2012年12月21日(FRI) ~ 冬至
今天係一年裡比較重要的日子，係呀....就係冬至喇，因為自古以來都係話冬至大過年，即係話冬至這天一家人聚埋一齊食餐飯比起過年尤為重要，不過時下嘅現代人就冇咁在意嘞，現代生活方式亦較多采多姿，所以大部份人都不會於正日食冬至飯的，我亦是其中一員，又因冬至日公司通常都會早啲放行，所以今天就帶埋囡囡出嚟影吓聖誕燈飾囉..........
睇吓幅圖你估唔估到係邊處呢......yeas.....就係尖沙咀碼頭海傍嘞，大家睇見幅相係咪影得幾靚呢，其實當時只不過係四點半鐘倒，仲未係黃昏時段，但係陽光就好猛烈，眼見面前景觀唔錯，所以即時舉起相機，選用黃昏日落模式，將色差調至偏紫，就得出這個效果，我覺得都幾靚吖.........
入番正題先，今次攝影選址係尖沙咀海運大廈嘅露天廣場，皆因每年這裡都會有聖誕特別燈飾設置，今年主題係「聖誕圓滿愛」，只要你捐款港幣$20給予「香港血癌基金」，就可以於聖誕特定區近距離與白馬和小兔合照啦，咁有意義嘅慈善活動，仲有幾日咋！你仲唔立即行動，唔好錯過呀.........
咁現在帶大家睇番啲燈飾先，整個露天廣場都充斥著紅白配色，白色嘅小馬小鹿、火紅色的聖誕樹，仲有呢本金色巨型聖經，都係非常理想的取景地點！
路過嘅SpiderMan見到囡囡咁Q，都忍唔住要同佢合照......哈囉.......聖誕快樂........
邊行邊影就嚟到海港城入口處，這處燈飾都是每年最多最靚的.........
沿樓梯石階向上望，兩傍的聖誕白馬小鹿相當可愛，連米奇老鼠同幪面超人都嚟襯吓熱鬧，呀.....喺度同各位講聲唔好意思先，皆因當時心情異常興奮，所以就擺咗阿囡上檯「上馬」，其實諗真確係有啲唔啱.....sorry.....sorry！
之後又走番落廣場繼續喪影，不過來來去去都係咁上下嘅景物，影到開始有啲悶添！
嘩......睇吓幾大個聖誕彩波，中間仲係萬花筒添呀，跟住阿囡話要打波波喎，最後仲同聖誕小白兔跳舞添.......
見時間差唔多將近六點嘞，就繼續向下個景點進發，好近架咋！臨走前阿囡又要跳番part 舞先喎........都係嗰句........畀佢吹脹........
下個攝影景點就係1881廣場，離海港城非常之近，只相隔一個街口咋，今年尖沙咀1881 Heritage 的歐洲童話式巨型聖誕裝飾，設置了5公尺高的巨型皇室小熊、熱烘烘的真火壁爐，令您感受暖意！還有高10公尺的仿中古燭光聖誕樹，又會在樂曲中徐徐轉動，再加上特別安排的無伴奏合唱表演，好讓您
與摯愛親朋共同度過一個溫馨夢幻的聖誕佳節！
與摯愛親朋共同度過一個溫馨夢幻的聖誕佳節！
真係好大隻Bear Bear 呀，想同佢合照要排隊架，阿囡又喺度擺哂Pose 影相，仲姿態多多，非常頂引.........
10公尺高嘅仿古聖誕樹認真高大宏偉，不過講到有趣當然是這個真火壁爐啦，只要你喺屏幕前搖晃手動，壁爐的火勢就會感應上升，仲會發放陣陣暖意，囡囡話好好玩呀..........
被喻為最高級眼鏡店的「溥儀眼鏡」亦於此處設置聖誕裝飾，1:1身高嘅BearBear 架起溥儀款式眼鏡又幾特別喎........
除咗用餐同購物外，這裡的聖誕裝飾非常有限，所以不需一粒鐘就KO佢，最後喺門口噴水池影多幾幅夜景就走人，此間為晚上七點鐘左右，又係醫肚時候喇，咁第一時間諗起想食拉麵，就走去尖東新開張的「豚王拉麵」碰碰運氣啦，點知去到又係非常失望，店員話拉麵剛剛售罄，明天請早.......頂.......又
食唔到，真係冇引！
食唔到，真係冇引！
懷著小小失望的心情回程，心諗唔知食乜嘢好呢，此時途經尖東K11 商場，記得往年這裡都有聖誕特定裝飾欣賞，所以咪入去走翻轉囉，首先見到這棵由很多粒Cendy 砌成的Sweet Sweet聖誕樹，咁阿囡梗係要同佢Sweet 吓啦，另一處有幅巨型嘅蒙羅麗莎畫像出現在我們面前，畫裡的蒙羅麗莎像還向著我哋微笑，仲發出陣陣吐司香味，咁奇怪？於是就行埋去睇真啲，原來整幅畫像都係用吐司砌成，究竟係邊個所為呢？製作人是來自紐西蘭有「吐司藝術之畢加索」稱號的莫里斯‧班奈特(Maurice Bennett)，夥拍香港的藝術人一起創作，作品名為「蒙羅麗莎的甜笑」Sweet Delight Mona Lisa，他們以吐司作畫紙、以火槍為畫筆，再用上六千塊吐司砌成這全球最大的吐司馬賽克畫，認真犀非利呀！
跟住再轉往戶外廣場睇吓，咁就發現了呢隻龐然巨物，粉紅色的飛天豬，非常搶眼，原來這頭飛天豬就是它們K11今年聖誕的主題項目「K11 Love SweetLife」活動，此作品是由韓國藝術家 Choi Jeong Hwa ( 崔正化 ) 特別為K11 創作的 Love Me！藝術裝置，你亦可於1月25日或之前，把你拍下的精彩照片，電郵至 mailto:marketing@k11concepts.com 參加比賽，被挑選出來的作品將會於K11 Facebook 內與大家分享，勝出者更可獲贈美禮品乙份，咁你哋仲唔快啲行動.........
隻巨型飛天豬仲會上下晃動，好像跪下來要與您親親的感覺，非常之可愛.......
喺飛天豬前面仲擺放了一個大型 LOVE ME！佈置，呢處絕對係拍照取景的最佳地點，咁就同阿囡亡命喪影多幾張靚相啦，使乜同佢客氣喎！話時話今日真係影咗好多靚相呀，非常之大滿足喎，真係影到有啲忘我嘅感覺，就差啲連肚餓都忘記咗添，咁唔再講喇，去搵食先..........下次再見..........拜拜..........
