2012年12月25日(TUE) ~ 聖誕節
大家好...這篇是2013年的第一個post，首先祝大家新年快樂、身體健康、事事如意，新年的第一擊咁寫啲乜嘢好呢....呀...不如講吓食吖，就講我嘅致愛食品日本拉麵，話說呢間拉麵店我想試好耐架喇，但一直都與它冇乜緣份，一係去到話晨早賣哂，亦試過星期日去到點知佢又休息，真係有冇搞錯，做飲食業竟然休星期天，唔通真係好生意到唔憂做！食佢唔到條氣確係有啲唔順，所以今天襯聖誕佳節一個普天同慶喺日子，一家三口就出發去港島區影吓聖誕燈飾，順便探訪埋這間咁大人氣嘅拉麵店囉，講到呢度大家都應該知道係邊間拉麵店喇.......？
大家好...這篇是2013年的第一個post，首先祝大家新年快樂、身體健康、事事如意，新年的第一擊咁寫啲乜嘢好呢....呀...不如講吓食吖，就講我嘅致愛食品日本拉麵，話說呢間拉麵店我想試好耐架喇，但一直都與它冇乜緣份，一係去到話晨早賣哂，亦試過星期日去到點知佢又休息，真係有冇搞錯，做飲食業竟然休星期天，唔通真係好生意到唔憂做！食佢唔到條氣確係有啲唔順，所以今天襯聖誕佳節一個普天同慶喺日子，一家三口就出發去港島區影吓聖誕燈飾，順便探訪埋這間咁大人氣嘅拉麵店囉，講到呢度大家都應該知道係邊間拉麵店喇.......？
咪就係近期香港超大人氣嘅日式拉麵店「豚王拉麵」囉，「豚王拉麵」一共有三間店舖，計有中環蘭桂坊和安里8-13號和安樓地下首店，最近於九龍區新開的棉登徑28號錦榮商業大廈地下第三分店，同埋我哋今天幫襯嘅銅鑼灣第二分店，地址是登龍街40號地下，同時代廣場只是一街之隔，當天中午12點到達麵店，眼見只得幾個人排隊，心諗發達啦，今回仲唔好快有得食，點知排咗一陣，有位紅頭巾店員走出嚟問我攞咗單未，我話未呀，仲話唔該畀張我吖！點知佢即時話冇單就要行過去燈柱後面排隊......吓......原來排錯隧！冇計啦....無奈乖乖地走去做柱男囉，不過好在今日人都唔算太多，好快就有單到手，呢張係點麵單嚟架，裡面有四種拉麵可供選擇，其餘仲可以揀麵條粗幼及軟硬度，五個級別的辛辣度，同埋各種香蔥蒜子配菜等等，應該係因應效率所以咁安排這樣就可以節省輪候時間啦！
佢哋係話即日限量售賣600碗，售完即止，而每日特設20客「限定王？？」拉麵，款式天天不同，先到先得，心諗日本人想像力認真豐富，玩具有限定，現在就連拉麵都搞限定，真係要畀個叻你囉！差不多排到我哋嗰時，從門外的玻璃窗可望到師傅煮麵過程，都幾有趣吖！
我哋等咗25分鐘倒就有位嘞，入到店內第一眼畀我嘅印象係面積好細，只得五張圓檯，就連衣物都要自己拎住，這樣對於我嚟講係會扣分的，不過佈局常算企理，大家可隨便睇吓店內裝修，阿囡話等咗咁耐，終於有得食喇......yeah......
檯面上擺放了幾類食麵配料，原粒蒜頭附上一個鉗子可將它壓碎，略帶酸辣味牙菜仔及勁辣菜圃可隨意添加，最唔明就係嗰樽拉麵油唔知點食用？四周圍望吓都好少見到有人用！因為之前已經落咗單，所以好快就有食物上檯嘞，首先係$15 一隻嘅日本糖心蛋，單睇外表冇乜特別，切開就一啲都唔簡單，流心蛋黃係深橙黃色，比較漿口，口感厚實，本人就非常欣賞！如果驚食一碗拉麵唔夠飽的話，通常正宗日式拉麵店係可以追加「替玉」架，甚麼是「替玉」呢？咪即係加麵底囉，這裡加一份「替玉」只需$10，非常經濟架，不過一定要記住留番啲湯呀！
剛才講過豚王係有四款拉麵可供揀選，我係無辣不歡一族，所以就揀咗比較辛辣的「赤王」$90，仲特選要第3 級辣度，「赤王」係以豚王的基本湯底，再配合日本製的熟成味噌及秘製辣味粉香料煮成，大家見到碗中心的紅味噌球就係「赤王」嘅靈魂精髓，仲有秘傳汁係以麻油研製的鮮味辣醬油，當進食時味噌球邊食邊溶解，那種刺激辣味就是「赤王」的特效所在了.......
麵條方面我選擇了太麵，皆因喜歡太麵較為粗身，口感可以重啲！ 豚王係用上薄身义燒塊，煮得非常入味，食落相對滑身，無論湯、麵、义燒、各項調味配菜都十分配合，相當有誠意嘅一碗拉麵，我敢講暫時係香港最好食嘅拉麵之一，唔信......可以自己親身嚟體驗吓架.............
太太對拉麵的味道則較為保守啲，所以就叫咗「豚王」原味拉麵 $80，聽佢哋講原味湯頭都係一啲都唔簡單架，係會有生命嘅湯底嚟喎！豚骨湯底係以「剛柔並重」的特別接長煮法來製造，使得這究極湯底異常清甜濃滑，確係名不虛傳的人龍麵店喎！
「豚王」原味阿囡都話非常啱嘴形喎！睇吓我哋三個喺度埋頭苦幹就想像得到碗麵有幾好味啦，連咸蛋超人都要來助慶呀！我哋都有追加一份「替玉」架，唔係三個人兩碗麵又點夠食呢！
埋單 $2XX 幾蚊，本人覺得非常超值，對於好食嘅店舖，確係要多啲支持同讚賞的，臨走前又係慣常動作，就係門前拍照存檔囉，大家有冇留意到後面開始大排長龍喇，皆因那時1 點幾鐘係午善時間，好在我哋醒目早啲嚟食啫，唔係就頭痕囉.........
好嘞....食飽飽之後就繼續我哋今日嘅第二個目標進發，就係行過隔離街嘅時代廣場，參觀名為「香港時代廣場 LEGO® 聖誕村」的聖誕特定節目，阿囡又可以瘋狂喪影LEGO 公仔啦！
今篇講住咁多先........我哋後會有期........下次再見啦........拜拜.......
埋單 $2XX 幾蚊，本人覺得非常超值，對於好食嘅店舖，確係要多啲支持同讚賞的，臨走前又係慣常動作，就係門前拍照存檔囉，大家有冇留意到後面開始大排長龍喇，皆因那時1 點幾鐘係午善時間，好在我哋醒目早啲嚟食啫，唔係就頭痕囉.........
好嘞....食飽飽之後就繼續我哋今日嘅第二個目標進發，就係行過隔離街嘅時代廣場，參觀名為「香港時代廣場 LEGO® 聖誕村」的聖誕特定節目，阿囡又可以瘋狂喪影LEGO 公仔啦！
今篇講住咁多先........我哋後會有期........下次再見啦........拜拜.......
沒有留言:
張貼留言