2011年11月6日(星期日)
各位團友時間都唔早哪，係時候要離開咁靚嘅「布吉島」回程喇，臨走前再望多眼橋頭燈塔的強壯麗景色....絕景.....
上到半山處不禁回頭再望，剛巧有隻帆船經過，就構成這幅美麗圖畫喇...
再往上繼續行，好快就到番山頂觀景台!!!
跟住就係要急步落山，點解咁急，因為人有三急吖嗎.....哈哈....講笑啫，其實係驚條水道啲水位太高有危險囉.......
前面嗰位人兄唔該借借...........我哋趕時間呀.........
大家如果唔信可以睇吓，條步道已經開始消失變成水道喇...........
好在水位仲唔係幾高啫，大蓋到腳眼位倒，仲唔拿臨走過去，仲喺喥影相，又難怪佢哋架，咁嘅境況都好小見喎......
因為啲海水浸濕腳嘅關係，所以個個都會赤腳行，當過咗水道之後，我哋都係企喺喥著番對鞋，又要唔畀啲沙走入鞋裡面，所以都搞咗幾耐吓......
睇吓啲水位愈來愈高喇!!!!!!!!
但係都仲有人行去橋頭嗰邊.........真係要畀個勇字過佢哋至得.......
其實我哋仲係搵緊傳說中的怪石「菠蘿包」，囡囡快啲同我四周圍睇吓，如果有發現就即刻Call我喎......
囡囡話行到好攰要坐低休息吓先，突然間我哋有所發現，在距離我們前方大約一米處有疑似「菠蘿包」嘅物體出現......
咁梗係要行過去証實吓啦.....嘩.....真係好大個「菠蘿包」呀，終於可以親眼目睹這塊怪異岩石的真正面貌，究竟嚟啲岩石點解會變成「菠蘿包」咁嘅樣呢？好...就同大家講吓佢嘅身世來由.......
喺好耐好耐以前，因不同嘅氣候環境使岩石表面會熱漲冷縮，每種礦物的膨脹或收縮程度各有不同，當岩石表面呈現明顯的溫度差異時，長時間的收縮及膨脹會使岩石裂開，使到岩石之外層像洋蔥般續片剝落，這稱為頁狀剝落，是一種風化現象，就形成現今奇特的外貌，看似「菠蘿包」是也！
囡囡話咁大個「菠蘿包」食幾日都食唔哂呀......影張相留個紀念先得.....yeah
都已經接近黃昏啦，眾多遊人依然擠滿在水道「連島沙洲」上嬉戲!!!!!
最後醒多張日落靚景過你哋漫漫欣賞啦......
仲未完架.....還有1 part.....我會盡快完成埋佢架喇.....再見.....
沒有留言:
張貼留言