奧比斯籌款活動「變​出光明30載」

 2012年6月9日(Sat)

前日星期六囡囡又要出動，目的地又係將軍澳嘅東港城，咁又係跳舞囉，今次係奧比斯籌款活動，一連兩天在東港城舉行，主要目的係籌集經費打造新一代眼科飛機醫院，一項非常有意義嘅活動，咁梗係要大力支持啦....


下午四點半準備搭Shuttle Bus 去東港城，老師話盡可能幫小朋友化咗妝先，咁就打住多少粉底先囉，其他就去到先算，這兩張是等車出發時留影...Hello.....


5點10分回到小公主學校，老師就續一幫小朋友再化行啲個妝同Set 埋個靚頭.......


之後就行過去東港城廣場集合，等待5點45分演出，個妝咁靚影多幾張相先.......

這時台上已經有其他表演進行，見到有位哥哥仔喺度唱歌，睇真啲原來係莫生呢架，咪即係殘酷一叮嗰個冠軍小朋友囉(當時)，依家已經咁大個仔哪，佢唱咗幾首譚校長嘅金曲，最後嗰首愛情陷阱又唱又跳都幾勁架........

唱得咁落力梗係要俾個獎佢啦......

跟住就輪到舞蹈表演出場，首先係大姐姐們表演芭蕾舞!!!


五位大姐姐果然訓練有數，相當整體及淡定，舞姿亦非常優美.....

接下來就係初級小妹妹演出爵士舞，都跳得好齊整架!!!!!


差不多輪到囡囡出場哪，咁梗係要熱吓身先啦.......


壓軸輪到囡囡嗰組出場哪........yeah


睇吓佢哋套衫金黃色幾靚，囡囡呢組係表演快樂舞(happy dance)，非常之有動感嘅舞姿，從舞蹈當中表現出小朋友天真快樂的一面......

囡囡真係100%投入，睇吓佢跳得幾開心......


表演完成之後就來一幅全體大合照.........yeah


這時全日表演都完滿結束哪，大家就走上台影吓相囉，我哋梗係唔會執輸啦...


何老師同囡囡影番張靚靚相先.....

囡囡仲喺台上玩嘢，高難度動作三文治.....

仲有一字馬添!!!!!


囡囡今日著得咁靚，爸爸媽咪都要爭住同妳合照啦...靚女...


會場內設有多個奧比斯義賣籌款攤位，咁就同囡囡玩吓囉，呢個攤位好有意義架，係劃啲圖畫送俾一啲有眼疾的小朋友，囡囡咁喜歡劃畫，梗係立即行動啦，這位義工姐姐話囡囡好靚，特登走去同囡囡影相添.....


劃好幅畫之後，再放入呢架飛機郵筒寄出，祝福佢哋早日康復架....


囡囡跟住再喺義賣攤位買咗隻企鵝氣球出番一分善心，因為幸福唔係必然架....


呢一刻咁有意義，真係要用相機來留下做個紀念......
 

囡囡之後仲用咗$20 扭咗隻小魔術扭蛋，又做咗善事睇吓佢幾開心，囡囡今日真係特別靚，可能係做咗善事掛.....哈哈.....

義工哥哥仲教埋囡囡點樣表演呢個魔術添，睇吓囡囡都好留心學習.....


之後打算喺東港城食埋飯先返屋企，點知喺夏麵館門口撞倒阿莫生，問佢可否同囡囡影張相呀，莫生話當然可以啦，結果咪影咗呢張合照囉....

預告事項：7月份可能會有啲搞作....依家喺

度扮吓神秘先......遲啲再話過您哋知!!!!!