2012年12月26日(WED)
上文題要，我們何家三友連同高碌竹表哥入夜來到威尼斯人度假酒店的湖畔區前，欣賞了一些專為聖誕節特備的精彩小型Show，再同一啲扮相鬼馬嘅表演人物合照後，一場大型嘅聖誕3D光效投射滙演(幻彩四季)亦即將放影，嘩.........好期待呀..............
正當聚精會神準備欣賞投射滙演之際，這邊人群又起哄喇，睇吓先，原來係QQ 薑餅人出巡，佢又係動作多多跳跳紮十分生鬼，咁我哋梗係第一時間飛撲過去打個招呼喇........Hello.........您好嗎？
阿囡對呢位男爵先生都有興趣喎，咁咪影埋佢囉！之後就坐定定預備欣賞表演嘞...............
這場獨特而震撼嘅「聖誕雪地大型3D光效投射滙演(幻彩四季)」立即開演，精彩嘅程度真係非筆墨可以形容，咁點算呢，大家放心唔使咁愁，以下就即刻送上整個滙演現場實況，片長都有成9分幾鐘架，請慢慢欣賞..........
在投射滙演的尾段時刻，會場二樓處會噴出大量人做白雪，剎那間仿於至身萬天飄雪當中，阿囡從未見過落雪，所以都話巧巧玩架嘛！
同時表演場內亦有多位聖誕禮物小姐，她們會將一些小禮物送贈給小朋友，例如螢光棒、各式優惠劵等等，阿囡就自製咗一個螢光圈玩，就係咁玩得樂而忘返，囡囡話個投射滙演巧精彩喎，所以睇咗兩次都唔肯走，仲吵著要睇第三次添，真係頂佢唔順..............
最終都係要睇多場表演先捨得離開，臨走前無意中發現呢個絕景，即時用相機將佢拍低，現在就同大家分享，係咪超靚景呢！
靚景梗係要一不離二架啦，整個威尼斯人度假酒店的湖畔區夜景今晚確係靚到冇得頂............真的百看不嫌............
在回程途中不經意地來到這個華麗花園，原來呢個就係金沙城中心的室內禦桃源花園，園內更設有一座巨型財神雕像，這也是金沙城中心的一大亮點，這尊高達16英尺、重達5,500磅 (約2268公斤) 的財神雕像，以富有光澤的銅及24K 燙金箔面製作而成，是由中國三大最具影響力的雕塑家之一的孫家彬教授親自設計與監督下完成。
在花園的中央處還設置了一大型音樂噴水池，每隔一段時間就會作出噴水表演！
當表演時，水柱會由低向上升高噴射，水柱高度差不多到達屋頂，再配以幻變的燈光效果，確實偉為奇觀！
這裡還有一座由外籍名廚特意打造嘅聖誕薑餅小屋，屋後仲設有薑餅小市集，售賣各式各樣薑餅曲奇食品，不過這時市集好似已經 Close，咁冇計啦，唯有影多幾張靚相就算囉...........笑吓.............
唔想行商場通道返酒店，皆因這裡四通八達好易迷路，同埋始終喜歡觀看夜景多啲，最後選擇走戶外街道回去，再去賭場執番外母出嚟，之後就一齊食晚飯！
因為時間都唔早嘞，差不多接近9 點，加上各人體力都消耗得七七八八，所
以唔考慮咁多喇，就近近地喺喜來登酒店四樓食堂搞掂就算！
這裡食堂的食物選擇都幾多架，我們最後選擇幫襯這間中式「花溪牛肉粉」店鋪，因為貪佢抵食夾大件吖嘛，我哋一共賣咗兩個「招牌全家福」套餐，每份 $48，一個跟湯粉，另一個就跟飯，話得係全家福咪即是乜嘢都有啲囉，鹵蛋、牛展、肉燥都煮得相當入味，啲湯粉亦爽口非常，如果將啲飯加落碗湯內變成湯飯仲更加一絕，皆因碗湯清甜之外仲加了大量蔥花，飽餐一頓之後就回到房間休息，事關明天仲有節目等住我哋玩架嘛，外母就繼續去賭場碰碰運氣..........祝佢好運啦.............
待續....................
預告：明早會去一間古色古香嘅酒樓嘆茶，然後會喺澳門中心區議事亭前地遊覽............有興趣嘅朋友請繼續跟進...........再見.............
此文章曾於舊居中發表: http://blog.yahoo.com/andygundam/articles/page/1
沒有留言:
張貼留言