2012年7月8日(SUN)
晨咁早未夠6點就彈咗起身，完來大人仲早過我已經梳洗完畢，我即時拿拿臨刷牙洗面，仲洗埋個頭添，然後媽咪嗌醒囡囡，我就作最後檢閱，Check吓所有証件帶齊未，咁早起身囡囡都冇扭計好合作，因為有旅行去心情特別興奮嗎，這是自06年日本阪京神旅遊後，首次的正式外遊，現在加入埋囡囡詩漫呢個成員，更可以為往後的旅程加添滿滿的快樂原素...
，我哋準時6：15分離開屋企，本家三友終於可在晴朗一天出發....
，我哋準時6：15分離開屋企，本家三友終於可在晴朗一天出發....
先搭專線小巴出將軍澳，再轉機場巴士A29去機場，第一次搭呢條線因為貪佢行龍翔道會快啲！
可能真係太晨早哪，車上只得幾件行李上架，全車乘客都不到20人。
車程只須45分鐘就到達機場，睇吓天氣幾好，一切都非常順利.....
睇吓囡囡詩漫幾醒神，我哋約咗其他團友8點喺C區CX櫃檯前集合，所有團友都要俾個....讚佢，因為個個未到8點就已經浦哂頭......
因為已經做咗網上訂位及Check In 手續，所以只須辦理行李寄艙就可以嘞，又有新奇事物發生在囡囡身上，咪就係寄行李囉........
囡囡有啲擔心咁問，啲行李會唔會唔見咗o架，我話梗係唔會啦，去到台灣落機就會攞番o架哪！咁樣個傻妹先至笑番.....
囡囡有啲擔心咁問，啲行李會唔會唔見咗o架，我話梗係唔會啦，去到台灣落機就會攞番o架哪！咁樣個傻妹先至笑番.....
今次囡囡同行的好拍擋，大佢一年嘅帛喬喬姐姐，睇吓佢兩個幾合拍.....
跟住好快就過埋海關，一輪衝鋒現在先發覺有啲肚餓，咁就去何老闆介紹嘅翠華餐廳食番個早餐先，王牌早餐A鮑魚旦通粉果然名不虛傳.....好味
今次又係要乘坐無人駕駛列車去登機閘口！好開心的兩個小女孩.....影番張相先.....笑吓.....
在候機室望出去的機場景況，天氣真係好到冇得頂喎，皆因這時仲未知稍後台北啲天氣仲冇得頂呀！！
襯未上得機住仲有多少時間，先來一幅大合照先，再同大家介紹吓今次旅程的各方成員組合先，黃色鴨仔就係何老闆四人組計埋喬喬妹妹在內，喺囡囡後面嗰兩個就係韋爵爺夫婦，中間就係豬永球兩公婆同埋囡囡，最後梗係要加埋我哋本家三友啦，總共全體團員達到12人嘞，係咪陣容好鼎盛呢....
囡囡話老爸都冇影大合照，所以要幫爸爸補影加埋入去喎，真係吹漲.....
yeah....詩漫話我哋要上機喇.....
登機閘口就係48號，CX 450 起飛時間10:00，台北我哋嚟哪！
飛機開始駛出跑道哪！
不一會兒童餐首先送上，望落去同大人餐冇乜分別，係多咗支魚仔飲管，稍後大人餐都到埋，係一個麵包加兩件西瓜，短途機係咁上下o架哪，不過話時話個包又真係幾好食喎，個麵包皮焗得又熱又鬆脆，件火腿非常厚身好有咬口，配埋蛋黃醬真係好味，呢個飛機餐真係有啲驚喜....
囡囡都差不多食哂成個餐，食飽之後又開始搞事喇！架飛機依家喺雲層之上大約千多米高度......
大約經過個半小時的機程，差不多到達台北桃園機場喇，臨落機前媽咪同囡囡脂潤吓先，因為機艙裡面都幾乾燥o架！
飛機翼正在打開喇，咁代表飛機準備安全著陸.....台北我哋嚟哪......
待續....敬請收看下回...
這篇文章曾於故居內發表: http://blog.yahoo.com/andygundam/articles/page/1
沒有留言:
張貼留言