2011年12月18日(SUN)
睇完鸚鵡就入園參觀澳洲特產樹熊是也，其實99年去澳洲旅行都拜訪過佢哋架喇，仲抱過黎影相添，今次可以話係從遇，不過無論喺澳洲或者廣州佢哋都係一樣咁款，好似定哂格咁郁都唔郁，想佢走兩步俾您睇吓都好難嘞.......
樹熊（學名：Phascolarctos cinereus:英文名Koala），又譯作樹袋熊、無尾熊或考拉，係澳洲原住民嘅方言，意思係「唔飲水」咁解，係澳洲特有種生物，1798年一位探險家喺澳洲布魯山脈首次發現，喺19世紀初樹熊遭到捕殺出口，數量由百萬隻銳減至1000多隻，澳洲政府後嚟立法保護。樹熊身長約60-85公分，體重約13-14公斤，有大概10-15年命，具有一對向前嘅眼，前肢共有五指，其中兩指同其他三指較為分離，型態類似人類嘅手，但有兩隻拇指；後肢共有四趾，其中一趾同其他三趾分離成90° 角，呢種型態方便樹熊攀附樹木、抓癢同梳毛，雌性樹熊身體有育兒袋，畀嬰兒棲息。雄性嘅心口有咖啡色條紋！
今日我哋好有運氣，睇到難得一見嘅場面，就係平時懶洋洋的樹熊竟然在地上走來走去，咁小有嘅場面梗係要拍抵佢啦.......
由於樹熊所居住嘅澳洲嘅森林大多係由尤加利葉所組成，令樹熊得到嘅食物僅限於尤加利葉。因為尤加利葉非常粗糙，纖維相當堅硬，營養少之又少，因此樹熊每日都要係噉食並咀嚼成萬次至攝取到足夠養分，因為每日不停咀嚼，令樹熊老咗會因為牙齒嘅磨損食唔到嘢而餓死。為消化尤加利葉中的毒素，樹熊嘅消化道達6.5英吋，佔整個消化系統20%，亦因為尤加利葉有毒，令樹熊冇其他爭食對手，樹熊屬於夜行動物，身體新陳代謝較慢，每日要瞓17 - 20個鐘。幼熊出世後會住喺媽媽嘅育兒袋，大概半年後至會從媽媽嘅袋中出來，會食用母熊半消化而痢狀嘅糞！
離開澳洲園經過賣Souvenir嘅店舖，睇吓好多樹熊袋袋同公仔呀，不過冇諗住買，影番張相咪算囉......
喺澳洲園出番嚟就見到佢，獵裝卡卡虎囉，您咪走呀，同我哋「本家三友」影張相先........Smile........
再行過啲係長頸鹿廣場，呢度原來可以投喂o架，咁咪攞啲蔬菜引吓佢啦，點知隻長頸鹿一見到就飛撲過嚟，跟住伸個大頭落嚟，再張開佢個口就大啖係咁食，真係第一次能夠咁近距離接觸到這動物界的「高佬全」長頸鹿囉，認真超新奇嘅體驗呢......咁不如一齊睇片分享吓啦.........
跟住再向前行多幾步路，就嚟到全個動物園的最主要展區，百虎山是也，這裡劃分咗有四區，虎穴、華南虎園、金虎山及小虎撒野樂園，首先參觀嘅係虎穴，古人話不入虎穴、焉得虎子呢，嚟度真係好多白老虎架，仲隻隻都好威武添，睇吓片就知佢哋有幾咁神氣，真不愧有百獸之王的稱喎......
之後再去找金虎山，路過見到呢舊石，上面刻有兩句嘢，明知山有虎、偏向虎山行，咁有氣勢，好....就影番張相先，金虎山裡面唔止有金虎，仲有雪虎添，雪虎是白虎基因進一步變異的結果，出現概率為10萬分之一。屬食肉目貓科，也是孟加拉虎銀白色變種，屬於世界珍貴稀有動物。雪虎的毛色比白虎更加潔白，條紋也顯得不明顯。目前中國的動物園也僅有七隻。可謂白璧無瑕，完美無缺來形容它就最貼切嘞！
再向前走就見到華南虎園，白虎及雪虎雖然罕有，但睇老虎始終係傳統金黃色嘅靚啲， 華南虎又叫南中國虎，係老虎嘅一個亞種，生活響中國南部，係所有老虎種類中最瀕臨絕種嘅一種，估計世界上少於20至30隻野生華南虎，響中國嘅18個動物園中重有47隻圈養華南虎，係中國一級受保護動物。華南虎體形較細隻，係老虎中體形最細嗰幾個亞種之一，老虎公身長約2.5米，重約150 公斤。老虎乸身長約2.3米，體重約110 公斤。毛皮上有又短又窄嘅條紋，目前喺廣東、湖南、江西同福建交界嘅山區可能有唔夠25 隻。但極有可能已經絕種。同其他老虎亞種相似，華南虎主要獵食有蹄類動物，最鍾意嘅體形大概係30 - 400磅。華南虎公甚至有能力攻擊較大隻嘅獵物，例如黑熊同馬來熊等..........去片............
最後參觀係小虎撒野樂園，十多頭老虎仔喺度你追我逐，跑高跳低，活潑非常，極盡撒野之能事，佢哋好似猫仔咁相當可愛，最可惜係無得同佢哋來個親密接觸，喺隔離係一對双生嘅華南虎兄弟，都非常罕有架......
跟住再去參觀BB小虎的飼養室，工作人員正在用奶樽餵飼BB小虎，兩隻幾個月大嘅BB白虎喺度邊食邊嬉戲，個樣仲鬼死咁Cute 添，BB白虎體型就同花猫相約，由此可見動物園對於老虎的保育工作都做得非常之好。好快就行完百虎山嘞，睇吓個錶時間都差唔多喇，要開始回程哪，我咃打算行翻去南門入口離開，但在這時發現路旁有幾十對眼望住我哋，邊鬼個喺度
眼超超呢，咁咪行埋去睇吓乜嘢料囉，呵....原來係一群饑餓嘅猴子想要食物，佢哋個名叫做狒狒，狒狒屬（Papio），猴科的一屬，是世界上體型僅次於山魈的猴，共分爲五種，都分佈於非洲地區。雄性兇猛，敢於和獅子對峙，屬於雜食類，但也能捕食小型哺乳動物...............
最後是我個人的少許遊後感想，就係長隆國際大馬戲是非常十分之精彩嘅節目，如果要去長隆玩，錯過睇長隆國際大馬戲保証係您嘅損失.....我話嘅.....
多謝支持.......再見!!!!!!!!!!!
此篇文章乃經過修改版本，當中加入了非常精彩的影片片段！
而舊版本可於故居中收看 : http://blog.yahoo.com/andygundam/articles/page/1
沒有留言:
張貼留言