長隆歡樂世界~聖誕兩天遊 Day-2 ( 長隆香江野生動物世界 ) Part-4

 

2011年12月18日(SUN)

 

睇完馬戲，食埋晚飯，大家跟住吹咗一陣水，之後各自火速返房休息，囡囡同大人好快就瞓咗，我嚟個夜鬼就愈夜愈精神，因為當晚電視原來有場英超直播，咁就梗係睇埋啦，再撈埋啲電視汁先瞓.....咁先至係旅行吖嘛..

 

一夜無話，一覺醒來，原來大人早早已經起咗身，佢話始終係生保床，瞓得唔舒服，我就唔同喇，全天候甚麼環境都可以瞓到好似死豬咁，但係如果你Call 我，我又可以即刻彈起身冇詐形，好嘞廢話講完，搞掂哂叫埋囡囡起身，約定友人們8：30 落去白虎自助餐廳食早餐！

餐廳佈置得好有聖誕節氣氛，四周圍環境都好清潔乾淨，同白老虎一齊食早餐要付出每位HK$120，最唔順氣就係囡囡咁細個都要收錢，仲要HK$80添，嚟次真係蝕低哂咯......心諗算啦....出黎玩唔好咁計較...... 最緊要係玩得開心，咁就全速開動喇，幫囡囡食埋佢嗰份先......哈哈.......

白虎餐廳是全廣州最大的主題自助餐廳，這裡設有1000個用餐席位，全落地玻璃的設計，讓您擁有最廣闊的視野，窗外就是動物島，威猛的白虎、熱情的火烈鳥，陪伴在您的左右使您可隨時大飽眼福，還可大飽口福，白虎自助餐廳為您準備了300多種各地美食！

 

食飽早餐就週圍hea吓先，咁就梗係唔小得同白老虎、火烈鳥合照啦.......

就係嚟幾隻白老虎「雪虎」伴住我哋食早餐啦，睇吓佢哋一啲都唔欺場，仲非常之生猛咁走來走去，咁早就精神翼翼，梗係慣咗早瞓嘞........好嘢..........

來自非洲的火烈鳥喜歡群居，喜歡生活在鹹水湖沼澤地帶，主要靠濾食藻類和浮游生物為生，全身火紅色羽毛，看起來相當奪目耀眼！

 

影飽相就各自返房執拾行李，途經走廊時才發現欄杆原來係十二生肖圖案嚟架，囡囡話要同自己個生肖豬豬影相喎，咁就快啲手啦，我哋仲有好戲在後頭呀，11：00落到大堂辦理Check Out 手續，再搞埋寄存行李服務，跟住嗱嗱聲走去Shuttle Bus Stop 排隊等車去動物園！

 

喺等車嘅期間，我哋就輪流走出去影吓相先，話時話黎咗咁耐都未喺酒店正門影過相添，酒店正門前設置咗幾隻非洲大象模型，造型亦非常之生猛。這是不可或缺的取景點呀......

 

 

「何家三友」在長隆酒店門前留影，這個也是必影位置!!!!!!!

 

影夠喇.....11：35 巴士黎到哪，喳喳臨排隊上車，好彩仲有位坐，車程好短不需10分鐘就到達動物園南門入口售票處，我哋已經有票，唔洗講梗係即刻入園啦，喂...「有飛揸飛，冇飛揸兩皮」嚟兩句嘢明唔明解.....哈哈.......

「長隆香江野生動物世界」我哋黎喇......胡嘩.....眾人即時擺番個猛虎姿勢先，睇落都幾搞笑o架....

首先到達係「非洲部落」，又畀我哋見到佢，佢係乜水，知唔係火烈鳥囉，不過今次有啲唔同，就係野生一大群喺個湖中心島上飛舞，自由自在，構成一幅美麗的圖畫！

 

跟住就去睇啲海上生物，鵜鶘是分佈在除南極以外所有大陸的大型水鳥，最明顯的特徵是嘴下帶有一個喉囊，可以自由伸縮，是儲存食物的地方，一般的鵜鶘並不潛水，主要以群體捕魚的方式為生。海龜響地球上已經生存咗超過一億年，一啲早期化石記錄更可追溯至 2 億 3千萬年前。它們極具遷移特性，成年海龜會每隔幾年由棲息地游幾百以至幾千公里，返到出世嘅沙灘生蛋！

 

再行前啲就見到一群小動物喺度高速跑來跑去，佢哋又週不時停低望住您，睇佢個樣就覺得好古惑咁，原來佢就係獴哥（meerkats，又名細尾獴），直立身高僅12英寸，一種小型花面的哺乳動物，居住在地球上最炎熱、最乾旱的地區。作為獴科動物之一，這種可愛、早熟且喜歡群居的動物，性情兇暴起來足以殺死一條眼鏡蛇！

 

 作為國內首次引進的獴哥，他們在香江動物園安家落戶，受到媒體和遊客們的熱烈捧場，也許是因為他們的兄弟出演《獅子王》丁滿一角之後太有名喇，它們全世界各地都有粉絲，招牌動作是直立，睜大他們的小黑豆眼，對著相機擺出一個又一個靚靚.......Poss！

 

 

唔好走開呀....跟住仲有好多動物出場o架....

這篇文章曾於故居中發表 : http://blog.yahoo.com/andygundam/articles/page/1