那些年 ~ 我們一起再次到訪的台北 2012「出發篇」

 

2012年7月7日(SAT)

嘩啦....再過幾粒鐘就出發哪！囡囡心情非常興奮，搞到連我哋兩個都一樣咁興奮，亦帶多少緊張，話哂今次係何家三友第一次搭飛機外遊，亦係囡囡的飛行初體驗，所以要佢同媽咪早啲瞓，現在夜深人靜，等我呢個夜鬼作個最後檢閱，Check 清楚要帶的物品先......

 

 

台幣早兩日喺中國錢莊搞掂，換咗10000 元新台幣用住先，因為啲大數何老闆會出住先，到時梗係一於有大食大，美女廚房、食咗先講，如果啲台幣真係唔夠用的話，可以喺西門町再對換，朋友話嗰度會抵啲......

 

 

確認何家三友的三本Passport 完全準備好冇問題........

 

 

台灣合適用嘅兩腳扁平插頭，相機及電話差電之用......確認已帶備.......

 

 

從朋友處借來的台北終極旅遊天書( 長空出版社) ......正呀
佢會跟埋我哋一齊去台灣o架.......

 

 

最大嗰個Kappa 旅行袋同埋黑色adidas 背包係我負責嘅，藍色Burberry 袋係媽咪嘅，連囡囡都話要帶個細喼喎，咁就由得佢啦.......

 

 

 

 特別帶埋呢兩把QQ風扇仔，因為上網Check 過台北嚟緊呢幾日天氣相當熱，日間最高達到36度，夜晚都有27~32度，真係無咗佢咃唔得，重要記緊一定要飲多啲水添，預防中暑呀！

 

 嘩....都好夜囉，唔講咁多嘞，我都要瞓喇..

.....返嚟再同大家傾過.......再見........最後 ~ 祝自己旅途愉快 ~ 哈哈

 

 這篇文章曾於故居內發表: http://blog.yahoo.com/andygundam/articles/page/1