吃吃浸浸台北礁溪聖誕行 ~ Day 2a「西門紅樓跳蚤市集 ~ 艋舺 龍山寺篇」

2014年12月20日(SAT)

 

早上睡到自然醒來，梳洗過後，第二天的行程也即將開始，今天的故事大綱計劃到萬華區附近遊走，預計到訪艋舺「龍山寺」及「剝皮寮歷史街區」，黃昏來個快閃「中正紀念堂」，是日晚餐會於有台北食街之稱的永康街作個大掃除，考驗吓自家肚皮極限！

 

 話說這間雞雞旅店是沒有早餐供應，好在附近就有間古早味上海食品老店「永和豆漿」，就選擇這裡享用早餐！

 不過堂食的等候人數實在太多，即時心生一念，不餘帶回房間享用！咁就馬上落單，負責人會給您一張啤牌，之後等佢叫牌取食物！係咪好搞嘢啦！

 10分鐘後食物就到手，喺後面金色嗰座就係「絲達爾弱雞旅店」，紅色箭咀指示就係我哋間靚房，記得認住嚟隻鷹，免得過都唔好幫襯佢呀！

飯糰蛋培根NT50，味道同香港的粢飯差不多，抓餅蛋玉米NT45是囡囡的致愛，NT30煎餃子10粒肉味香濃，招牌豆漿NT20，勁有豆味仲相當香滑添.....好飲，今餐埋單總共NT145，好味又抵吃，超讚的早餐喔！ 

途經西門町見這兩位自由音樂人正在表演樂曲，就駐足聽了一會！

時近聖誕節，各式各樣聖誕裝飾於西門町隨處可見，咁當然要同聖誕老人合照啦，祝大家聖誕快樂！囡囡又有斬獲，買咗罐 Hello Kitty 40th 曲奇餅！

再於西門町街頭隨心隨意拍！

藍色聖誕佈景，哥哥話歡迎隨便拍照，咁就唔客氣啦！

囡囡要同麥香飲品仔跳吓舞，西門町的熱鬧情況與旺角差不多！

 剛好今天是星期六，在「西門紅樓」旁邊會搭建跳蚤市集，既然來到，就入去走番轉先！

這裡主要是販賣自家創作的獨有產品，風格各有不同，很適合年輕人體驗生活，吸取小本經營之道！囡囡就買了一本用來蓋章的Kitty 簿仔！

跳蚤市集旁的得意設計！

由西門町乘坐捷運只需一個站就到達龍山寺站，再步行5分鐘就來到艋舺龍山寺，民國七十四年政府公告艋舺龍山寺為國家保護之二級古蹟，與國立故宮博物院、中正紀念堂並列為國際觀光旅客到臺旅遊的重點三大名勝。想了解更多龍山寺的歷史事跡嗎？可到以下網站： http://www.lungshan.org.tw/

好有氣派的樓牌入口！

當踏入艋舺「龍山寺」的一殺那，就見證到它有一種古舊同宏偉的建築風格！

內堂香火鼎盛，都拍得住黃大仙的八九分光景架！

突然有位台灣小妹問可否同我們擁抱拍照喎，當然冇問題啦，立馬就照了這張照片，再寒暄幾句之後我們就繼續遊覽！

龍山寺旁的小型瀑布，咁好嘅題材，當然要玩吓部相機啦！

如此靚人靚景，唔影低又點可以啦！

再行吓紀念品區間，發覺啲價錢好相宜，睇黎又要放血啦！

我們每人都買咗一條寶石手鏈玩吓，雖然不是名貴，來作份紀念品都好吖！

於龍山寺遊覽了大概一粒鐘左右，係時候向下一站進發.........go go！....再會了「龍山寺」！

當途經這路邊壽司店舖時，就畀佢NT10一件壽司吸引著，立時食指大動，一於坐下吃個痛快！

先取碟，再揀壽司，最後當然是付款啦，估唔到街邊壽司店都咁有水準，就連茶碗煮都相當到位，蛋滑蛤蜊鮮甜，而價位又超讚.............正喎！

今餐午飯只求輕食，留肚不想太飽，原因是今晚會有個食量大挑戰，現在唔透露咁多住，睇埋落去咪知到囉！