2012年12月26日(WED)
喺官也街一輪衝鋒試食過後，望吓個錶都成5點囉喎，見外母
開始有啲手痕，咁就立即飛的返去酒店！
幾分鐘車程就返到酒店，睇吓「喜來登酒店 Sheraton Hotel」外觀幾宏偉，十足泰國啲酒店咁！
酒店到處都開滿各式商舖，尤其是珠寶首飾店就特別多，啱哂國內啲同胞隨時都可以血拚，這間酒店設計得都幾搞嘢架，睇吓你又估唔估到椰樹林後面係乜東東？...........咪就係賭場
囉..............
跟住我哋就上番房休息吓，外母就隻身走去賭場博殺，咁就祝佢好運啦，為防今晚玩得夜，所以就同阿囡沖咗涼先，現在就帶大家參觀吓浴室設備，唔太大但好新淨，最特別係水龍頭、花灑等用具都係銅製品，首先用勁熱水同浴缸消毒，等阿囡可以安心地慢慢浸浴嘛............
喺阿囡沖涼嘅時候，我就好似大爺咁攤喺張床度睇吓電視，一邊嘆住熱騰騰嘅紅茶，認真享受！過一會終於等到天黑喇，我哋就準備出發過去威尼斯人度假酒店的湖畔區，欣賞它們的聖誕特備節目，皆因晚上湖畔區這處會幻化成「聖誕雪地旅」，仲會有場大型3D光效投射滙演添，相信係非常之有睇頭嘅重點節目，仲要係免費娛樂添，梗係要見識吓啦............
我哋入住嘅「喜來登酒店 Sheraton Hotel」的夜間外貌！這裡一排是建有三間酒店，「康萊德酒店」及「假日酒店」，是屬於金沙城中心的建築群，三間酒店的商場亦可相通，非常方便架！
其實喺喜來登酒店步行就可以去到威尼斯人度假酒店，路程大概10分鐘左右，我哋邊行邊影相，因為咁靚嘅東方拉斯維加斯夜景又點能錯過呢.....
嘩........終於嚟到威尼斯人度假酒店嘅湖畔區喇，點解冇嘢睇嘅，咁就唔使心急，因為3D光效投射滙演係每半個鐘頭一場，由六點去到十點，咁既然未開場，不如就四處行吓，影吓相先啦！
整個湖畔區都打造成雪地效果，仲有一棵巨型嘅藍色聖誕樹轟立在這裡，聖誕樹旁邊還設置了一個小舞台，當每節3D光效投射滙演的空檔時間，就會有真人Show 表演睇，好精彩架，一陣再同大家分享！
睇吓四周環境仿如滿佈積雪，好有冰天雪地嘅感覺呀！
湖畔區內還有很多工作人員喺度扮鬼扮馬，穿梭於人群當中，也很樂意與您們合照，咁我哋都唔執輸喇，即時捉住呢兩位表演雜耍嘅人兄拍照......笑吓
突然間見這邊人群起哄，睇真啲原來係雪人出現呀，呢個雪人都認真活蹦亂跳，相當鬼馬，囡囡都非常鍾意佢，幾經艱辛先可以埋到身同佢合照呀...yeah...
跟住見到呢兩條茂里冇乜人幫襯，咁就做吓好心，幫佢哋發吓市啦，當係日行一善囉！
先前同大家講過話表演舞台有精彩嘅Show 睇既，首先出場係來自「俄羅斯的體操雜技二人組」，他們兩人以強大力量及合作純熟的技巧，為台前的觀眾帶來緊張的演出........請耐心欣賞！
之後就輪到我認為係幾個表演項目中最好睇嘅「英國傻兵爆笑勁舞四人組」出場，絕對無敵相當搞笑架.............
緊接著的表演就是那位身穿華麗宮庭服的外籍甜者兒，用優美動人的歌聲為大家普出聖誕樂曲，音質確實非常動 ­聽，現帶給各位精彩片段，請細心欣賞！
欣賞完一輪刺激眼球同耳朵的精彩表演之後，就捉住嚟一對國王皇后合照，因為佢哋兩人嘅宮庭服飾實在非常搶眼，同現場環境氣氛亦相當匹配，但就在影到興高采烈之際，湖畔區廣場的燈光突然全數關掉，四周視野漆黑一遍，跟住發現眾人都舉頭上望，講到呢度相信聰明嘅您應該估到，今晚澳門威尼斯人度假酒店的超級重頭劇，聖誕雪地大型3D光效投射滙演「幻彩四季」即將上演.........yeah......
，不過唔好咁開心住，呢輯片段要留番下編先有得睇，吊吓您哋引先........唔係咩呀........
，不過唔好咁開心住，呢輯片段要留番下編先有得睇，吊吓您哋引先........唔係咩呀........
今次係咁先..............拜拜..............
沒有留言:
張貼留言