小公主舞蹈學院 2012 年度大匯演暨頒獎典禮

 2012年9月22日(SAT)

一年一度嘅小公主舞蹈學院大匯演暨頒獎典禮今年在沙田大會堂舉行，話說囡囡都已經學咗一年有多喇，今次係最好機會嚟個檢視，睇吓阿囡啲舞技進度如何..........

是次大會演亦相當隆重，係小公主舞蹈學院的每年盛事，所以撲飛都非常緊張，因此開賣那天星期日都要晨咁早爬起身，七點鐘前就抵達售票地點，為的只想買到較前位置去支持囡囡演出，再辛苦啲都係值得嘅.......

那天集合時間中午12點正，我哋亦照常準時到達，媽咪先幫囡囡換上靚靚舞衣，順手梗係拍照留念啦，當時現場已經有各分校隊伍齊集，跟住一隊隊由媽咪義工帶領去後台化妝間準備.

睇吓會場大堂幾咁人頭湧湧，直到下午02：30 開始入場，大家睇吓表演場地相當宏偉，我咃的座位是第二行B5、B6，係面對舞台偏左方，亦都相當接近舞台，大人話位置都幾理想吖，咁就好嘞，陣間可以同囡囡影多幾張靚相喇.......

每個座位上已經配置場刊乙本，囡囡就是演出四公主的童年那一幕，03：00大匯演正式開始，兩位司儀姐姐首先同大家講解流程，再嚟係多謝Elite Makeup 專業化妝學校咁多位哥哥組姐幫小朋友Set 頭化妝.......http://www.elitemakeup.hk/

大會今次請得WIL PHOTOGRAPHY作舞台設計，亦請來嘉賓裕美小姐及彭紀諺先生演出，喺節目開始之前，先來頒發一些獎項，舞藝優秀獎及飛越進步獎，但係囡囡兩個獎都冇份，真係有啲失望，不過唔緊要啦，下年囡囡一定會再翻嚟攞獎嘅..........http://www.wilphotography.net/

最後由小公主舞蹈學院校長頒發獎狀與裕美姐姐及彭紀諺哥哥，咁今日嘅精彩舞蹈表演節目就立即開始，首先係少女時代出場，接住歡樂起舞........

再到五位公主續一表演美妙的芭蕾舞姿，到最後來個五人共舞，真的精彩非常....

跟住呢幕我認為係全日最精彩嘅表演，皆因係輪到囡囡出場，表演項目名為四公主的童年，睇吓阿囡又唱又跳，十分投入，比起之前的確進步很多，所以囡囡妳要加油呀.........


之後就係扮演國王的彭紀諺哥哥表演高歌一曲，另一位表演嘉賓裕美姐姐亦加入表演，她扮演的是仙子角色，兩人更在最後合唱一曲，歌聲亦非常之動聽...........

就在這時，代表四位小公主童年的小學員走出台，一起走到國王的面前，牽引著國王的手一齊演出，囡囡都係四公主之一，紅色箭咀指住嗰個就係佢啦......yeah......

當兩位嘉賓表演完畢，又輪到學員繼續表演，舞蹈名稱順序為小魔鬼、小舞者、拉丁鬥牛、森林小仙子及閃石公主！

接住係花精靈、樹精靈、粉蝴蝶、紫仙子、小白貓及黑夜精靈！

跟住就係幾位大姐姐表現愛女神、之後輪到一班快樂精靈伴著裕美姐姐再歌再舞........精彩非常..........

好嘅節目就唔好畀佢停喇，再嚟係夢幻孩童、紫丁香仙子、舞蹈精靈及綠野仙子！

話咁快就到咗節目嘅尾聲，最後表演嘅係拉丁公主四人組及歡樂鼓舞飛揚，其實表演仲未完結，但就超出預定時間，望吓個錶都快到六點，亦因為這夜約咗朋友食飯，所以最終都係提早離場，囡囡那時亦不知不覺瞓着咗，咁我又要抱住佢去趕搭車喇，唔講咁多啦......下次再傾......Bye Bye......

 

 

高知縣「海洋堂HOBBY館四萬十」玩具模型展覽館

2012年9月21日(FRI)
被稱為日本最強模型集團的海洋堂，從食玩、扭蛋到人偶模型，創作出二千種以上的作品，可說是玩具模型界的龍頭大哥...........海洋堂網址：http://www.kaiyodo.co.jp/kaiyodo_HB/TK_topics/

高知縣四萬十市出身的海洋堂社長宮脇修一，特別在故鄉高知縣以廢棄小學重新打造出「海洋堂 HOBBY 館四萬十」玩具模型展覽館，宛如置身在深山秘境中的玩具王國，自去年開幕以來大受好評，各地觀光客蜂擁而至，因此更加肯定海洋堂在玩具界的一哥地位穩如泰山！

展覽館展出逾一萬餘件玩具模型產品，更有親自擔任館長的海洋堂創始人宮脇修一（83歲）主理，他滿懷信心地表示：要把四萬十打造成玩具模型的另一聖地！

高知縣除了堪稱日本秘境的遼闊自然風景外，還有日本最強動漫模型集團的「海洋堂 HOBBY 館四萬十」美術館，而高知更是漫畫人才輩出之地，包括經典漫畫《福仔》的橫山隆一、麵包超人作者柳瀨嵩等，縣內就有其紀念館「橫山隆一紀念漫畫館」、大人小孩都愛的「麵包超人美術館」等，更能使您認識豐富的漫畫創作，另外每年還會舉行挖掘日本未來漫畫家的「漫畫甲子園」，在高知就可一次感受日本動漫的無限魅力！

如要得知更多情報請上：http://www.hobbykan.jp/

..........Bye Bye

 



那些年 ~ 我們一起再次到訪的台北 Day-2d 第九回「瘋麻辣 (頂級鴛鴦麻辣火鍋)」

2012年7月9日(MON)

 

上文題要，話說台灣的麻辣火鍋店多如流星沙點，水準亦各有高低，咁點解揀呢間「瘋麻辣 」，其實我都未曾食過，只係在出發前於網上無意中Search到，揀「瘋麻辣 」最主要原因係它是2012 年才開業的新店鋪，我就最喜歡試新嘢架啦，同埋佢哋主打賣點係無限量任食美國安格斯牛肉，秘製人氣花雕雞及任飲Heineken啤酒，咁吸引嘅賣點，再睇到啤酒任飲，咁就唔試吓又點得呢.........

 

 

打的好快就到達「瘋麻辣 」西門町店，時間剛好7：00，其實店鋪位置都好易搵，就在西門町萬年商場對面，正確地址係萬華區西寧南路159 號。跟隨服務生的帶領，我們就被安排坐於一列長形餐檯，兩人一鍋面對面進食，環顧全場所有坐位差不多都是這樣，燈光稍暗但足夠，首個觀感氣氛良好........

 

 

近年來台灣的火鍋文化係主張食到飽，所以放題火鍋店就做到成行成市，咁點先能突出店鋪特色呢，大概是以自家秘製菜色作為招徠，據聞此店的人氣花雕雞鍋 (原味、辣味)係賣到出哂位嘅，仲有奶香骨鈣鍋及其他八種精心調配鍋底亦相當特別，除咗啤酒之外，鮮炸果汁、西雅圖咖啡、世界四大品牌冰淇淋雪糕應有盡有，真係未食都流哂口水......

 

其他食品包括：各式餃子、多款肉丸、瓜類蔬菜、蛋糕甜點、仲有多款醬油調味吧，方便您調配出自家喜愛嘅獨特醬汁！

 

講咗咁耐都有啲口乾呀！立即同豬永球攞番杯啤酒飲吓先，天時暑熱，真係正到冇朋友呀，實在太幸福喇，我又要學歌神唱歌啦「飲番杯冰凍啤酒、高歌一曲氣量厚」......哈哈，囡囡都不今後人，飲支汽水先........yeah

靜靜雞話俾您哋知，我同豬永球各自隊咗四杯啤酒，真係淨飲啤酒都已經大滿足，有本有利啦........問您怕未........

落Order嘅任務就交哂俾啲女士負責，因為張檯太長，所以要分開兩邊食，我哋呢邊嗌咗四個湯底，有招牌花雕雞鍋(麻辣味)、奶香骨鈣鍋、養生藥膳鍋、元氣膠原美人鍋四款，今晚真係可以一次過滿足哂四個願望，好.......開動啦！

 

以上三款牛肉嘅賣相睇得，食落仲得，尤其是左面的安格斯黑牛肉，真係好食到停唔倒口，肉質鮮嫩，咬勁十足，我同豬永球都有啲唔相信，咁嘅質素，竟然係放題任食，拿拿聲搵個服務生確認是否屬實，答案係完全冇取巧，兩小時內任叫任食，咁豬永球即時話唔好俾佢停，嗌多幾客安格斯黑牛肉食盡佢喎.......完全同意......yeah

 

 

如果唔喜歡食牛肉嘅朋友唔使慌張，定啲嚟，較為大路啲嘅豬肉都有好多選擇，台灣自行培育嘅培根豬肉、黑毛豬肉及松阪豬肉都十分美味，這些豬肉的特點係肉質較為柔軟爽口，白色脂肪部位特別豐富，比普通豬肉確實好吃得多，咁當然又係要不停演奏啦.........

 

 

 

 

睇吓大家食得幾開心吖，我絕對誠意推介此店給各位愛食火鍋的老友記，皆因它們真正做到價廉物美的效果，尤其是這晚服務我們的哥哥仔非常好人，囡囡身高未夠100cm就一定免費，就連喬喬姐姐肯定超過140cm佢都一樣唔收錢，真是服務週到的新興火鍋名店........超讚..........

現付上收費表如下↓

真係抵食夾大件架，圍起嚟每人連加一服務費都係港幣$150左右絕對超值！

 

想更了解「瘋麻辣」請到：http://www.feng-ml.com/

 

當食到咁上下之際，就被韋爵爺拉咗去對面萬年商場睇玩具，萬年商場就好似香港的信和、兆萬，現時點等專買玩具嘅地方，這裡店舖林立，有較為大型的玩具模型舖，現時非常流行的格仔玩具櫃，小型的二手玩具店等等，真係應有盡有，更有一間合您心意........

 

但最可惜係當我哋去到時大多數店舖已經開始收檔，咁我們兩個電車佬只好快步走了一轉，因時間實在太倉促喇，冇收穫係應該必然啦，之後就失望地返去繼續大吃大喝，化悲憤為食量嗎......

 

最後唔使講又係何老闆找數，我哋臨走時經過雪糕Bar，先記起原來無食過雪糕，咁咪一人整杯邊行邊食囉，Sorry 呀各位，其實咁做真係有啲唔啱，不過我又真係好想食雪糕吖嗎，至多下不違例囉..............

之後又係指定動作，喺「瘋麻辣」門前幫囡囡影相傳檔，阿囡都話呢度啲牛肉好好味呀，咁妳都幾識食喎，現今啲小朋友真係幸福......

食到飽飽就不如四周圍行吓街街，幫助消化吓都好吖，西門町夜晚又確係幾熱鬧喎，處處燈紅酒綠，人流不乏，拍得住香港旺角咁熱鬧，亦酷似東京新宿歌舞伎町的不夜天景況，行行吓就遇見西門地表「西門紅樓」是也，晚間打了燈光的紅樓又別有一番風格喎........

 

何老闆一向係早瞓之人，所以行咗陣就走先，淨低我哋呢班夜鬼繼續跳舞，其實時間上早只係十點鐘左右，本想再去行夜市架，但見大人同囡囡都有啲攰，所以最終都係放棄冇去到，再講明天係今個台灣Trip 的最忙碌一日，都係喺度行多陣就算囉！

 

喺誠品門前擺放了一部超型仔黃色電單車，可能係配合後面部即將上畫嘅新電影「浴血任務 2」作宣傳之用，呢套戲好多猛人做架，例如武打巨星李連杰、布斯韋利士，史泰龍，仲有退休市長阿諾舒華辛力加坐陣，可以講話陣容頂盛，我就一定唔會錯過嘞，唔知您又點睇呢？註：香港名為「轟天猛將 2」！

夜晚嘅紅樓真係越睇越靚，好有古色古香味道，好.....就同囡囡即場跳番part舞先，以下就為大家講吓紅樓的一些過往歷史...........

西門紅樓這棟兩層高的三級古蹟紅磚洋樓是1908 年所建成，該建築物最獨特之處，是其外觀為每正立面為8 公尺，亦因此於日治時期被稱為「八角堂」。「八角堂」主建築體後面連接着的是十字型外觀的一樓磚造樓房，而結構不太相似的這兩棟建物合稱西門市場，紅樓則為市場入口。

西門紅樓現今由台北市政府以「官辦民營」方式委與紙風車文教基金會經營，為知名的小型文藝表演場所，直至2007年9月30日合約到期，再於同年11月交由台北市文化基金會接手營運，並於2008年榮獲第七屆【臺北市都市景觀大獎】歷史空間活化獎，西門紅樓以扶持文藝與創意團隊為目的，持續為台北西區的文創發展注入活力精神。

喺紅樓hea咗一陣，之後眾人就決定去附近嘅24小時通消營業超市「家樂福」走番轉，順便入番啲補給品，皆因明日大多數在山區行動，例如水質飲品之類就越多越好，睇吓囡囡坐住架車仔幾舒服，架車仔要入個大銀先可以推動，當買完嘢還車後就會退番俾您，這間「家樂福」好大架，係有幾層樓咁高，所以要搭傾斜自動電梯上落，嘩....斜路嚟喎，架車流後或衝前咪大碌，咁您又真係放心好安全架喎，因為電梯底裝有磁石，當手推車行到就會立即攝住動彈不得，我哋快速的瘋狂掃貨之後，又係返酒店休息時間，雖然「家樂福」離酒店好近，但係個個拎住一袋二袋，都係決定伸手牌打的返去算嘞....

 

只須幾分鐘車程就返到酒店，順手拍番兩幅台北夜景傳檔先...........

 

噚日嚟到捷絲旅酒店時比較匆忙，都忙記同佢拍番個照添，現在非常得閒，就同阿囡影相留念啦，喺大街大巷阿囡都夠胆擺個咁嘅姿勢，問您服未...

 

影完相就拿臨上番房喇，因為要快啲沖涼休息，事關明天要進行台北郊區一日遊，換言之係一項遠足活動，我哋又約咗租車公司安排專車接送，聽佢哋講好大機會都係嗰位黃大佬服務我們，希望唔係真架啦！

 

臨瞓前送上今日嘅少許戰利品，「家樂福」裡面買嘅台灣特製100% 純黑麻油、司迪生茉莉綠茶包，另外兩條恐龍就喺BabyBoss買嘅.......

 

好嘞.......真係要瞓喇........明天見........早抖.........

  

 

 下回預告：明天行程非常緊密，要探訪嘅景點亦特別多，所以時間一定要掌握得準確，我們預算順序遊九份、基隆、十分、平溪、青桐，真係令人非常期待的旅程..........敬請繼續跟進..............