2012年12月26日(WED)
這次的澳門聖誕遊事前是沒有刻意安排，甚至可以講係非常偶然添，話說本人的外母是喜歡經常過「馬交」遊玩，咁當然唔係我哋呢啲遊山玩水的遊玩啦，而係穿梭各大遊樂場「賭場」之常客，話得係常客咁會員咭唔多唔少都有幾張旁吓身架啦，會員咭嘅用途係當你每次賭完錢之後，就會取得積分，這些積分可以用來換取船票、餐券、原來仲可以Book酒店房添呀！咁今次係事原於11月尾某天，外母剛剛在金沙城中心決戰完百多個回合，略有斬獲，正當於服務台換取船票回程之際，服務員見到她的會員咭累積了這樣多分數，就話畀外母知只要40分便可以攞到一晚酒店房，更唔會收任何額外費用，咁正斗，唔使考慮咁多就要一間雙人房啦，使用日期仲可以喺落訂後三個月
內致電確認，咁就速成咗今次嘅著數旅程囉.........
內致電確認，咁就速成咗今次嘅著數旅程囉.........
因為酒店要下午三點先能夠攞房，咁就可以遲啲起身，你哋都知本人何家三友尋晚喺赤柱玩得幾夜架啦，但係阿囡今早又十分醒神，一Call 即起冇詐形，佢真係有得玩就開心架喇，咁講番我們一行5人中午12:00到達中環信得碼頭，於金光渡輪有限公司換取船票，皆因會員咭每日最多換領三張頭等船票，所以就要額外買多兩張，我哋係乘坐12:15 的金光飛航船，所以都要立即過關，一切非常順利，我哋要出發喇，影番幅威水相先.......yeah........
金光飛航嘅頭等艙係於二樓上層，今天嘅頭等坐位相當之吉，數埋大概得20人左右，話時話過咁多次大海都係第一次坐頭等，坐位非常闊落，於船嘅兩側頭尾仲設置了卡位，認真舒適，咁仲唔止，還有杯麵及飲品一罐，咁我梗係要啤啤佢先啦，杯麵就可以即時沖食或者攞走，睇吓阿囡今次帶埋兩位朋
友M記Kitty同會唱歌熊仔一齊玩喎，梗係開心啦...........
友M記Kitty同會唱歌熊仔一齊玩喎，梗係開心啦...........
一個鐘頭嘅船程，就在13:15 到達澳門氹仔碼頭，咁梗係上層頭等乘客優先落船呢，咁又係例牌菜同金光渡輪合照啦，今次除咗外母同何家三友之外仲帶埋高碌竹表哥去添！
過關旅客唔係咁多，所以又係非常順利快捷，跟住好快搵到呢架青BB往金沙城中心嘅shuttle bus，即刻上車坐定定，yeah......我哋出發去酒店喇.......
巴士準時14:00把我哋送到今晚入住嘅酒店，金沙城中心酒店群之一的「喜來登酒店 Sheraton Hotel」，普通雙人房估計都要過千蚊一晚，睇吓個酒店大堂幾宏偉幾靚，服務櫃位又多，都唔使點等就輪到我哋喇！
金沙城中心酒店的相關連結：http://hk.sandscotaicentral.com/
金沙城中心酒店的相關連結：http://hk.sandscotaicentral.com/
話就話3點先可以check in，但係都試吓可否提早攞房先，又Ok喎，咁就即刻上房睇吓先.......
標準雙人套房，設有兩張雙人大床，其他通常設備如大電視、雪櫃、茶包咖啡都有齊，仲有無線Wi-Fi上網裝置相當方便............
喺房間Her 咗半粒鐘，感覺肚開始餓，又到搵食時間，咁就飛的去就近嘅食街「官也街」搵食囉，睇吓呢條有氹仔手信街之稱嘅官也街幾旺，時常都咁多人，今次畀我嘅觀感比起上年又唔同咗，少咗啲特色舖頭，多咗啲專賣手信嘅連鎖店，唉.......咁即係話喺澳門想做啲小本經營愈來愈困難嘞，貧富懸殊的景況亦相當嚴重！
不過我哋仲未打算行街住，嚟呢度主要嘅目的係醫肚，其實我哋早就已經鎖定目標店鋪架喇，就係呢間黃色大樓「木偶葡國餐廳」是也！
都下午三點鐘嘞，餐廳內用餐的客人不多，我哋被安排坐於大長檯處，感覺認真舒適，立時胃口大增，由老婆大人負責Order 菜色，我就同囡囡四周圍八吓...........
聖誕樹、雪人、聖誕老人等裝飾囡囡全部都啱，通通都唔放過.......yeah
好快就有得食喇，幾款菜色亦相繼送上，首先有葡式芝士焗蒜蓉包，焗得非常之香口，囡囡就最鍾意食嘞，跟住呢味認真抵食，葡式燒乳鴨$28 一隻，比起一般港式燒乳鴨為香，肉汁多且惹味，非常好食，再嚟係肉醬意粉同葡國海鮮炒飯，都係相當有水準..........
，不過以上菜色都唔係今餐最好食嘅，皆因好戲在後頭！咁究竟係乜呢..................
，不過以上菜色都唔係今餐最好食嘅，皆因好戲在後頭！咁究竟係乜呢..................
登.....登.....就係呢味葡國燒豬手嘞，佢亦都係全餐最貴，要成差不多$200一客，豬手嘅皮燒得非常鬆脆，肉質爽口鹹味適中，絕對係物超所值之選，貴得有道理，真係好食到震.........冇得頂...........
呢餐都食得幾滿意，四百幾蚊算係中規中矩啦，其實官也街呢頭都仲有幾間葡國菜餐廳可以選擇，例如沿官也街行前啲有間「公雞葡國餐廳」，這餐廳店面較為細小，但感覺較地道！如果唔喜歡的話，又可以走過隔離地堡街這間「小飛象葡國餐廳」試吓，不過這裡就較多同胞旅行團幫襯，所以也比較嘈雜，你亦都可以話佢熱鬧嘅！總之就選擇多多，梗有一間啱係喎....
唔知點解喺官也街口擺放了一輛三輪車，仲有個牌寫住歡迎隨便拍照，咁就唔客氣喇，等爸爸充當車夫載妳哋一程啦........yeah.......
玩完三輪車之後就入去官也街行吓，街道兩旁都係啲名牌手信連鎖店，咁即係意味著一輪試食運動準備展開...............
豬肉乾、牛肉乾、杏仁餅同魷魚絲等等，真係任得你隨便試食，尤其是嗰件即做嘅椰絲蛋卷，又香又熱辣辣真係好好味呀，差啲食到唔停得口添，不過都係決定淨食唔賣，點解..........即刻話你知............
因為我哋早已有咗目標店舖，就係有過百年歷史嘅全澳門只此一間氹仔「晃記餅家」，他們是在光緒三十二年(即一九零六年) 開業至今，現在已經傳到第三代，晃記的招牌美食就係遠近馳名嘅始創特製「肉切酥」同埋「雞仔餅」，尤其係「肉切酥」每日限量供應，真係手快有手慢冇架，通常每天三點前一定賣哂，我哋今次去到已經四點有多，結果係點大家留意上圖左下角個牌仔就知到，肉切酥今天售罄！頂............
，咁又唔使慌張，佢哋係有預訂服務架，即時畀錢，明天取貨...........yeah..........咁又唔同...........
，咁又唔使慌張，佢哋係有預訂服務架，即時畀錢，明天取貨...........yeah..........咁又唔同...........晃記餅家網址：http://www.fongkei.com/
未完待續...................下回預告：將會帶大家參觀澳門威尼斯人度假酒店嘅聖誕特別節目「聖誕雪地之旅」，請留意喇..............
此文章曾於舊居中發表: http://blog.yahoo.com/andygundam/articles/page/1
