驚天地、泣鬼神、意大利新金童誕生

 2012年6月29日(FRI)

睇完尋晚場波，出乎意料的賽果，意大利竟被一致睇淡下以2：1擊敗日耳曼民族德國，真係丟到滿地眼鏡碎，亦從比賽中見證意大利新金童「巴洛迪尼」的誕生，這夜的意大利同擇下1982年世界盃冠軍的意大利非常相似，想當年的意大利在首圈分組賽表現一般，三戰全和只得3分，僅以較多的入球壓倒同

分的喀麥隆晉級次圈，當時的前鋒舊金童「羅斯」表現平平，就連一個入球都沒有交出，但意大利隊在次圈表現卻脫胎換骨，先後擊敗南美雙雄阿根廷及巴西晉級四強，再在準決賽淘汰波蘭晉身決賽，最後在決賽以3：1技術性擊倒當時的西德勇奪冠軍。羅斯亦以6個入球成為神射手，捧走金靴獎添...... 但係當時的功神不單只羅斯一人，仲有無名英雄快翼「干地」，這個突擊組合往往是由干地快速推球落右路底線出波傳中，羅斯就會無聲無色地伏兵門前取得入球，他們配合得天衣無縫，這也是當年意大利能取得冠軍的關鍵所在.......

   ~圖片來源新浪體育~

今屆的意大利隊亦於分組賽中表現不突出，只是兩和一勝取得5分，次名晉身八強，之後在八強賽120分鐘內打和英格蘭0：0，最後以12 碼4：2 淘汰英格蘭，及至作晚所見的意大利隊又開始脫胎換骨喇，取得第一個入球的組合卡斯辛奴完全演繹了當年干地的角色，他在右路巧妙地擺脫了兩名德國守衛，跟住

左腳傳中，對這個傳中球的判斷，戰神巴洛迪利比畢斯杜巴明顯高了幾個層次，這時巴洛迪利如以泰山壓頂般的姿態順利將皮球應聲頂入網窩，而這個入球，亦是意大利歷史上自1986年以來共28年裡首個在歐國盃4強的入球，及後的第二個入球，是蒙度利禾在右邊中場用高空波長傳給巴洛迪利，皮球落點洽到好處，巴洛迪利轉身控球向前衝刺，利用他的驚人速度及身材徹底壓贏了拿姆，繼而在大禁區頂用右腳爆射攻門，因這球實在射得急且勁，德國門將紐亞連反應都來不及，皮球就從龍門的左上死角入網，德國雖在臨完場前靠一個12碼追成1：2 的較接近記錄，但最終都要落敗而回。這夜無疑是巴洛迪利的世界，一頂一射帶領意大利淘汰德國殺入決賽，他的踢球技術無可否認是超級高強，但球賽不只是一場半場，穩定的好表現要時刻維持，才能成為真正的超級球王............

再講巴洛迪利的弱點實在太多，不論EQ 及行為都同小朋友相約，球品又差，經常在比賽裡攞黃牌甚至紅牌，他的演出好壞取決於他當時的情緒！

好嘞.......意大利決賽的對手是西班牙，到時大家真係要放長雙眼睇住巴洛迪利的表現，可否再爆光芒，擊敗西班牙，從溫他們的前輩在1982年所創下的豐功偉業，再次揚威世界舞台，擇下這歐洲之最重要錦標哪......

歐國盃決賽：西班牙 VS 意大利

7月1日深夜 02：45 舉行....令人期待的賽事....

 



2012 歐洲國家盃四強半準決賽「意、德足球強國之戰」

 2012年6月28日(THU)
今晚凌晨02：45分上演另一場四強重頭大戰，就係傳統歐洲足球強國「意大利VS德國」，雖說近年對賽往績意大利比德國較佳，不過本人仍然相信這場是六四波，咁當然係德國六，意大利四「死」啦!!!!!!!

其實「意、德」兩國教練的佈陣及走線打法都出哂名「老謀心算」，咁因何睇高德國小小呢，理由係從德國於分組賽最後一輪對丹麥時發現，雖說德國當時經過首兩場賽事已經攞咗6 分，穩坐出線一席，但從比賽中看見他們輕描淡寫哋玩弄丹麥，這隊丹麥都唔係二打六o架，喺歐洲呢講都算係二線頭嗰幾隊啦，睇見佢哋搏埋條老命都要輸1：2，認為德國超班唔單只齋睇呢一場賽事，之後八強鬥「當黑歐洲二世祖」希臘時表露無遺，當時下半場55分鐘森馬拉斯的入球追和1：1，這時希臘滿以為可以守和加時再射12碼淘汰德國，不過呢個夢好快就醒喇，不需6 分鐘希臘又要再度落後，最後德國好似超級馬晨操咁羸4：2，之後本人就認定德國一定可擠身決賽，預測是否準確，幾粒鐘之後就有答案啦......

睇吓德國隊教練啲架式就知佢唔簡單啦，一招深思熟慮採礦手，無論出席任何場合都會隨時出動，令對手聞風喪膽，目瞪口呆，問你死未......

至於對手意大利近年來得教練柏蘭迪利帶領下，球隊確實年輕化了不少，再加上他們傳統的銅牆鐵壁區域聯防，效率奇高，不過始終係守強攻弱，況且今屆只靠腦殘前鋒巴洛迪尼攻堅，此子正一神經刀，皮氣又古怪，最差就係EQ 零蛋，睇住應該入佢就唔入，唔應該入咁當然唔會入，佢嘅拍擋係有懷孩子之稱嘅卡斯辛奴，他的傳、停、射都較腦殘來得可靠，不過卡斯辛奴嘅體能就真係差咗啲，往往都不能應付90分鐘賽事，好在意大利還有鋼門保方把守最後一關，我想意大利今晚極希望能在120分鐘守和德國，再用12 碼分勝負，不過我認為條數未必計得咁準，因為今屆德國隊的高機動打法，地面入攝、高空轟炸、遠程重炮樣樣齊，由其是超級中鋒馬里奧高美斯射術精湛

，所以德國都係要睇高多少........簡簡單單今晚推介半場和1.9 倍及半全場嘅和主4.1 倍兩注，希望可以命中，如果啱心水不防買番多少玩吓，我本人不是病態賭徒，更唔係鼓吹賭博，只係買番多少雞仔注，增加睇波時的刺激性而已........

最後都係嗰句.....切勿沉迷賭博......

>
>
>
>
>
>
>
>
>
>
>
>
>
>
>

真係估佢唔到，扮嘢高手高手高高手原來係意大利........

仲加埋一個突然神勇的腦殘巴洛迪尼大帝.........

意大利就這樣扮豬食老虎.....食咗德國..........

終於兩隊決賽球隊都產生了「西班牙VS意大利」....

真要睇吓意大利是否仍然這般神勇........

我會全力支持狂牛西班牙隊衞冕成功..........

 

 



2012 歐洲國家盃四強半準決賽「雙牙大戰」

 2012年6月27(WED)

今晚深夜02：45分歐國盃就會上演四強半準決賽「西班牙VS葡萄牙」的大戰，這亦是名副其實的「雙牙大戰」，非常強勁嘅戲碼，我當然唔會錯過啦，唔知你哋又會支持邊一隊呢？

 

等我首先表態，我係支持被譽為地上最強的巴塞隆納，即係紅色狂牛，咁咪係「西班牙」囉，因他們的前中後場都有巴塞的主力骨幹球員在陣，打法非常配合及機動，今屆再加上教練迪保斯基所排的4-6-0「零前鋒」怪陣式，由沙維、大衛施華、法比加斯、恩尼斯達所組成的黃金中場線，將這陣式發揮得淋漓盡致，完全將巴塞的踢法套入「西班牙」隊中，再以超強的控球力，配合簡單快速嘅入攝，「葡萄牙」又點會頂得住呢!!!!!!!!!!


雖說「葡萄牙」有天王巨星C.奴朗拿度壓陣，但係唔通一個打九個咩 ，除非佢哋將C.奴朗拿度同拿尼退後打埋中場，實行同「西班牙」鬥一鬥爭奪中場，咁樣或者無輸得咁肉酸嘅，以我估計好大機會開出入球細，同上半場係打和0比0，不過如果C.奴朗拿度有入球的話，就會開出入球大，我估全場比數係
0：2 或1：2 波膽，有興趣的話可以跟番多少，不過唔中唔好鬧我呀.......哈哈......

好快就會有結果o架哪......

大家一齊睇好波啦............

<

<

<

<

<

<

<

<

<

<

<
天都光哪....終於都睇完嘞.......

入球細.........中

半場0：0........中

波膽0：2 - 1：2......唔中!!!!!!!!!!!!

全場比賽冇波入真係有啲失望........

不過最終「西班牙」都可以進身決賽........

期待決賽「西，德」大戰......

 



東京都最大觀光氣船( HOTALUNA )

2012年6月26日(TUE)

東京都最大的觀光船( HOTALUNA ) 預計6月28日開始運行隅田川至台場一帶，( Hotaruna ) 是以宇宙飛船的形象設定，銀色金屬流線型的船身，翅膀似的海鷗翼門，充滿科幻及前衛非常的造型，不僅從船內能看到超寬廣的景觀視野，船頂上還安裝了散步甲板，是享受船外風景的最理想位置。此外，船後方玻
璃窗會散發出淡淡的蒼白光芒，從黃昏到黑夜，恍如一隻隻水上的螢火蟲，在黑暗中飛舞照亮著整個隅田川！

外型咁前衛的( HOTALUNA ) 是由名漫畫作家「松本零士」先生設計，藍本來自被稱為神秘( Hotaruna ) 的卡通漫畫，此系列作品於“漫畫邦邦”講談社的2006年12月號至2007年12月號中共10話連載！

( HOTALUNA ) 的飛行路線途經以下幾點：１）浅草～日の出桟橋
２）日の出桟橋～お台場海浜公園
３）お台場海浜公園～日の出桟橋
４）日の出桟橋～浅草
５）お台場海浜公園～浅草

乘船料金：
１）淺草～日の出桟橋～お台場海浜公園 / 1,520円
２）浅草～日の出桟橋 / 1,060円
３）日の出桟橋～お台場海浜公園 / 760円http://www.suijobus.co.jp/ship/hotaluna.html

 



那些年 ~ 我們一起再次到訪的台北 2012「誕生篇」

2012年6月12日

 

上回提到，7月份會有啲搞作，好嘞....關子賣完喇，聰明嘅您都應該估到啦，冇錯....就係旅行哪，地點選咗台北，就係我10年前去過嘅台北，話說上個星期某天，當時正在家中食緊晚飯，突然收到何老闆嘅WhatsApp短訊，佢話「7月去台灣，有冇興趣」，咁我回覆話「有興趣」，於是經過一輪短訊往來，
再冷靜考慮咗一個晚上，最後終於落實這個台北4天嘅Trip，又得知何老闆為人出親門都要食好嘅住好嘅，就連搭飛機都一定要係CX至啱數，這意味著一個名為「仲夏台北四天自由自在超級好玩豪華團」即將誕生 .........

不過今次訂Packages 唔係我負責，係由「永球嫂」擔當，之後再在這幾天裡多個電郵聯絡，最終出發日期定於7月8日，搭CX來回，兩晚住宿台北西門「捷絲旅精品酒店」，一晚烏來「美人湯溫泉酒店」，咁總算搞掂哂機票住宿問題，接下來就係行程編製，這樣當然係由我擔任，因為大家都知道我係閒人
一個............哈哈.............

 

 

想做就去做，咁就立即去圖書館借咗幾本台北旅遊書睇睇，再上網找找資料，唔少得嘅就梗係睇吓人哋啲遊記，經過幾晚的不眠不休，日以繼夜搜集，四天行程已經有咗初步定案，不過想再做完美啲，所以要等遲啲先發表。

今次台北行程總共有四個家庭參與，咁當然有我們「本家三友」，加埋何老闆一家四口，「豬永球」三個同「韋爵爺」兩個，合共團員多達12人，陣容非常鼎盛................

 

 

以下預告吓幾個今次行程必遊景點：─

1‧淡水漁人碼頭「情人橋」，欣賞日落的最佳位置......

 

 

2‧九份金瓜石景區之金瀧「黃金瀑布」........

 

3‧平溪鄉十分的絕景「十分瀑布」，亦有台灣尼加拉瀑布之稱，是台灣最大的簾幕式瀑布........

今個Trip係囡囡第一次搭飛機出國旅遊，也是我們闊別10年之後再次踏足台北旅行，更是同囡囡第一次的親子旅遊......所以十分期待......

詳細行程不日推出.......敬請多多指教........

這文章曾於故居內發表: http://blog.yahoo.com/andygundam/articles/page/1