2012 BB 春季購物節&兒童成長教育展

 2012年2月26日(Sun)

荷花集團 Eugene Group 舉辦嘅2012 BB 春季購物節&兒童成長教育展，展出地點香港會議展覽中心舊翼 Hall 3F&G，囡囡就讀嘅小公主芭蕾舞學院也有應邀出席表演...咁...即係話詩漫又有機會上台表演舞姿哪.....

是日早上10：30集合，囡囡好快就換上表演嘅舞衣，睇吓佢幾醒目......yeah.....

 

老師話排好隊一個跟一個幫妳哋化妝，囡囡的第一次化妝靚唔靚呀，跟住要做吓拉筋熱身運動先......


襯仲有些少時間影多幾幅靚相先.....smile......

11：20開始進入會場，每位表演小朋友可免費帶一位家長入場，咁即係話爸爸要自己買入場券囉.....嗚...仲要成$25呀!!!!! 不過唔緊要啦，睇吓囡囡佢咁開心就值得啦.......

 

11：30表演正式開始，首先係3歲幼兒組表演，接著係囡囡嗰組4-6歲表演(開心舞)，最後就輪到6歲以上嘅姐姐仔表演芭蕾舞，大家都演出非常精彩......

最後大家都上埋表演台玩吓同影相，一字馬同三明治這些動作都難唔到囡囡架......

最後眾人擾攘咗一番，都係時候散場，跟住媽咪幫囡囡換番衫，我哋喺會場四維行吓，啲攤位大多數都係賣BB用品及小朋友教材，行咗陣都冇嘢啱買，好走人，問囡囡去銅鑼灣食日本拉麵好唔好.....囡囡話好呀....yeah....咁....就出發啦....

拜拜.......下次再見........