西貢橋咀島生態半天遊 (part 6) 回程~再見橋咀島

 2011年11月6日(星期日)

面前這條石橋係個理想的釣魚位置，它原本是個遊船碼頭，但後來人跡旱至，如今已經被廢置!!!!!!
 

囡囡路過見到釣魚郎哥哥釣緊魚，她非常之有興趣「即係八卦」，話要停低觀察吓「咁咪又係八卦囉」......

 

睇吓哥哥仔好似好忙咁喎，但係又見唔倒有魚上釣嘅!!!!!!!

條石橋除咗用嚟釣魚之外，仲可以給遊人行到攰嘅時候坐低休息吓！


連這對老外遊客都識坐低嘆吓世界.....呀.....係嘆景色至真，囡囡都有同佢哋say hello 互相交流吓架...........


再回看這邊沙灘上有人玩嘢，好似係台灣遊客，咁嘅pose係佢先至做得出.......幾搞笑

各處都有人作沙灘漫步，有啲玩吓泥沙，更有啲在淺水處玩樂，共同享受這個舒適的假日........

再欣賞另一面橋咀沙灘的迷人景致......

沙灘上另一條細長的堤壩，都幾熱鬧架!!!!!

島上唯一的士多，賣的只有飲品同小食，不過都冇乜人幫襯.......唉.....生意難做呀老友記!!!!!!!!!!!!!!!

 

嚟個亦都係島上唯一的更衣室同沖身嘅地方，所以好多遊人都喺喥沖吓腳上面啲泥沙，然後先至坐船走人，咁我哋都唔會例外......照跟......

 

在環繞碼頭週邊礁石上，都見到唔小人喺喥釣魚，釣魚果然係較為大眾化嘅活動，用嘅錢唔多，但又可以玩足一日，不過就好考耐性，唔係好啱我，因為本人較為好動.....哈哈......

等咗陣好快就有船駛到，第一時間上船回航，睇吓佢似唔似枕頭呀!!!!!!

差唔多20分鐘船程，好快就埋岸喇........


話都冇咁快，半日的橋咀生態觀賞遊就完成咯，囡囡話橋咀啲風景好靚，仲玩得好開心喎，咁我哋都喜歡這樣的親子活動嘅......就講住咁多先........再見......拜拜！