麵屋武藏 Menya Musashi ~ 之食過翻尋味

 

2012年3月15日(THU)

今天帶同友人再訪日本拉麵店麵屋武藏，因友人在我們口中得知這店的好評，話搵日一齊去試吓喎，擇日不如撞日，咁就今日啦，時直閑日及中午嘅關係，今次等咗5分鐘就有位咯......好嘢.....

  

 

今次記得喺門口同幅立體武士畫及武藏鼓影番張合照先！

今日經理哥哥仔好好人呀，醒咗個卡位俾我哋坐，四人卡位其實可以五至六個人坐，坐得相當舒適，啲椅背上又係印滿哂武士圖案，好鬼靚架，老友記影張相啦...........

個Menu 設計得好精美，所以都影低給大家睇吓，因上次忘記咗冇影，我們好快咁Order咗三碗拉麵及兩款小食，因為真係非常之肚餓......


啲野食都上得好快，唔使10分鐘就有得食，友人及太太order咗黑武骨义燒拉麵 $72，黑武骨我上次食過哪，今次我想試吓赤武骨拉麵，試吓啲新嘢嗎!!


赤武骨配豚角煮拉麵 $72，做法是極濃豚骨湯底加入秘製香辣油，香濃甜滑嘅豚骨湯和帶輕微辛辣味的辣油配合得絕對洽可，十分之惹味，口感亦舒服非常，三種麵類當中，我本人覺得赤武骨是No One之選........

煎餃子係拉麵的最佳拍擋，咁武藏煎餃子$35 就唔小得啦，不過今次碟煎餃子同上次有啲分別，就係今次用咗大蔥，感覺上好食啲囉....真架！

本人認為係店「自慢」必食的小食，武藏炸雞(配芥末沙律醬) $32 是也，所以梗係要再Order 啦，啲雞塊外皮炸得既香且脆，入面啲雞肉又多肉汁且雞味十足，非常高水準之作，引用講波佬「黃X桂」金句《蔗渣咁嘅價錢、燒鵝咁嘅味道》，我話這頂級料理直得一食再食至真.........

因為真係非常肚餓，所以三個人都追加咗半份麵底$15，咁先至啱啱夠皮，大滿足.....好幸福嘅感覺呀.......

我哋食完都兩點幾鐘哪，閑日都真係冇咁旺場，既然冇乜人，就放肆地周圍影吓囉，先前卡位嚟喥坐滿哂人架!!!!!!


埋單結帳時都仲有兩三台客人，啲員工都快要落場休息哪，咁咪走頭囉....

..........拜拜..........我一定會再來架...........