NISSIN 日清創意無限嘉年華 ( 杯麵製作體驗 )

 2013年6月9日(SUN)

這日星期天帶阿囡返小公主舞蹈彩排，因要準備下星期日奧比斯活動演出，當途經東港城一樓平台時，發現這裡已彷彿變成日本橫濱的日清杯麵博物館似的，工作人員在忙碌地招募客人，仲有日清幅袋發售，可惜我來遲一步，又靚又抵嘅幅袋火速售罄....慘！會場仲設置了表演台及一些攤位遊戲，原來今日出席嘉賓係靚女朱茵，但係影都唔見，又錯過咗添.........真失敗！......... 


如想玩攤位遊戲，首先就要於商場內購買日清任何產品滿$40，攞住發票到換領處就可換取遊戲劵一張，多買多送，跟住就可以開始玩遊戲架啦！


另一方面仲有個小型展覽添，係同大家講吓杯麵嘅由來及歷史，圖片左上方橙色嗰包就係全球的第一包即食麵「雞湯拉麵」，於1958年由日本人「安藤百福」所創，及後再經過多方面改進，合味道杯麵終在1971年於日本首度發售，而登陸香港則是1986年！這裡還有古巨基與胡杏兒所設計的杯麵展出添！


整個展覽的重心部份就係可即場DIY杯麵，今日會有18 段時間見學，事關今日是最後一天，所以賣票情況都非常緊張，左上圖係排隊買票時的狀況，右上圖係半粒鐘後的售票結果，真係手快有、手慢冇！你仲可以自選甚麼湯底及其中四種配料添，確係相當獨一無二喎！


現場還展出兩組由小朋友填色繪畫的比賽結果，先來睇吓小學生組的冠亞季得獎作品，又真係幾有心思創作喎！

小學生組的其他優秀入圍作品...........


之後再睇吓幼稚園組的頭三名獲獎作品，親子協力創作又確係幾好玩喎！

其餘入選的幼稚園組作品，請慢慢欣賞........

跟住這些應該是福袋裡面的物品，都幾特別有趣，可惜買唔到吖！仲有新登場的合味道叮叮飯添，四種味道任君選擇！

之後接埋阿囡去玩攤位遊戲，遊戲非常簡單好快就玩完，跟手攞埋小禮物，就準備過去體驗DIY杯麵見學，我哋係買咗4:30 的入場劵，時間啱啱好！


入場每票獲派一隻吉嘅杯麵杯，跟住搵個靚位坐低，就立即同阿囡一齊開始DIY工作，因限時最多20分鐘就要完成！


我就負責劃公仔及圖案，阿囡就負責填色和寫字，媽咪就負責影相及美術指導，大家分工合作，一家人親子享樂吖嘛.....

我哋用咗大約15分鐘時間，就DIY 完成了這個獨家東港城限定的日清創意無限嘉年華版杯麵.........yeah.........


畀個杯麵大特寫你哋睇吓啦，幾有創意同特色，梗係要影多幾張相存檔啦！

今日咁重要嘅日子梗係唔少得清仔同清妹兩位主角啦，他們不時出現於舞台上整古做怪，動作亦相當搞笑，也會同大家拍照留念架！

DIY好杯麵圖案後仲未完成架，係要攞過去杯麵生產線工房進行加工，首先係 ­要用機器加入麵條，還會畀你自己親手處理，咁代表當然係阿囡啦！
步驟一：http://www.youtube.com/watch?v=gzy3-wJBxOo

跟住工作人員就會將阿囡先前揀選定的湯味粉及四種配菜加入杯麵裡，最後 ­會畀囡囡確認一吓，如果無錯的話就要進入包裝工序了！
步驟二：http://www.youtube.com/watch?v=VxOAFRWKhKU

這個步驟係先將杯麵封蓋，再用透明膠包裹杯麵，然後放入微波機裡 ­加熱，令杯麵表面型成一度保護層，咁先前製作的圖案就可以安心保存 ­啦！
步驟三：http://www.youtube.com/watch?v=s0FoCgF5YA8


最後將杯麵用吹氣膠袋密封，再穿上一條紅繩就正式完成嘞，跟住指定動作係同特大杯麵合照，搞咗咁耐仲只係收你$20 確係非常抵玩，日清今次完全把日本概念帶到香港，真係超讚的杯麵體驗見學囉...........


今回係咁先.......下次再見.......拜拜.........