2012 英超新王者「曼城」

 2012年5月14日(MON)

熱烈祝賀曼城成為2012英超聯賽冠軍，打敗同市宿敵曼聯羸得獎杯，偶像阿古路在補時93分鐘一箭定江山，3 : 2 擊敗昆士柏流浪，真係一額汗，羸得好驚險，因為打和都輸畀曼聯，本季是阿古路登陸英超的首個賽季，擁有超凡靈活性和完美的爆發力，就是阿古路能夠完美地征服英超的最大本錢，他更以23個聯賽入球躋身英超射手榜TOP3，僅次於兩大英超頂級射手雲佩斯和朗尼，無論如何阿古路已成為曼城的最新英雄....

尋晚係英格蘭超級聯賽煞科日，10 場英超大戰同時上演，榜首冠軍由曼市雙雄爭奪，未打之前相方各得86分，但得失球差曼城比曼聯多8個入波，曼聯作客新特蘭，新特蘭已經係打風流波，輸贏都冇所謂，而曼城主場對昆士柏流浪，昆士柏流浪係要護級，最後這場比賽風回路轉，結局相當之戲劇性，因為戰至法定時間90分鐘，曼城仲係落後於昆士柏流浪1：2，那邊曼聯以1：0 擊敗新特蘭，曼城的比賽要補時5分鐘，如果最後戰果冇改變，曼聯就攞冠軍，但就在這神奇的時刻「補時5分鐘」，先由後備殺手迪斯高在補時91分鐘頭鎚追成 2：2 平手，跟住最戲劇性一幕就在93分鐘上演，巴洛迪利在禁區頂送出斜傳，阿古路強行突破小禁區右側冷靜推前勁射近門破網，反敗為勝3：2 完場，這時主場全數擁墩歡聲雷動，當阿古路脫下了波衫狂奔慶祝與咆哮這一刻，他讓全場及全世界觀眾的心都沸騰起來了！

獎杯出場的一刻，由多位足球名宿牽領.......

教練文仙尼帶領全體球員出場領獎......

隊長甘賓尼接過英超冠軍獎杯，左右兩旁是巴洛迪利及迪斯高！

隊長甘賓尼高舉英超冠軍獎杯的一刻，全場歡呼聲震耳欲聾.....

神奇英雄阿古路也再次高舉獎杯，這時全場都為他歡呼....

全體職球員開香檳狂歡慶祝.......

2011 - 12年度英格蘭超級聯賽CHAMPION 「曼城」

文仙尼話您哋好嘢，唔係我連教練都冇得繼續做...多謝哂...

 

文仙尼話您班友仔嚇得我幾驚，差啲褲仔都濕埋，好在依家終於獎杯在手，都冇咁驚.......

曼城的一眾教職員團隊同獎杯大合照，右一為前意大利名將有「大力水手」之稱的林巴度，左一為英國著名中場大腦柏列！

文仙尼終於可以鬆一口氣笑得出嘞，您唔好咁開心住，下屆仲要教得再好啲啊，若果唔係老闆就.......自己執生啦.....

最後再次祝賀「曼城」獲得英超聯賽冠軍！