長隆歡樂世界~聖誕兩天遊 Day-1 ( 長隆國際大馬戲 ) Part-3

2011年12月17日(SAT)

 

各位都休息咗一陣哪，心情平服番未，如果OK嘅話，就繼續跳舞啦......唔好畀佢停嘛！

 

接住的表演是「仙境精靈」華麗的芭蕾舞姿在夜空中緩緩升起，仙境的精靈們就如蝴蝶般輕盈的身影飛快的跳動著，眾多精靈在高空中不斷地旋轉飛舞，互相變換著優美的動作，確係美不勝收！請觀看影片........

而哪色彩斑斕的景象引來了森林中覓食的長頸鹿、斑馬、羚羊、駱駝等動物注意，最後還有大象群和精靈一起跳出愉快的舞蹈，使到整個場景如夢似幻般美麗......請收看........

 

跟住就到熊人表演喇「功夫英雄」是也，它用極具感染力的馬戲藝術形式表達出「熊彩飛揚」的獨特魅力，灰熊運用

獨特的肢體語言，身懷絕技的技巧將表演進行得極具滑稽可愛的解讀，熊與人的演出亦相當配合，非常之有趣的一個項目.......請收看........

 

先頭同大家咪講咗唔好坐得太前，點解...現在話你知，因為每隔兩三個表演之後就會有遊行活動，遊行路線就喺正一段和二段坐位中間，所以話呢，想同啲動物或表演者來個親密接足，最理想位置就是第一段坐位的最後排，這裡離舞台唔太遠，但又可以近距離觀看動物，睇吓啲熊人同大象走得幾近，真係靚位呢o架冇介紹錯o架.......

 

下一個節目就係「魔幻輪回」幾位來自美洲的亡命表演者，在生死之輪上做出命懸一線的高難度動作，旋轉的火焰隨著跳動的樂曲，魔輪勇士與時速競賽，一次又一次的輪迴，把觀眾恐懼的內心也為他們化險為夷而拍案叫絕，親臨其境的​​感官體驗是絕對的驚險、刺激、流暢........

 

 

 

真係睇到小弟目瞪口呆，連聲嗌好，我就覺得這個「魔幻輪回」是全晚最精彩的表演，真係好睇到震呀，絕對係冇得頂喎，話佢哋係整個馬戲團的台柱都不為過啦.......

 

再嚟係「穿越時空」空中飛人表演，表演健兒矯健優雅的身軀在高空中穿越艱難險阻，啟動生命之帆，在風中劃出的一道道優美弧線，令人目不暇接，豐富的肢體律動配合著節奏，用一次又一次驚險刺激的飛騰動作，彰顯了他們天衣無縫的默契配合。又係拍案叫絕的精彩演出........

 

「狂野黑白配」是一項跳水表演，表演者化身成在黑白奇幻世界裡的企鵝，它們與水為伴，看那一群群憨態可掬的企鵝，為今晚來訪的觀眾們出盡法寶的努力表演！有幾落力，睇吓呢幾條片咪知囉..........

 

 

花式跳水表演的最後高潮，就係有個表演者從馬戲棚頂，飛身360度加轉體唔知幾多週直落水池，引來水花四淺，非常驚險的高難度表演.......正

 

最後壓軸表演就係「炮彈飛人」只見聖誕老人同大家打個招呼之後，就飛身走上大炮口，二話不說就抓入炮管內，跟住全場觀眾為他倒數..10...9...7...4....2....1...一聲巨響聖誕老人就從炮管口飛出，從天空中以拋物線的優美身影飛過，安然地平穩的降落在安全氣墊上，全場觀眾起立為佢歡呼，場面相當震撼..........精彩.................去片........

 

最後所有表演人員同大家揮手 Say Goodbye，咁就再見啦，咁精彩嘅馬戲表演有機會一定會再次觀看o架，本人覺得長隆大馬戲非常好睇、好超值，如果未睇過就快啲去睇哪，本人誠意推介.......

9點幾鐘睇完馬戲就去食晚飯，因為都幾肚餓，又唔想再四處搵食，就今日食過嗰間「彩蝶谷」啦，去到好快就有檯，好快就食完，可能係肚餓嘅關係掛住食，所以連相都冇影到添......Sorry，啲小菜都係非常有水準，同晏晝一樣都係每人幾草嘢落樓，低食到無論。

好喇......食飽之後各自番房休息，因為明天仲要去拜訪「香江野生動物世界」預計會玩「行」足幾個鐘喎.......Yeah......咁就明天見啦.....

待續........

 

 此篇文章乃經過修改版本，當中加入了非常精彩的影片片段！

 

 

 而舊版本可於故居中收看 : http://blog.yahoo.com/andygundam/articles/page/1