那些年 ~ 我們一起再次到訪的台北 Day-1d 第四回「漫遊 - 落日情人橋」

2012年7月8日(SUN)

 

喺紅樓過完冷河之後，又要繼續踏上酷熱的淡水旅程，沿住正門石階往下走到老街，剛好對到正就係淡水名物老店阿婆鐵蛋！

 

 

大家都見到阿婆鐵蛋側邊有條小巷，從小巷直出就係渡輪碼頭，這裡可乘船過淡水漁人碼頭，船程大約12分鐘，原先淡水仲有一個必遊景點「紅毛城」，但因在今年6月8日起整修，所以就無緣拜訪呢個已有四百年歷史的古跡嘞！

紅毛城網址: http://www.tshs.tpc.gov.tw/

 

 

再講翻阿婆鐵蛋售價為每包NT100，大細蛋都係同一樣價錢！
我就梗係唔會失手勢啦，一場嚟到唔買正忠阿婆鐵蛋仲成世界嘅...Yeah....買咗啦！跟住走入巷仔裡面望望，裡面原來有間好嘢，知唔係洪媽媽的酸梅湯囉，佢話係祖傳秘方，特別生津止渴，咁咪信吓佢買杯飲吓囉.....

 

豬永球都好有興趣試吓，咁就一人一杯啦我請客，飲落酸梅味好濃，確實非常解喝，真正消暑妙品............正

同阿囡係淡水老街留影先，其實淡水老街確係有好多特色小食，不過就要個肚皮再大啲先至可以試食得哂.........

前面這間是淡水福佑宮古廟，今日天氣咁熱冇心情入去參觀囉，喺門口影張相就算嘞！路過仲見到呢檔買啲花生超大粒，我哋都有試食，甜甜地幾好味，不過就係齋食冇買.. 先前約定司機大哥5 點鐘左右翻嚟接我哋，睇吓個錶時間都差不多喇，回程時途經這間搜奇博物館，旅遊書話裡面係放咗啲好奇形怪狀嘅小動物喎，要收入場費o架，都係嗰句.....冇時間兼冇心情....所以冇入到去！

 

架車好準時係淡水站旁邊接番我哋，全體團員火速上哂車，又係過冷河時間喇，襯現在扮吓導遊先生，同大家講解吓下一個景點係乜......

 

大約5：30就到達淡水第二個必遊景點，就係淡水情人橋嘞，去到第一眼睇見這個LOVE大字影相靚位，背景就係情人橋，見好多人都喺度取景，咁我哋梗係唔執輸啦，一於人影我又影，影番張命名為「我愛情人橋」作品先....哈哈......

 

事不宜遲，立即登上情人橋感受一吓此時此刻情人浪漫氣氛，講到尾我就最著數啦，皆因我身邊就有兩位大少情人相伴，你哋唔恨得咁多o架喇.....

 

時夕黃昏，經過一天的辛勞，太陽剛開始落山，此刻身處橋中央，放眼遠眺淡水港日落景致，此刻心情特別興奮......  這幕情人橋睇日落絕景，當下盡現眼前，真係要學柏木達也講句，我又要唱歌喇...「夕陽無限好...天色已黃昏...」........靚景真係靚到冇得頂........ 情人橋兩旁都有相當多店舖可供遊覽，這裡食店林立，如有時間的話可慢慢參觀及品嚐各種美食！

太陽越落越低，昏暗的陽光此刻影照到橋上，將整條情人橋都變為淡黃色！

 

咁靚嘅景況，唔抇低點對得住自己呀，即刻捉住位台灣帥哥幫我哋抇番張全家福囉，呢幅相我取名為「日落情人橋上的何家三友」

這塊情人橋名牌，係已故......呀唔係.......應該係已入獄嘅前台灣總統陳水扁於2003年的情人節所命名嘅.....唉.....早知今日又何必當初呢...... 這處也有很多藝術氣息的攤檔，更可即席為您寫生！此刻我也來影番張日落沙龍照先........嘻嘻......

 

 

好嘞.....唔好俾塊牌掃興喇，繼續四周圍影相遊玩，原來橋的另一邊有條長廊，以我估計都有成五百幾米長，要行哂都會幾吃力，我哋當然唔會咁做啦！！.......傻咗咩

長廊另一邊係渡頭，如果從老街搭船過嚟就喺呢度落架嘞！

就在玩得興高采烈之際，何老闆走過嚟話真係好Q熱頂唔順，不如走喇，咁冇辦法啦，最後影多幾張靚相就即刻回程囉！！！

真係有啲依依不捨嘅感覺，皆因遲啲個天再黃啲，個日落鹹蛋黃景色又會再靚啲.....唉....此刻心情有多少失落感，冇計啦.........如今只好跟大隊走人啦！

再見啦......情人橋.......有機會我哋一定會再嚟探你o架.....拜拜啦！

臨走時幫兩個靚妹喺淡水觀光漁市前留影，本應曾經考慮喺這裡食晚飯o架，不過最後給大會否決，因為個個都話好攰，又週身大汗，都係快啲翻台北酒店休息吓先，之後再決定去邊度食晚飯喎......都好吖.....就咁決定啦.......

 

 

 待續.....下一回係士林夜市行街街.....敬請留意！

不過在回程時在車上發生咗些少火事......係乜嘢事？

想知就要繼續留意收看喇.......嘻嘻......

 

 

 這篇文章曾於故居內發表: http://blog.yahoo.com/andygundam/articles/page/1

 

 

 

 



東港城 ~ 櫻​桃小丸子十項全能大挑戰

 2012年7月22日(SUN)
各位觀眾，櫻桃小丸子又再次嚟到東港城喇，今次嘅主題係東港城之櫻桃小丸子十項全能大挑戰！活動日期由2012年7月11日 - 8月19日！
 

一向極少做運動的櫻桃小丸子今夏也投入的英倫奧運體壇盛事，雖然平日她最討厭做運動，但她十分喜愛熱鬧，貪玩的小丸子為了與香港小朋友齊齊投入今夏奧運熱潮，於是帶來了有趣新穎的競技遊戲，讓大家一齊挑戰十項全能運動，感受一吓奧運的熱烈氣氛，踏出積極運動的第一步！

是次活動免費入場， 而即場捐款更可獲「櫻桃小丸子十項全能成績表」乙張，接著小朋友就可以立即一顯身手，嘗試玩吓奧運十項全能運動，睇吓自己的運動水平是高或低喎！活動所有善款將撥捐「愛德基金會」，幫助中國內地貧困女子升讀大學之用.......相當有意思架.......

於指定日子7月17日 - 8月12日在東港城以電子貨幣消費累積滿指定金額〈必須為兩張由不同商戶發出之即日機印發票及電子消費發票，而每張發票的總額是港幣100 元或以上〉，即可換領，櫻桃小丸子毛巾及保溫瓶乙份。數量有限，送完即止！

以下就為大家介紹吓十項全能大挑戰的各種運動，花輪滾滾高爾夫，即係話花輪哥哥教大家打高爾夫球，之後花輪哥哥仲同囡囡合照添......

呢個項目係野口同學三級跳，囡囡都有一齊跳o架！

囡囡詩漫都要學濱崎同學做大力士，知唔係舉重囉！

水中爭霸戰即係遊水比賽啦，遊水前大家記住要做乜嘢先呀，就係熱身運動嘞！


咁當然係攬番個水泡就最安全啦！

囡囡都幫手做啦啦隊......加油........加油.........

小玉蹦蹦跳五環，五環係代表參加奧運的五大洲，此時囡囡都要上去較量吓喇....

大野盤球過五關，踢波我就最拿手啦，我諗囡囡都應該有番咁上下啩...哈哈........

杉山棒球九宮格，即係要用棒球打穿哂九個方格先可以取勝，好有趣的一個遊戲，我都好想玩呀..............

囡囡話都係比較喜歡做啦啦隊多啲........

連日本達摩公仔都嚟埋........咁就一齊祝福吓先........


咁大家都知最後結果梗係櫻桃子大獲全勝啦！一於同佢合影番幅威水相先......

 

同往年一樣，會場內設有一間小丸子食品專買店，這間名叫運動會期間限定店，買的都是來自日本直送產品！


咁啱我哋喺店舖門口撞倒小丸子嘅爸爸媽媽，咪就即刻拉住同佢哋合照囉....笑


之後我哋就搭港鐵去葵芳新都會廣場，因為今晚約咗從美國回來度假的親戚食飯，剛抵達先知商場正舉辦THE DOG世運盛典遊展覽，用意係推廣今夏舉行嘅英倫奧運會，見仲未夠鐘食飯，咪順便過去睇吓，影番幾張相都好吖.......


囡囡見到咁大隻毛毛狗就非常鍾意，唔好話佢吖，我哋都甚少見到咁大隻嘅THE DOG毛公仔喎！


呢兩隻係中國版THE DOG，喺今次展覽會場首度同大家見面，非常有特色，梗係要影多幾張靚相啦......


見呀囡影得咁過癮，我又影埋一份囉......




表演台上面啲毛毛DOG仲靚喎，不過就須要排一陣隊先可以上去影相，呢隻好靚嘅英國御林軍服狗狗，先前姐姐幫我哋排隊，就畀妳同囡囡影先啦...



HTE DOG紅巴士做背景，好有英國Feel呀，我哋當然唔會錯過啦......




最後的背景係好有代表性嘅英倫塔橋，加埋THE DOG的士及英國紳士服毛毛狗，靚人配靚景，真係冇得頂.........哈哈............

葵芳新都會廣場THE DOG世運盛典遊展出日期由14/7-26/8，展場更會在4/8-26/8 逢星期六及日下午2-5pm，增設THE DOG 照相館環節，每日首200名幸運兒可即場拍攝即影即有相片一張，一齊嚟感受吓英倫嘅奧運氣氛！