香港時代廣場LEGO® 聖誕村 2012

2012年12月25日(TUE) 聖誕節

 

品嚐過大滿足的「豚王拉麵」之後，就帶阿囡去時代廣場參觀LEGO展，這個被名為「時代廣場LEGO®聖誕村」的聖誕特定展覽，將由2012年11月16日至2013年1月2日，展出地點是露天廣場和二樓大堂，各位LEGO迷記得去睇吓喇！

 

這次時代廣場LEGO®聖誕裝飾佈置，將會把一眾粉絲們慣常玩開的顆粒Size放大二十倍，轟立於LEGO®聖誕村內，大家係咪好期待呢？

喺未帶大家參觀之前，出一條問題畀你哋估吓吖！你知唔知道史上第一個LEGO®人偶是從事哪一個職業嘅呢？飛機師？老師？太空人？消防員？...........

..............答案原來係一名警察叔叔！你又知道否在LEGO®出產的人偶歷史中，已出現了41種不同造型的警察呢！

 

這次LEGO®聖誕村是由11組各式LEGO顆粒組成，其主題既有房屋、火車、電車、花園等組合，還有更多創新奇特主題讓你親自到來探索。這個LEGO®聖誕村就如將比例1:20放大了的LEGO顆粒建造，這聖誕村也是由一眾香港樂高能手根據北歐的樓房及街景而砌成，再配合50組1:20 樂高人偶，及大量1:1
LEGO顆粒砌成，那些樂高模型合共用上超過100萬塊LEGO®顆粒，咁巨大嘅LEGO®聖誕村建築群，的確讓人目不暇給，就連囡囡都睇到目瞪口呆，讚嘆不已，佢話要搏命影多啲靚相喎.......

 

首先同大家遊覽露天廣場的LEGO® 聖誕村設置先，此間有1:20放大了的建造城市群組，計有書店、扒房、咖​​啡室、玻璃工房、麵包店、玩具趣樂屋及糖果店。

又係時候答吓問題先！你知道嗎？樂高人偶的原來比例是多少呢？..............

.............答案係大約為1/30到1/44之間，即是話一般的樂高人偶相對代表1米8大概五呎九吋高的真人囉！

 

阿囡會稱呼呢啲樂高人偶為積木哥哥，亦非常之愛玩，所以這裡的每一個人偶佢都唔會放過，要續一同佢哋合照喎！咁好啦.......蜘蛛俠爸爸都同妳癲埋一份囉..........

 

 

而露天廣場內的八間小店會展示各種特色顆粒模型，如麵包、蛋糕、糖果、鮮花、書籍等，而當中較為特別的應該是這間麵包店嘞，皆因只得它可以入內參觀，順道同麵包師傅合照，如下午茶時間的話，更可嘆番一下LEGO蛋糕添喔！係咪好正啦...........

 

而另一個展覽場地在二樓大堂，這裡將展出一幕樂高火車緩緩駛入火車站的景象，旁邊更有花店及郵局設置，而郵局則會變身成LEGO人偶博物館，展出超過2,600個LEGO人偶，讓你來認識吓這一大班LEGO人偶，看看您又收藏了多少個呢？而火車站內設有LEGO80週年以來歷史簡介及影片播放，確實真貴，絕對難得一看............

 

講到呢度又要停一停，答個問題先！你知否第一個女性樂高人偶是什麼職業呢？.............哈哈...............答案咪就是護士囉，那麼男性人偶多還是女性人偶多呢？..................呀.................原來男女數量比例是18：1呢！差距都幾大架................

 

 

而在火車站旁的LEGO聖誕大街上，LEGO聖誕老人的雪橇和兩個巨型LEGO雪人，會在此處迎接您的光臨，當然亦少不了LEGO經典建築工人在鐘樓向您揮手，不要忘記和那五個掛到九天咁高的LEGO聖誕老人打個招呼呀，他們正在中庭的天花板上吃著三文治小休片刻，之後就會準備從煙窗滑下來送禮物給小朋友架啦............嘻嘻！

 

 

二樓中庭仲擺放了一座原比例的白色聖誕度假村模型，製作相當精細，宏偉別致，唔使問又係LEGO建築大師的精心傑作啦！咁您又知唔知道全世界的小朋友一年之內總共用了幾多時間去砌樂高模型呢？...........係用咗5億小時嚟玩LEGO模型呀！

 

 

再話畀你聽啦，全世界的眾多成人樂高玩家們，原來都有一個特定的共同稱呼，他們都被名為阿福AFOL（Adult fan of LEGO) 以他們的神奇樂高魔法，要砌出一個這般的聖誕村也是難不到他們的呢！

LEGO®聖誕村仲備有一個照片小遊戲玩添！從他們提供有關於這座聖誕村的兩張照片當中，會有13個英文字母分別收藏在內 (貼士：係2個英文字)！你能認得出來嗎？最先答啱及寫出最具創意評語的五名優勝者，時代廣場將會送出神秘LEGO禮物乙份！

 

但係我睇咗好耐都冇乜頭緒，我唔係想參加遊戲，只係想考考自己的眼光唧，況且這遊戲已於12月21日結束！所以最終都係放棄.........真失敗..........

突然又想問吓你哋知道冇？樂高人偶的表情一直都是開心笑容，直至到1980年 LEGO® 海盜系列開始，人偶臉上出現了各種不同的表情！這次時代廣場LEGO® 聖誕村裡就有多達50個不同人偶表情等待您嚟探訪呢！

 

在二樓的LEGO® 聖誕村眾多特色建築中，這間樂高麵包店必定是最受小朋友歡迎的，因為內裡設有LEGO軟顆粒池，可讓小朋友入內遊玩，咁囡囡都有排隊玩呀，每節遊玩時間為5 分鐘，睇吓阿囡沉浸在LEGO軟顆粒池之中幾咁歡樂，玩完之後LEGO姐姐仲有一份聖誕小禮物送畀佢添........好嘢........

 

 

喺LEGO® 聖誕村都hea咗粒幾鐘，又係時候講拜拜喇！最後送多幾幅聖誕村全景過你們看。仲係感覺唔夠喉咩？咁就問多你哋一條題目啦............

請問你們知道嗎，全世界的樂高粉絲每年購買LEGO®磚塊的數目又會是幾多呢？.......................................................

.........................答案係能夠環遊整個地球的各大洲5次之多呢！


望吓手上個蛋此刻時間係下午3點半鐘左右，唔通咁早返屋企咩，但事前又冇準備去邊，真傷腦筋，不過突然間靈機一觸，就諗到往後的去處啦！

想唔想知道係去邊................咁就記得繼續睇埋落去啦！

...........各位聖誕快樂...............拜拜..................