一九八九年二月農曆新年某五天
今天打開生果報一睇，頭版大字標題「屠城後第一幕」絕密23年照片曝光，仲講這是有份鎮壓清場的解放軍陳光所拍下的一幕震撼場面，89年6月4日早上10時許，解放軍剛完成清場行動，數十架坦克車進駐長安大街的天安門廣場，之後仲話這次行動平息了由暴民發起的反革命暴亂！！
睇完這篇報導，心裡面真係有啲感觸，為這些失去生命的民眾難過，想問吓為甚麼咁和平嘅集會，咁簡單嘅要求，這不是甚麼大的要求，只是要「自由」，自由應該是每個人的基本權利，他們只不過是要爭取這小小應有權利，但就要付出沉重代價，就是他們的寶貴生命！！！仲記得1989年6月4日解放軍清場當晚，我在電視機旁看著這一幕幕令人髮指的場面出現，睇到仲流下幾滴男兒淚添，我仲一直睇到天光，心情非常之難過，當時只係黃毛小子的我，唔係好關心政治，亦都唔了解政治，但係就覺得解放軍的做法不當，正所謂有事慢慢講，唔好郁手郁腳，更何況出動到坦克車去對付手無寸鐵的學生同民眾，從那天後，我對某國的睇法完全改觀！！今年是發生六四事件後的第23個年頭，今天又是64燭光晚會的舉行日子，希望真有一天，某個國家的領導人能夠真摰地反醒，真正認錯，為這個事件平反，還為事件死去的人一個公道！！！
話說因何有咁大感觸呢，因為當年64事件發生前幾個月，這時還是年青的我，伙同七位好友就在89 年2月份農曆新年期間到北京旅遊，這也是我首次出外旅遊，所以印象亦較為深刻，北京給我的感覺是地域廣闊，啲建築物相當宏偉，故宮、天壇、萬里長城都非常可觀，睇吓張相我同好友在天安門廣場拍照留念的時候，廣場內仲係非常平靜，連一個示威學生的蹤影都見唔睹，當時點估得到，幾個月後這裡會發生咁重大的巨變呢！！！
北京故宮建造得非常宏偉，天安門廣場上的人民英雄紀念碑也很莊嚴，能處身這些地方，真有一種榮幸的感覺.......當年的感覺！！！
圓明園在第二次鴉片戰爭中被英法聯軍焚毀，現在僅存遺址，呢五條友仔喺度扮哂嘢，擺哂pose 咁影相，年青人就係咁架啦，想做就去做.....
不到長城非好漢，咁我梗係要做番個好漢啦，所以萬里長城如今都在我腳下，當時氣溫只得5度，睇吓我包得咁密實可想而知啦......
中日二次大戰的起原是七七盧溝橋事變，這時我踏足此地，有幸到此一遊！
整個北海公園湖面都結哂冰，好多遊人都喺冰面玩耍，我就喺度扮溜冰，相當鬼馬......
最後喺天壇影團體大合照，八位紅葉之友出齊陣容鼎盛，五天行程話咁快就玩完，可能係第一次搭飛機旅遊，覺得真係好好玩呀，其他團友都好nice，所以從這次起，就開始咗我嘅旅遊目標，在有生之年盡可能去多啲外國地方遊玩，見識多啲呢個世界，增廣見聞，因從這篇六四報導，勾起咗我一點點的旅遊回憶，也就順理成章開始寫我的旅遊回憶錄遊記，希望能帶大家去多幾處地方玩吓.......敬請繼續留意收看
今天就是紀念六四事件23週年燭光晚會，
在這裡為六四死難者作衷心祝福！！！
沒有留言:
張貼留言