何家三友的生活點滴: 2012東港城聖誕特別設定「五十嵐優美子《小甜甜》的童話城堡世界」

2012年12月1日(SAT)

一年一度普天同慶的聖誕節又快將來臨，將軍澳東港城每年都會隆重其事，而今年亦都唔會例外，帶來了日本極受歡迎動漫著作《小甜甜》於此首度登場，剛巧今年亦係《小甜甜》漫畫誕生45周年紀念，所以東港城特定在1F平台設置了大型《小甜甜》童話城堡世界給各位欣賞，「五十嵐優美子」本人亦會親自從日本飛過嚟同大家見面，簽簽名、拍拍照，不過此活動已於11月11日完成，錯過咗的粉絲又唔使咁失望嘅，皆因會場內仲設有一個「五十嵐優美子」的漫畫展區，裡面展出很多她的親筆畫稿及《小甜甜》的週邊商品，非常值得一看，粉絲們今次唔好再錯過啦...............

展場中央的紅玫瑰花池，襯托會轉變顏色的小燈泡，觀感非常之觸目，亦係拍友必影熱點.........

多角度下的玫瑰花池景況，大會亦用上數以千朵的仿製玫瑰花裝飾各處，使得隨處每個角落都能輕易地發現玫瑰花的蹤影...........

除咗紅玫瑰花池之外，仲有紅色古典馬車，馬車週圍亦佈置了美麗的聖誕花裝飾，呢度又係必影景點囉...........

咁主角《小甜甜》公仔又點小得呢，這裡不論是兒時的《小甜甜》還是長大了的《小甜甜》都有齊，老友記攞定相機啦！

囡囡梗係唔會執輸啦，皆因佢都係小甜甜嚟嘛.......哈哈.......

這裡還有一間少女漫畫精品店，賣嘅當然是女孩子的東西，不過價位一啲都唔便宜，瘋狂地影完一輪相之後，就走去參觀「五十嵐優美子」的漫畫展，這個展覽唔係免費入場架，你可隨心捐出款項，多少亦可，主辦組織「愛德基金會」會用作中國農村孤兒助養及助學之用，非常之有意義，所以我哋就
派囡囡做捐款代表，做咗善事個人都會開心啲架，唔信你又試吓啦.......笨

愛德基金會香港版網址：http://www.amityfoundation.org/hk/

展覽館的入口處兩傍都掛上許多「五十嵐優美子」的漫畫作品，亦有她的個人介紹，「五十嵐優美子」於1950年8月26日在北海道旭川市出生，1968年高中三年級時以《白鯊魚棲身之島》出道，而1975年更以《小甜甜》Candy Candy漫畫一炮走紅，《小甜甜》漫畫亦於1977年獲得第一屆講談社漫畫賞
「少女部門」，此後便廣受大眾歡迎！

展場內的各種環繞《小甜甜》週邊產品，各式各樣認真豐富，由此可見日本商家的生意頭腦絕對唔簡單..........

深受小朋友喜愛嘅《小甜甜》洋娃娃、貼紙及各款小玩具都一應俱全，其實展場內仲擺放咗幾個故事場景供大家拍照留念，咁靚嘅歐洲式梳化椅甚具古典氣質，連聖誕老人爸爸與雪人媽媽都被吸引到來，囡囡都話好靚呀....

《小甜甜》童話城堡、古典火爐、少女梳妝台等等場景，囡囡一蓋全收，無一放過，仲同小甜甜畫像合照添..........認真超滿足呀...........

接下來就開始欣賞畫稿作品嘅時間喇，首先係一啲本地著名漫畫家為祝賀《小甜甜》45週年特別繪畫的一些作品，來送贈與「五十嵐優美子」小姐的祝福！排名不分先後：計有《13點》作者「李惠珍」小姐，玉皇朝創辦人及《龍虎門》作者「黃玉郎」先生，香港插畫師協會專業會員及《Chopstiicke 》作者「Mr Gary Cham」，《苦榮、小苦妹》插畫家「伍尚豪」先生！

跟住係《聾貓》作者「小克」先生，《三國誌》作者「李志清」先生，這輯漫畫亦成為第一套能夠打入日本市場的香港漫畫，於2007年更獲得日本第一屆國際漫畫獎最優秀獎，《情若無花不結果》作者「狄克」先生，《3 Dog's Family》作者「阿包」小姐，最後係老牌漫畫《老夫子》作者「王澤》先生！

之後就是一大班資深嘅日本漫畫家的恭賀作品，眾所周知日本的漫畫事業圈相當之廣闊，出色的漫畫家亦非常之多，又由於小弟的見識有限，所以未能一一為名位介紹，但當中較為熟悉的就係《機動戰士Gundam》的畫師「安彥良如」先生及《幪面超人》的原創者「石森章太郎」先生，這兩位都是現今日本頂級的漫畫屆名師，咁其餘嗰啲作品及名家就要你哋自己慢慢去發掘啦！睇吓你又會識得幾多個吖...............