2012年7月11日(WED)
「晨早起來清新開朗、陽光溫暖帶來無限美」這兩句歌詞用嚟形容今早烏來嘅氣息就最貼切不過，清晨的光線就微微地照進房內，如此這般就把我輕輕從夢中叫醒，我不自覺地走出平台，呼吸一吓這溫柔的清新空氣，確能令我心擴神怡來迎接美好的一天！不一會媽咪同阿囡都先後起床，囡囡都唔執輸走出來一起感受這晨曦的曙光.........
從露台望落去的烏來山區西羅岸路的晨曦景象，左手邊嗰間就係我哋噚晚食泰雅山地菜嘅餐廳，喺正佢對面有個綠色牌嗰度就係便利店，再前面條路就係落烏來鄉遊覽嘅路線！
之前睇過露台嘅夜晚情景，現在就睇吓佢嘅日間景況，檯凳係歐洲式，但其他設置都混入多少日本庭園Feei 架！
晨光第一線的露天浴池全景..........
今日行程較為輕鬆啲，所以09:00先至喺大堂集合，這處是設於樓梯旁的錦鯉池，人齊之後阿姐就帶我哋過距離食早餐！
酒店包的早餐都算是自助餐形式，有野菜沙拉、多士麵包、煙肉炒蛋、薯條、明火白粥、更有多款配菜選擇伴吃，飲品方面就有鮮奶及橙汁，不過就真係簡單咗啲囉，冇緊要啦，好嘅一餐、唔好嘅又一餐，所以呢餐好快就食完，搞掂之後就即刻上番房浸多轉啦喂................
今次多咗位客人齊齊浸浴，知唔係喬喬姐姐囉，兩個靚妹又係走嚟走去，這時熱水、那時凍水，嗌極都唔停，仲friend 到攬埋一舊添.........
我又點會咁執輸喎，一於加入戰團，見剩低仲有罐啤酒未飲，即場解決埋佢先，一於浸到摷皮，睇吓我哋三個就知呢鋪玩得幾盡.......超滿足呀......
歡樂嘅時光真係過得特別快架，又係時候講拜拜喇，之後阿囡話要來個露天日光浴喎，咁就等佢自由發揮啦...........
之後等阿囡搞掂哂同埋執好行李，依依不捨的準備離開酒店，臨走前阿囡話要影多幾張相喎，咁就露台影張，美人湯酒店門口又影張，夠哂皮未？
喺辦理check out手續時發現這架台灣郵務機車停於酒店門前，見郵差叔叔正在忙碌派信件！無聊心又發作咪影低佢囉！
今天服務我們嘅旅遊車唔同咗，而這位黃大叔亦不知所蹤，咁睇落雖然呢架車較為舊咗啲，但係呢位私機大哥畀我嘅感覺就親切好多，亦都比較主動，我哋真係相逢恨晚咯！正所謂「賽翁失馬、焉知非福」呢..........
唔好意思！唔記得咗呢位私機大哥叫乜名添，咁就叫住佢好人大哥先啦，我哋喺上午11：00離開酒店，馬上就會開始跑今日嘅第一個行程，幾分鐘車程就到咗我哋首站景點嘞，就係聞名不如見面嘅烏來瀑布是也，車子就停在烏來瀑布公園旁，這處是觀賞烏來瀑布的最佳地方，仔細觀看沿路的圍欄，可發現它們是由一個一個原住民的石雕所組成，相當之富有地方色彩。如有興趣的話，亦可以乖搭這款吊車上另一景區雲仙樂園遊玩架...........
雲仙樂園網址：http://www.yun-hsien.com.tw/
雲仙樂園網址：http://www.yun-hsien.com.tw/
無論遠睇近睇這條烏來瀑布都一樣咁宏偉，而它亦係烏來風景特定區的代表景觀之一，烏來瀑布高達80公尺、寬約10公尺，在日據時代有稱為「雲來之瀧」的美譽。遠望瀑布有如白鍊一樣，當雨量充沛時烏來瀑布會分成兩道飛泉，自山谷頂撲簌而下，形成烏來天空雲霧瀰漫，增添浪漫的氣息，若在炎炎夏日到來觀賞烏來瀑布的話，確能讓人有心情舒暢的感覺！
睇完烏來瀑布之後，就行過距離參觀埋歷史悠久的「烏來台車」車站，「烏來台車」設有兩個站，其一為「台車烏來站」，另一邊係「台車瀑布站」，這兩站均為木造車站台，從外觀看來頗具有古早味道。「烏來台車」最初設立目的是用來搬運伐木器具與搬運木材，後來因公路局恢復由台北直達烏來
的通車，也造成台灣觀光旅遊的興起，因此吸引大批遊客到來這裡。現時的「烏來台車」呈現的是一條環狀鐵道，當遊客搭上台車在行駛當中，每深深的吸一口氣，都能感覺空氣清新涼快，一路上的景色依舊迷人！
的通車，也造成台灣觀光旅遊的興起，因此吸引大批遊客到來這裡。現時的「烏來台車」呈現的是一條環狀鐵道，當遊客搭上台車在行駛當中，每深深的吸一口氣，都能感覺空氣清新涼快，一路上的景色依舊迷人！
不過我哋都只係齋睇冇搭，因為車程都要10分鐘倒，每位全票NT$50，經商議後大家都話唔想嘥時間搭喎，咁咪四周圍影吓相就算啦！喺度hea咗半粒鐘，又係時候起行嘞，之後好人私機就載番我哋過去烏來老街繼續遊玩去也...
待續..........................
這篇文章曾於故居內發表 : http://blog.yahoo.com/andygundam/articles/page/1
....等陣見！
