九龍灣展貿 2012 體驗日本新鮮奇趣「活力日本展」part - 2

 2012年3月25日(SUN)

Hello 大家好，繼續參觀體驗日本新鮮奇趣嘅「活力日本展」，其實會場除咗A區介紹各地都道府県及特產，B區推廣各地美食之外，仲有個C區推介各地觀光資訊。

途經嚟度見大大張新幹線列車poster 幾靚咪停低望吓啦，則邊突然閃出一位姐姐仔，笑住口咁問是否想影相呢？都未黎得切回答佢，佢已經攞咗件車長服畀我著哪，仲連埋頂車長帽添，囡囡都話爸爸現在好有型呀，咁我都覺得又真係幾醒目喎.......哈哈......

 

C08 東日本旅客鐵路株式會社 (East Japan Railway Co) 這架係最新型號E5系「隼號HAYABUSA」新幹線列車，最高時速可達300公里，此外，即將到訪東日本的朋友請注意，4 - 6月期間限定「JR East Pass Special」特惠通行證現已推出，讓你可輕鬆自由穿梭東日本各地旅遊。http://www.jreast.co.jp/tc/

A08 栃木県 (TOCHIGI) 由東京乘新幹線前往栃木県的宇都宮市只需50分鐘時間， 栃木県擁有奧日光、那須高原等著名景點，此外更有世界遺產之一「日光社寺」，生產量屬於全日本第一的草莓等等。http://www.pref.tochigi.lg.jp/ 今回栃木県攤位主張多做健康體操，所以佢哋有部電視播放健身操影片，片裡面有隻好cute嘅毛公仔喺度大跳健體舞，囡囡睇到目瞪口呆，話好得意呀，跟住仲一齊跳添，佢仲話跳舞好好玩呀......

 

A09 千葉県 (CHIBA) 成田機場及東京迪士尼樂團的所在地，千葉県亦是工業城市，由於擁有環海的地理優勢，再加上天然資源豐富，令千葉県的海鮮美食尤其聞名。http://www.chiba-tour.jp/han/index.html 睇吓囡囡手上拎住嘅紅色毛公仔係乜冬冬呢？原來佢就係千葉縣的吉祥物叫『CHI-BA+KUN』（千葉仔），它的姿態從側面看上去就如同千葉縣的形狀，紅通通的身體和惹人喜愛的表情贏得了眾多人的歡心。攤位內仲有幾個嬸嬸喺度做緊靚靚壽司，睇吓圖中咁cute可愛嘅壽司就係佢哋做架哪，佢哋仲會有個時段可以教你點做靚靚壽司架!!

嘩.......突然間人群裡面出現咗兩隻巨無霸公仔，係 (千葉仔) 同栃木県健體操達人囡囡梗係第一時間飛撲過去影相啦........

A10 九州佐賀県‧福岡県‧鹿兒島県(KYUSHU SAGA‧FUKUOKA‧KAGOSHIMA)佐賀頂級名物之一「佐賀牛」同「松阪牛」和「神戶牛」齊名，是眾所周知的日本高級牛肉品牌之一。其特點是，脂肪細細地滲透進入柔軟的瘦肉中，形成

被稱為霜肉的高品質牛肉。可以說是黑毛的日本牛，得益於佐賀美麗的自然環境的培育，溫和的氣候，潔淨的水質和清澄的空氣，如果您到了佐賀，您一定要嚐嚐佐賀牛的美味。http://www.pref.saga.lg.jp/web/ 另外佐賀的「有田燒」已有400 年歷史，世界聞名，其瓷器大師酒井田柿右衛門乃家族第14 代傳人，成為日本重要非物質文化遺產﹝人間國寶﹞。屢獲殊榮連續三年勇奪日本最高榮譽之農林水產大臣賞的「嬉野茶」，還有生產及銷售量連續八年成為全日本第一之「佐賀海苔(紫菜)」，用它製成的手卷壽司尤其出眾，突然間有位大叔喺度拍手大叫，原來壽司試食現在開始，我哋立即跟大隊，品嚐吓由「佐賀海苔」製成的手卷壽司，味道都幾唔錯架，掂呀

.........等我走多幾轉先........

A11 宮崎県 (MIYAZAKI) 宮崎県位於九州東南部，氣候較為溫暖，擁有美麗海岸，高千穗峽谷（高千穗町）由阿蘇山的熔岩侵蝕而生成的V字型峽谷，在綠樹茵茵的初夏，滿山楓葉的秋天都可觀賞到美麗的景色。宮崎有在日本和牛奧林匹克大賽中奪得冠軍宮崎牛，宮崎牛是在自然環境下放養的，牛肉質地柔軟，味道真是極佳。眾多名物當中還有「伊勢海蛯(蝦)」，伊勢蝦多產在日南海邊，在盛產期生食最好味。燒酒也是宮崎県有名的產品，經蒸餾而製成的燒酒是由蕎麥、大麥、玉米製作的，宮崎的燒酒消費量在日本是最多的。咁我都要把握機會，飲多幾杯囉....
http://www.kanko-miyazaki.jp/chinese-t/index.html

A12 沖繩県 (OKINAWA) 沖繩位於日本九州南端，由沖繩本島、宮古群島、八重山群島等160多個大小島嶼所組成的沖繩群島，統稱為沖繩県，由於沖繩県氣候宜人，自然資源豐富，並擁有融合了琉球、日本、中國、美國的特殊文化及生活型態，因此回歸日本之後的沖繩県以觀光休閒島嶼之姿態崛起
，成為近年來最熱門的觀光渡假勝地之一，曾被稱為「琉球王國」的沖繩，至今還保留著不少琉球時代的建築和傳統，當中的「首里城」更於1992年被列為世界遺產，成為遊客必到的旅遊景點。沖繩還有眾多美麗的珊瑚礁和沙灘，亦是潛水愛好者的勝地，近年更流行到沖繩舉行婚禮，一個魅力十足的休閒勝地沖繩婚禮，以美麗的大自然為舞台，引進獨特之琉球文化，定能令你有一個難忘的美麗回憶.....
http://www.visitokinawa.jp/tc/

 今回沖繩県攤位佈置成專門拍攝婚紗場地，遍地佈滿粉紅及紅色氣球，好美麗的氣氛，咁囡囡同媽咪就走入去影番啲靚相囉，之後姐姐仲送咗兩個心型氣球畀囡囡添.....多謝哂.....

C06 日本航空 (JAPAN AIRLINES) 日本航空致力為世界各地旅客提供前往日本的國內外線航班服務，今回在「活力日本展」期間，他們將會為各位小朋友準備日航機師制服，咁正斗，囡囡就第一時間穿上醒目機師服，工作人員好 nice，仲借埋自己身上件機師服給媽咪著，變成兩個都一樣咁醒目嘅大小飛機師出現，咁就等我幫佢哋兩個影番張駕駛艙威水相先喇.....

http://www.hk.jal.com/hkl/zhhk/

突然間一陣陣燒肉香味從某處飄來，我們立即追蹤香味來源，報告有所發現，香味源頭來自A10 九州佐賀県攤位，仲見到先頭高呼叫人排隊嗰位大叔又要開始忙碌，因為完全無料的佐賀牛肉開始試食哪，我們一個箭步跟上大隊，很快便品嚐倒佐賀牛肉的美味，可能不是頂級貨色，感覺白色脂肪較小，食落肉質亦較為普通，不過無料都冇所謂啦，好...走多轉先.....食完和牛之後就繼續參觀C01 日本國家旅遊局 (JNTO) 在這裡可以知道有關日本最新的旅遊資訊，攤位前還有兩位「女僕」同大家進行問卷調查，之後就送你小禮物一份，這裡仲放置了大大隻靚靚和服kitty，姐姐話可以抱起佢影相架，咁囡囡就唔客氣哪.......唔該哂.......

以下這封是日本國家旅遊局的感謝信：「對於這次日本東北地方太平洋近海遭受巨大地震，海嘯災難，你們給與我們莫大的鼓勵和真摰的慰問，我們衷心地表示感謝，真誠地感謝你們熱情的支持和幫助。」http://www.welcome2japan.hk/index.html

A01 災後復興展 (Post-Quake Reconstruction) 左邊是‧大地震七個月後，用起重機把貨船吊起放回海中。右側是‧在頹垣敗瓦中，朋友重逢喜極相擁。中間上方‧機場跑道和停機坪都被瓦礫掩沒了。中間那張‧東北地區有不少可供貨船靠岸的港灣。下方‧海嘯把4724噸的大型貨船也沖上碼頭，撞毀了堤壩。

中間大圖‧災民攜手互助，離開殘破家園走向避難所。由左至石‧東北沿海的海港小鎮，漁船停泊的港口。漁船被海嘯沖到街道上。在避難所偶然重逢的三姊妹。在港口重逢的夫婦。從各地遠道而來的義工為災民送上熱騰騰的飯食。在避難所一名少女唸圖書給年幼的小男孩聽。仙台站東北新幹線月台天花倒塌。地震後三個月，開始有釣魚人士準備出海釣魚。

左側‧抬著獲捐贈的籃球架，學生們準備從新開始籃球練習。右側‧朝氣勃勃的足球少年在義工指導下練習踢球。中間由上至下‧海嘯來襲，很多道路都被洪水淹蓋了。自衛軍幫助救出當地災民。由熱心人士捐出的球具，令少年棒球隊的隊員綻露出笑容。

D09 雅瑪多運輸(香港)有限公司 (YAMATO TRANSPORT(HK)LTD) 母公司於1919年成立，現今為全面的運輸服務集團，擁有五十多個分公司。來自日本No：1的速遞公司「宅急便」於當地家傳戶曉，每年為國民處理的貨件超過13億件，而宅急便服務已於2011年2月於香港全面展開。客人可以在以下店舖「OK 便利店」或「恆隆白洋舍」寄送貨件，方便快捷。http://hk.ta-q-bin.com/chi/index.aspx

話說途經這個攤位時都有停低睇吓，覺得冇乜特別呀，都係一般速遞服務推廣啫，誰知工作人員話小朋友可以玩吓角色扮演，嘗試做吓宅急便速遞員，囡囡話好想玩呀，咁就同佢換上全套整齊工作服，然後分配好貨件，再由工作人員帶領將貨件送遞到其他攤位，咁就達成任務，完成這份工作之後，就會有一份小禮物作為報酬，係「雅瑪多宅急便」曲奇餅嚟架，有得玩又有得食，囡囡話超好玩呀......

跟住就過去Atrium展覽區her吓，囡囡仲同咗兩個機械人仔及兩位猫猫女僕合照添，女僕姐姐仲稱讚囡囡好cute呀......

這處還設置了一個好有意思嘅攤位，係可以將你的祝福字句寫於心型紙上，再將祝福紙條貼於祝福牆上，我哋就寄語「東北加油」呀，睇吓整幅牆都貼滿哂祝福字條，非常之壯觀，香港人真係好有善心呀.....今回被委任為「活力日本展」啦啦隊的頂尖偶像組合(AKB48)，當中的三位成員將會來港為大家勁舞高歌，發放東瀛青春活力。這裡仲有她們親筆簽名T-裇及感謝狀等物品設置，好樣各位到來參觀......

 

E02 全日本空輸株式會社(ANA) 於1952年2月27日成立，總部位於日本東京，更於2011年開辦由名古屋至香港航線，繼成田、羽田及關西後，成為第四個從香港往來日本中部城市的主要航線，同時(ANA) 更率先引入「波音787夢想客機」，成為全球首間營運「波音787客機」的航空公司。
http://www.anaskyholiday.com.hk/chi/index.aspx

好喇...時間都快到5：00 哪，亦係緊張時刻來臨，就係大會要進行「活力日本展」大抽獎，每人得獎機會一次，這時展場氣氛亦昇至全日最高點，主持人又表現得相當之鬼馬，他們日本人用廣東話讀出得獎者名字時，咬字不正尤為搞笑......不過最唔好笑嘅事亦同時發生，就係我哋一個獎都抽唔到呀.........唉.....冇所謂啦，返正今天都已經得益不少!!!!!!時間都唔早喇，接近6：00 就離開展覽會回家了......
 

右上角嗰張相係喺 E03 佳能香港有限公司(CANON (HK) COM LTD) 攤位影架，背景係滿山紅葉襯托湖中白色小艇，我們一家就被見傾紅葉完全包圍，超正的視覺效果感覺，張相係Canon 嘅攝影師影o架，影完等15分鐘就有相攞哪，完全無需料金，只需排隊就得喇。我哋仲攞埋好多旅遊資訊單張回來睇添呀，咁就可以Up Load 番最新日本各地啲旅遊訊息啦.....

最後梗係睇吓今日啲收穫啦，大部份都係無料o架，當中有幾樣物品係我較為喜歡嘅，首選係千葉県 (CHIBA) 嘅黃色千葉仔保溫杯，完全無料，只要答一條簡單問題就送畀你咯，其次係綠色嗰包 Oisix 嘅「京都宇治 - 丸久小山園の抹茶菓子」宇治抹茶卷，半價HK$35購入，最後是(EBARA 食品) 生產，香港仲未發售嘅「黃金の味燒烤汁」，購入價HK$30@，睇見咁多戰利品係咪有啲流口水嘅感覺呢......講到嚟度係咁先.....下次再傾過.......

 

最後祝福...日本頑張...東北加油...奸爸爹呢...