陣，5 點半鐘就喺大堂集合，今晚7點半會欣賞全個Trip嘅重頭戲「長隆國際大馬戲」表演，趁現在仲有啲時間，就四周圍 Her 吓，大堂處擺放咗幾隻聖誕卡卡虎，囡囡話要埋去同佢哋Say Hello 喎，另一邊就有隻白虎標本，之後出去露天廣場再 Her 吓，廣場中心擺設咗一架好靚嘅聖誕小火車，咁當然要拍個照留念啦，嚟幾位廣州OR見到囡囡咁可愛，即刻捉住囡囡同佢哋合照......好吖...冇問題

今集講住咁多先........下一集就會講今個Trip 嘅重頭戲「長隆國際大馬戲」

敬請繼續收看........... 

 

 

 

 這篇文章曾於故居中發表 : http://blog.yahoo.com/andygundam/articles/page/1