那些年 ~ 我們一起再次到訪的台北 Day-3b 第十一回「續訪~悲情城市~九份~昇平戲院」下卷

2012年7月10日(TUE)

 

各人休息咗一會，就繼續再向前方邁進，轉了一個彎，又別有一番新氣象..

 

九份山城區最特色就係到處都掛有懷舊的紅燈籠，好有古色古香的感覺。我們站於這裡是舊道口( 基山街口)的觀景台，遊人可以從此處觀賞到九份北海岸的綿延海景，美麗壯觀，確是賞心的一大樂事呀.........

 

 

睇吓佢哋幾咁識歎，坐喺陽台處一邊嘆茶，一邊欣賞九份城區的美麗景緻..

 

 

另一方向可欣賞到九份山城區的民宿境況，低密度的建築群，可想而知空氣幾咁清新，環境幾咁幽靜同舒適呢......

 

由於九份山區較為多風多雨，因此這處的原先搭建之屋頂均採斜頂設計，再於上面鋪上一層抹上黑色柏油的毛油毯，此舉不但防風防雨，夏天更能吸熱，且建置費用便宜。但然而隨着都市現代化關係，當地居民已逐漸以水泥屋頂取代，黑油皮屋頂的景觀已逐漸地消失於時光之中..........

 

唔知你哋有冇發覺，九份到處都開設了大大小小不同的茶館，每家店舖在佈置上都極花心思，而且仲各具特色添！

 

台灣人真的這麼喜歡喫茶嗎？喺九份這裡就能夠完全反映出來了......

 

我哋沿住豎崎路的石梯級往下走，這條是九份的直向道路，為數300 多級石階的階梯路，不久終於嚟到九份必遊景點「昇平戲院」，十年前冇嚟到參觀，因為當時係跟一日團時間緊迫關係，所以就錯過了！

唔好講咁多，帶大家入去參觀吓先，昔日的三輪黃包車就停泊於戲院門前，告示牌話今天放映「戀戀風塵」，唔知好唔好睇呢？再睇吓戲院內堂設施，一排排長長嘅木凳，好有懷舊感覺，同食物販賣部就梗係唔少得啦！

 

戲院大堂仲放咗部阿爺年代嘅古董放映機，係當時用來播放電影的「炭精棒電影放映機」，牆上仲有這部機的詳細解釋，你哋自己睇啦！

這裡一切的設備能帶你一瞬間走進時光隧道，回到昔日的戲院風光景緻，非常值得一看，本人誠意推介..........

想更深入了解昇平戲院的歷史嗎？請到以下的網址：http://tour.tpc.gov.tw/page.aspx?wtp=1&wnd=136&id=1248cf37e2f000007e9a

 

今天終於有幸帶埋囡囡一齊到來參觀，此刻心情果真滿足非常，在面前的九戶茶館，再運用你的超乎想像力，是否昔日電影中的龍門客棧活現眼前呢！

 

 

咁啱碰巧有隊日籍攝影隊喺度取景，他們亦好好人主動埋嚟幫我哋影相，真係非常之感激佢哋呀........

本家三友就在「昇平戲院」門前留影紀念...........笑吓............

之後我哋由豎崎路右轉入輕便路，此路原本是條通往五番坑礦坑的台車車道(昔稱輕便車)，後來台車道於1954年拆除後，便成為現今九份的主要街道。在這裡也可找到一些原住民的手工藝品店舖，九份遊客中心亦建於在此！

輕便路也是不少民宿的聚集地，如要更加深入了解九份，在這裡往上一晚半天都係一個唔錯的選擇........

話咁快集合時間差不多到啦，就喺回程途中望見呢一位大哥做到身水身汗，咁咪幫吓人哋囉，烈日當空，又真係幾辛苦架！

不如又等我同各位講吓九份嘅金礦業歷史呀；自從1893年(光緒19年)在九份地區發現砂金，從此就開始了這裡的淘金人潮以及採金之歷史。進入日治時代後，日本人及基隆顏氏家族相繼擁有九份一帶的採礦權，尤其在顏氏家族的經營之下，九份進入金礦出產的最鼎盛時期，也同時在附近開挖煤礦。1945年戰後，九份的黃金產量曾一度恢復，但至1957年後便開始衰退，最後於1971年正式結束開採，之後大部分礦工也將生產轉向煤礦。

 

中午12：10左右大家都齊集於舊道口的觀海亭等處，跟手Call私機黃過嚟接番我哋，話都冇咁快佢就即刻喺我哋面前出現，今日天氣真係勁熱，大家又再以秒速飛奔上車，此刻又係過冷河嘅時間....爽呀，咁司機可以開車喇！緊貼著下一個行程係令我期待以久之金瓜石景區遊覽.........出發.......

九份真是一個非常迷人嘅地方，好像永遠都有行不完的感覺，也令人深深留下美好的難忘回憶，使之好有衝動的再次到來探訪，如時間能夠容許可多留上半天的話，那定必能發掘到它更多的醉人面目！
究竟金瓜石景區的容貌是怎樣的呢？

想知就請繼續留意收看囉.....下回再見.....

 

這篇文章曾於故居內發表: http://blog.yahoo.com/andygundam/articles/page/1