那些年 ~ 我們一起再次到訪的台北 Day-3c 第十二回 初會~ 金瓜石景區「黃金瀑布、十三層遺址、水湳洞(陰陽海)」

 

2012年7月10日(TUE)

 

 

究竟金瓜石景區係乜東東嚟呢，金瓜石就是位於台北縣
瑞芳區九份隔離，金瓜石以前是一個人煙稀少的荒野，
光緒十九年間，有人發現了大金瓜的露頭藏有黃金礦脈
，因此大量民眾搬遷於此，前來加入採金的工作行列，
到了光緒21年，日治時期日本人來金瓜石開採金礦，居
民又再度大增，使得金瓜石地區也日益繁榮，於是又開
發了瓜山里和三尖鞍等地區，逐漸成為一個地方生活圈
，金瓜石更有『東亞第一金都』之稱，但隨著採礦事業
的沒落，使得金瓜石不再受到更多破壞，因而保存了礦
區今天的原始風貌！

我哋12：10由九份出發，都唔使15分鐘就抵達金瓜石景區內的著名景點『黃金瀑布』，我哋立即衝哂落車，各自搵個靚位，舉起相機，瘋狂地拍攝那美麗而壯觀的大自然景況，瀑布我諗大家都見得多啦，咁因何這條會是黃金色呢？以下就同大家解說一吓！早期曾經盛極一時現已廢棄的台金公司，在金
瓜石及九份一帶開採產礦，由於山泉水與雨水滲入，礦砂沉積溪床，並有菌類附著滋生，水質飽含氧化金屬礦石的顏色，而形成金黃色的瀑布景觀，後來當地居民稱之為『黃金瀑布』。

 

 

要拍攝最靚的『黃金瀑布』全貌，就要在金瓜石往水湳洞「濂洞灣」的金水公路旁邊，亦即係我哋依家企呢個位置就最合適嘞，這處同時也是很受歡迎的婚紗照拍攝地點。不過老實講句，冇想像中咁宏偉，可能係近排雨水少，如果係撞啱剛剛落完雨的話，應該會澎湃好多............

 

咁靚嘅景況一定要影多幾張啦，您話係咪！

 

 

 

我哋大概擾攘咗10分鐘左右，就同這條黃色金瀧講聲拜拜啦，上番車繼續行程，我哋今次冇打算去黃金博物園區，因為時間實在太過緊迫，再想這些博物館都係睇睇昔日礦業歷史，採礦工具與文物等等，經商議後大家都認為吸引力不大，最終決定放棄。之後好快就到咗下一站，昔日的採礦工廠『十三層遺址』....

 

『十三層遺址』位於濱海公路濂洞灣上方，是日治時期為處理礦砂生產粗銅的選礦煉製場，二戰時遭美軍轟炸破壞，於光復後由台灣銅礦接手恢復生產，後來改組為台灣金屬礦業公司，也就是台金公司，生產線運作直到1985年，直到台金公司產生財務危機後正式歇業。

 

『十三層遺址』依靠山勢層層向上搭建而成，當時礦工和居民習稱它為十八層。早期的冶礦作業分為採、選、冶、煉四個過程，十三層遺址正是為選礦而建，在遺址旁建造綿延數公里，號稱世界上最長的煙道，由於特殊地理位置及層層相疊的建築形貌，於是被稱為十三層遺址。一眼就睇哂嘅景點，所以我走落車求其影幾幅相，作為留個紀念就算數...

呀......唔知呢度會否曾經有過『鋼之練金術師』出現呢？......

 

幾經辛苦先搵到張『十三層遺址』的原貌照片，遺跡的原名是「金瓜石礦山製練選礦場」！

喺『十三層遺址』對開海邊濱海公路旁有個自然奇景，就係啲海水好似會識自己劃清界線，分成藍黃兩種顏色，使到這個有水湳洞「濂洞灣」之稱的海灣更加添一份神秘色彩，如今這裡的民眾都習慣稱之為『陰陽海』，咁又真係幾貼切喎..........

水湳洞「濂洞灣」位於金瓜石景區之下方，因過去長期受到採礦影響，使得原本的海岸呈現特殊的雙色陰陽海現象，陰陽海是個口袋型的海灣，海水流量速度極度緩慢，因採礦而留下的黃色膠羽以致無法被帶離海灣，做成非常重大的生態染污，及後水湳洞的煉銅產業終在民國76年停業，但已逝去的湛藍海洋，不知何時何日再能從現眼前呢？

 

當年練礦場所排出的之廢棄物，就係通過這些依山巨龍喉管，再流經右面的那道明渠，試想吓經歷多年的時間洗禮，現時這條小河流依然固我是金黃色的出現，最終這些污染物全數排出水湳洞「濂洞灣」海裡，做成莫大的染污，但那些巨龍現在已變成廢鐵，今天它的最大價值只能供遊客欣賞罷了！

 

 

咁獨特嘅景觀，我當然唔會執輸啦，霸個靚位拍照傳檔先，上面幅小圖紅色箭咀所指住嘅位置就係我依家身處嘅地方嘞............

 

欣賞完陰陽海之後，咁就即刻向下一個行程進發，途經這處海邊，私機黃話嚟度都幾靚架，睇落又真係幾特別喎，海面有著大片圖案倒影，但其實岸邊沒有任何物件建設，果真撲朔迷離！

 

在這奇景停留咗一陣，影咗幾幅相，見個肚開始有啲餓，就馬上行動去我哋行程嘅一下站基隆搵食，計劃去碧砂漁港嘆基隆海鮮午餐，咁就事不宜遲立即出發.......go go go！

 

咁各人就懷著興高采烈的心情，同非常期待這次於異地品味海鮮美食，到底同香港有甚麼特式分別，不過原來期望越大，失望就越......................！

 

 究竟發生咗甚麼事呢？又係時候賣嘢喇..........關子囉...........

答案會於下回分曉.........敬請收看...........再見...........


這篇文章曾於故居內發表: http://blog.yahoo.com/andygundam/articles/page/1