Langham Place 極光森林@朗豪坊 2012

2012年12月31日(MON)

這篇元旦日報導須然係遲咗啲，就連聖誕節都已經過埋，2013年都到咗，不過諗到可能有啲朋友無時間去睇架嘛，又唔想白白浪費咗咁靚嘅景致，因此這篇「Langham Place 極光森林@朗豪坊」就即時送上，希望冇去到朗豪坊嘅朋友鍾意呢..........

 

極光森林就設於旺角朗豪坊4 樓平台，只要您從地下穿過雪花大門，就能輕鬆進入這冰雪天地，擁抱一班相當可愛嘅極地小動物啦！

 

全個會場係以20萬顆LED燈來將黑暗轉化成一片銀白，而據了解每一棵雪白的松樹都住咗一位樹精靈，來守護住森林的萬物，當您前來到這極光森林，定能接受到佢哋嘅祝福架！

 

剛步入極光森林就聽到一大班極地動物玩得異常開心咁享受緊「極光浴」！佢哋仲喺度咆哮大叫添，咁嘅環境當然係最適合享受極光嘅洗禮啦！我哋一於同佢玩鋪勁嘅......千萬唔好搞錯......我唔係嗰個仆街「貪曾」呀！

 

 

我哋首先同冰面上嘅海獅家族打個招呼先，佢哋十分溫馴，任由我哋點攬都可以，咁啱一名有心人路過，主動幫我們何家三友拍照，真的非常感謝她呢！

轉個頭嚟就遇見雪地梅花鹿父子，睇佢哋都幾有名星相喎，唔怪得知咁多人搵佢哋影相啦，咁我哋又要影.........

 

 

跟住撞到北極熊一家三口，仔仔仲騎咗喺爸爸背脊上便添，跳皮非常，妹妹就瞓咗喺地下，十分舒適，例牌菜.......捉佢哋同我們合照囉！

咁啱有兩位cosplay姐姐喺度影相，阿囡話好想同姐姐一齊影喎，而佢哋都好樂意，咁咪一拍即合囉.........

 

 

這些雪地小動物其實係前菜嚟，主菜就是這列冰雪夢幻號列車嘞，列車分為三卡，每卡各有特色，我哋選擇從車尾開始遊覽，尾卡設有一張大長椅，隔離仲坐咗位北極熊叔叔添，佢話歡迎光臨呀！

之後走往中間的車廂，車廂內設置了北極熊及雪鹿毛毛座位，非常之有乘坐「旭川動物園號」feel，相當有趣..........

車廂內仲發現很多企鵝仔嘅影蹤添，佢哋相當活潑，四圍跳高爬低，認真可愛，尤其是站於窗邊的企鵝三人組，極受歡迎！

 

最後參觀嘅就係第一卡及車長駕駛室，亦都係最擠迫的一卡，真係要好快手，先能夠影到這幾張吉凳毛毛椅咋！

 

未參觀駕駛室之前，先影吓呢兩張靚靚貓頭鷹同企鵝毛毛凳先，這些毛毛坐椅好保暖架，就算您處身於極光森林都唔會覺得凍喎！

 

好嘞.......現在夢幻號列車要準備起程喇，而家就由囡囡車長帶你們參觀駕駛室啦！駕駛室裡有車長專用嘅北極熊坐椅，同埋招待貴賓的頭等北極熊毛毛凳，咁夢幻號冰雪列車已經一切就緒，就由囡囡車長帶領你們走進這冰冷的極光森林探險啦........

 

 

 最後補祝大家新年快樂，希望今次帶阿囡嚟睇過冰雪極光森林之後，佢都能夠一樣冰雪聰明囉.........哈哈............咁都得.............

今篇又講完...............下回再見啦...............拜拜............