2014年12月22日(Mon)冬至
今年又是在異地過(冬至)，還記得上年於新加坡度過，真的是光音似箭，咁快又一年了！同大家講吓是日行動先，今日上午大概會於老爺酒店週邊活動，泡泡湯、嘆吓岩波庭特色早餐，中午就去探訪位於酒店附近的「五峰旗」瀑布區！之後就會轉移陣地過去礁
今早要8點起床，因為想早啲落去泡番個晨早浴嘛，貪佢早上水會清啲人又少
礁溪湯泉是採自地底下650公尺的碳酸氫鹽泉，由於泉質細緻、無色無味，當您浸泡過之後、肌膚定能更顯柔嫩凝脂，故被日本專家讚譽為「美人之湯」，另外還提供香氛私人湯屋，不過要額外付費，喜歡自家隱私地放鬆浸浴就啱啦！
我們先來「草本溫泉區」的藥草養生池泡吓先，深棗色的池水，散發出陣陣濃濃的藥草氣味！這湯可助您舒筋活血，疲勞盡消，我們何家三友享受得相當受惠！
那翠綠色的湯池是女生致愛的香草美顏湯，睇吓這兩位女生浸得幾咁...happy...
我極喜愛的陶甕靜泡池(缸)，貪佢可以豪放地獨享泡湯樂，所以今早要再浸一次！
又到每日一按嘅時候呢，連漫妹妹都話要體驗吓喎，水力按摩又確係幾爽架！
突然要去睇醫生添，哈哈...係魚仔醫生抓癢致真，確係咀得幾痕架，不過我喜歡！
經過多番思量，怕癢的媽咪也膽粗粗地來個魚醫生體驗，hi....我又在獨享湯池呢！
可能是其他住客正在享用早餐，「觀景泳池」這邊空無一人，見機不可失，立馬落水暢泳，我唔客氣啦游番轉先！
老爺酒店的服務相當體貼，泡完湯後還提供熱騰騰薑茶，飲下
回到房間換衣服之餘，再坐於陽台觀景嘆吓薑茶，的確舒暢無比！
浸完湯個肚開始有啲餓，咁就落去食早餐先，今次唔食自助餐啦，而選擇往岩波庭
岩波庭廚房提供的是一Set上精美日式早餐，比起行常的自助餐確有一份新鮮感！
岩波庭廚房景觀相當開揚，樓底甚高，視野廣闊，三面全落地玻璃窗，我們彷彿被廣大的綠色森林所環抱！
點過餐後，服務生首先送上是日餐包、藍莓優格蕃茄及鮮柚子汁！
頭盤冷品是宜蘭時蔬佐日式芝麻醬沙拉，啲色彩繽紛嘅蔬菜勁新鮮，確令我們胃口大開，隨即更期待主菜呢！
我選的薑汁宜蘭極黑豬丼，每份套餐均附有蟹肉蒸冬瓜、過貓菜
媽咪點的南方澳甜蝦仁丼，是碗鋪滿滑蛋蝦仁的日式蓋飯模樣，而蛋弄得非常香滑，配合爽口鮮甜的南方澳甜蝦仁，的確相當美味！另外媽咪亦極喜愛這款蟹肉蒸冬瓜小吃，炆得腍夠入味......超讚呀！
最後是漫妹妹的咖哩牛腩綜合蔬菜麵，牛腩炆得夠軟腍又不失咬口，咖哩亦唔太辣適合
而是日餐湯係有兩款選擇，一為蜆仔味噌湯，感覺這款太過普通了，所以我
咁大Set套餐漫妹妹又點食得哂喎，都係等有大白鯊之稱的爸爸幫
食完咁滿足又豐富嘅早餐之後，立馬上番房轉戰室內私人風呂，溫泉浸浴確係爽到冇朋友，而囡囡就極喜愛把玩這隻黃色鴨仔，我們背後就係絕對無敵大山景囉！
一輪梳洗工作過後，再到大堂的紀念品部行吓，最後買咗套靚靚浴衣畀漫妹妹作紀念品，皆因她勁愛穿浴衣囉！
酒店內設置的3D場景都幾逼真架，先來張漫妹妹與海豚之吻，另一方面酒店大堂地底突然衝出巨鱷，正要襲擊媽咪同囡囡，睇
稱得上老爺酒店當然要有番架老爺車坐鎮至夠威啦！
超5星級的老爺酒店我們確實沒有揀錯，抵畀多幾個Like佢！跟住Check Out 再把行李寄存，今日礁溪的天空終於放晴了，咁等陣間何家三友就可以實行預設之登山大計啦！
敬請繼續留意收看............
沒有留言:
張貼留言