2014年12月20日(SAT)
絕冇事先張揚的隨意輕嚐行人路邊壽司餐，果真別有一番風味，問過老闆娘確定了艋舺剝皮寮歷史街區位置後，便馬上向著目標進發！
從龍山寺右轉廣州街，直行至康定路交界，就輕鬆找到電影「艋舺」的取景處剝皮寮歷史
這裡還有台北市鄉土教育中心，再配合「剝皮寮」的舊址街區，作為推廣鄉土教育之區域園地！
個人好喜歡這夾雜古今文化的紅磚牆壁畫！
想清楚艋舺還有甚麼好去處，這幅漫遊趣地圖一定幫到您，原來龍山寺左邊就是華西街夜市！
剝皮寮歷史街區完整地保存了清代面貌的街型，也有傳統居屋以及具有紀念意義的歷史古建築家店！看見這棵樹是否幻想起一隻張牙舞爪的巨獸呢！
我們何家三友輪流當吓黃包車夫，尤其是囡囡玩到樂此不疲！
囡囡呢式名為騎牛睇艋舺，身後的電影海報很像九份昇平戲院的佈局！
這願望樹可給您掛上祝福萬華的字句，囡囡也要寫下心意卡掛上，她寫了爸爸媽媽 I love you，真的非常窩心！跟住就要同艋舺講聲再見，我們要去下一站啦！
回捷運站要經過艋舺公園，公園兩旁駐紮滿是路宿者，可想而知艋舺是處下町地區，好有香港深水埗Feel！而公園內那口大銅鐘則顯得甚有氣勢！而囡囡也展開蓋章大行動，艋舺龍山寺站的印章畀她完全地蓋上！
接著就是來個快閃「中正紀念堂」速遊，何解要咁快呢，皆因只得囡囡未嚟過，所以就順便帶佢過來望吓！吸收吓自由廣場上啲空氣，係會醒神啲架！
我們從捷運中正紀念堂站5號出口抵達，迎接我們的就是身後那座國家戲劇院， 睇吓佢兩個幾古靈精怪！
黃昏將至，天也開始入黑，要爭取時間多拍幾張照片先！
國立中正紀念堂其頂部是仿傚北京天壇模式，而四邊構造也模仿埃及金字塔建成，整座中正紀念堂的白色大理石、寶藍色的琉璃瓦、滿園遍植的紅花，就如同國旗青天白日滿地紅的象徵！
原來冬季的台北5點幾鐘天就差不多黑齊，咁就等我找個有利位置，抓緊時機影番幾幅靚靚夜
影罷夜景之後，就從大孝門左轉沿愛國東路直去，大概15分鐘腳程就來到永康街，準備吃我們的是日晚餐！
接著就會上演今日行程中的重頭戲，我們即將會測試人類肚皮極限挑戰，就是橫掃有台北食街之
我們首先幫襯的就是呢間「城府台南美食」旗艦店，旅遊書也有介紹過，首點必食台南名物招牌蝦仁肉丸NT50，類似港式蝦餃，但佢件粉皮就滑啲、豬肉又大舊啲，整體咪都大粒啲囉，都算係幾抵食嘅！再嚟台南嚕肉飯細碗NT30，個人很喜歡嚕肉伴飯的味覺，細細碗兩三啖就食完，特別好味架！
旗魚焿麵NT50，係漫妹妹親自點嘅，勁喜歡食麵的她，話咁快就將成碗麵KO了，仲邊食邊話 yummy yummy！
跟住轉戰這間名店「度小月」，度小月係永康街有110年歷史的王牌老店，所以選為第二目標店舖
在等候期間可近距離觀看到師傅製作擔仔麵，睇吓師傅的極速神手，話咁快又煮好一碗擔仔麵啦！
等咗10分鐘就可入坐，店員極力推介的黃金蝦捲NT200，但味道確實一般，算係過得去啦！
台南擔仔麵NT50是此店必食之品，再加埋滷鴨蛋及魯貢丸各NT15，碗麵立即豐富了很多，滷鴨蛋超入味，魯貢丸亦相當彈牙，附有嚕肉碎之擔仔麵確特顯了地道風味，我超喜歡！
各位識唔識讀呢個字同埋點解啦？我就真係一頭霧水了！結賬盛惠NT308，係有加一服務費架！
正所謂食開有條癮，接著就要挑戰今晚的第三餐，永康街「高記」上海菜館是也，聽說高記在永康街已有60年歷史，比鼎泰豐還要早，咁就真係要試吓啦！
詳情請到以下連結：http://www.kao-chi.com/
高記振店之寶就是這客必食招牌鐵鍋生煎包，一鍋10個NT200，即叫即做，保證熱騰騰的，咬落包皮軟腍、肉質新鮮，肉
太太超期待的蟹黃小籠包10個入NT320，皮薄而湯汁恰可，都算幾有水準啦！而囡囡點的上海素麵NT50，麵條清淡軟滑，傻妹妹話相當好味喎！
又到埋單時間，總計NT627加一服務小費，經過這三餐美食挑戰後，同行的兩名女子都話飽到差啲行唔郁啦，但我就仲有貨賣，咁不如搵啲甜點吔吓吖！
其實我心目中已經有目標店舖，就是這間沙冰名店思慕昔本館，睇見店前啲相片立時食指大動，真的花多眼亂，最終選了這款本館招牌推介超級綜合芒果雪花冰 ~ 雪酪NT190，漫妹妹就點了草莓雪酪單球NT40，因為她不喜歡食芒果的！
全開放式的坐檯我非常喜愛，今夜之終極人類肚皮大挑戰正式開始，我們立馬大口大口地吃，這刻的感
最後來個戰果總結，這晚我們係食了四大餐呀，是否很厲害呢？
懷著大滿足的心情回到西門町，於6號出口處有棵巨型聖誕樹放置，名為「神魔之塔」，應該是某網絡遊戲的宣傳活動！
您也可隨意寫下願望咭掛於聖誕樹上，囡囡更附送多一個香吻添！Merry Christmas！
今晚沒有吃夜宵的準備，因為確實仲有飽意，但又唔想失手勢，最後在7-11只買了些飲品，睡前再品
明天我們將會轉移陣地，從台北走到宜蘭，這也意味著礁溪溫泉之旅即將展開，更會入住今個行程中最高檔次之「礁溪老爺大酒店」，敬請留意收看...........
沒有留言:
張貼留言