吃吃浸浸台北礁溪聖誕行 ~ Day 5a「盡享長榮酒店室內外風呂 ~ 探索宜蘭幾米森林廣場篇」

2014年12月23日(TUE)

 

今日整天都會在礁溪遊玩，也是停留在宜蘭的最後一段時光，傍晚就要乘火車回台北，所以一定要玩盡佢囉！早上於長榮鳳凰酒店享用豐富自助早餐，在退房前再狂浸室內外溫泉，真係浸到巢哂皮！之後落礁溪火車站搭火車去宜蘭探訪幾米公園廣場，預計會同幾米週旋番粒幾鐘架！

 

 今早8點起床，之後到長榮酒店享用自助早餐，又係熟口熟面較為單簡的食品，要自己煮嘅滷肉湯麵、好港式的白粥油炸鬼！每逢吃自助餐漫妹妹都係點到即止，輕食些少，真係蝕哂底！

咁就要爸爸媽咪出馬，等我哋食埋佢嗰份啦！

 

 鳳爪、炒麵、鵝肝湛新的配搭，最後整多碗瘦肉粥就食飽飽啦！

 緊貼時間，再去參加酒店特定的小手工「工作坊」，今期係製作絲瓜燈，經過我和漫妹妹的一番努力，絲瓜燈終於完成了，這製成品是可以帶埋番屋企做紀念添！

跟住就到浸浴時間，睇吓咁正嘅室外溫水游泳池，一定要享受吓啦！

 

 漫妹妹同媽咪話浸太多了，所以今早不落場，咁冇計呢！又要我努力啲浸埋佢哋嗰份囉！

 

 這40.5度的戶外溫泉池，我覺得熱力都係有啲不足，不過就勝在可一人獨享！

 好享受的獨個兒暢泳，梗係要游番幾轉先啦！

之後輪到戶內各式溫泉池體驗！

 再去浸吓魚療足浴，嚟個係全場溫度最熱的高壓氧浴，熱力有42.6度，浸落確係非常舒服....好享受呢！

 這款星形按摩浴池，水動力相當強勁.....relax relax！

 時至中午，我們終於要同溫泉區講拜拜，亦要同長榮鳳凰酒店說聲再會.....再見啦！

 

礁溪長榮鳳凰酒店：http://jiaosi.evergreen-hotels.com/

搞掂退房手續之後乘酒店專車落番去礁溪火車站，將大件行李寄放在車站旁的鐵櫃裡，最大Size都係NT50一日，相當抵玩，跟住買定17：45回台北的普悠瑪特快列車車票！

 

 今天太陽伯伯的關照令我們相當暖和，立時充滿旅遊動力，咁梗要馬上開展我們的宜蘭之旅行動啦！首先要去邊處？等陣再話過您知，嘩....火車到着啦，火速拍照存檔先！

 

 hi.....我們只需搭兩個站就到，睇吓漫妹妹幾enjoy喎！

 

 火車途經四城站，接著來到我們遊覽的第一個目的地「宜蘭火車站」！

 嘩....睇吓站內有成10個紀念章咁多，漫妹妹今次發達啦，真係蓋章都蓋到手軟！宜蘭車站非常獨特的長頸鹿標記，令車站更覺充滿童話色彩，而站內清晰的宜蘭週邊旅遊圖點，對旅客相應方便呢！

 請大家放心，唔係齋睇火車站咁流料嘅！咁就請大家一齊望過對面啦！

 

 對面就係我哋今日的亮點，宜蘭「幾米森林廣場」是也！

 

 宜蘭的主要旅遊點「幾米森林廣場」，這是仿照幾米的「星空」繪本，整列《星光號》火車就像在天空中飛翔似的，而故事裡的男女主角開心地向著我們招手，彷彿真實地呈現在眼前！

 會飛天的《星光號》列車穿梭於半透明的鋼鐵森林中，這氣氛也令人們開始興奮起來，一齊加入幾米的童話世界玩玩吧！睇吓我變得幾大力，咁重嘅火車都托得起呀！

 

「丟丟噹森林」正確名稱為「口丟口丟口當森林」是國際名建築師「黃聲遠」的作品！

 

 幾米廣場仲有其他景區未行架，不過現在要唞陣先，下篇再續啦！