西貢天后寶誕 2012

 2012年50月13日(SUN)
天后寶誕，也稱呼為: 天后誕、媽祖誕、天妃誕、媽祖生、天妃祭，是慶祝天后誕辰的東亞傳統文化節日，在每年農曆三月廿三日舉行。相傳天后娘娘會保佑他們海上平安，因此每年的天后寶誕都有很多善男信女匯集到各個天后廟慶祝！
 

香港至今最少有40座天后廟，當中最古老的就是建於公元1266年的天后廟是西貢佛堂門的佛堂門大廟，每年的天后誕會有多至5萬名信眾參拜，如何前往西貢天后廟呢，西貢滿記糖水小巴站落車，過對面馬路，穿過咪錶停車場即達！


其實停車場兩旁都佈滿巨型花牌，真係唔使驚搵唔倒！




陽光普照的週日中午，天氣真係幾熱同埋好曬，所以見到好多人都擔雨傘，我哋玩咗一陣都汗流浹背濕哂.......

西貢天后古廟就喺停車場隔離，交通好方便！






呢處香火都好旺盛，刈香或稱進香，意思是到遠處的、有名的、歷史悠久的、香火旺盛的寺廟去朝香，表示對該神明的敬意。「風調雨順、國泰民安」八個大字相當之有氣勢，只要誠心刈注香就可保佑您今年順順利利、平平安安架啦！

每年最吸引婆婆伯伯坐定定睇嘅就係神功大戲，戲棚每年都係人山人海，坐無空虛席，連週圍都企滿哂人，誇張非常，都唔明白啲人咁熱辣辣都睇得咁開心，可能呢啲就係興趣掛，這樣的傳統藝術我就真係唔識欣賞嘞......Sorry

囡囡又擺出個好Cute 姿態，咁就同妳影番張靚相啦......

 

通常在天后誕正日，各花炮會龍獅隊與表演團體於天后廟前表演，當慶祝表演完畢後，龍獅隊會繼續前往各處巡遊，舞獅又舞龍相當熱鬧。因為今天我哋錯過咗表演時間，龍獅隊伍已經不知所蹤，咁冇辦法啦，好彩見到仲留低咗套鑼鼓喺度，可以畀小朋友試玩吓。


囡囡又點會同您客氣，打吓個大鼓先，其實囡囡都大胆咗好多喎，佢細個嗰時好驚啲鑼鼓聲架，真係驚到喊哂.....

順手打埋個銅鑼先，祝全家出入平安、身體健康，我哋仲買咗個風車畀囡囡玩添，佢覺得好新奇，因為未玩過，所以好開心......

風車轉一轉，就帶給囡囡好運，風車轉多幾轉，就帶給我們一家長久好運....好嘢....

睇吓囡囡個樣，笑到好似執到金咁嘅樣，真係頂佢唔順呀，一家人快快樂樂咁就玩咗成個下午哪.....係咁先.....下次再傾.....