東港城「We嘩充氣嘉年華」2013

 2013年5月4日(SAT)

上個星期六襯阿囡返跳舞班前的少許時間，順道帶她去玩吓這個期間限定的「We 嘩充氣嘉年華會」，因為嘉年華會到5月5號就完畢，所以特意這天早些同囡囡去見識吓........

「We嘩充氣嘉年華」於東港城商場4月27日至5月5日期間舉行，會場內設置了多款兒童遊戲，其中有啲仲可以親子同樂添，這嘉年華會始終都係商業活動，如要玩遊戲就得先到櫃檯購買遊戲劵，每張$10！

會場內最受歡迎可算是這兩款遊戲，「我要做騎師」及「We 嘩！大鯨魚」，兩款遊戲都要五張遊戲劵，咁即係話要$50玩一次，而每節遊戲時間大約5至6分鐘左右，都幾重皮架！

阿囡最喜歡有動感嘅遊戲，「我要做騎師」就最啱佢啦，剛好今天竸賽場中馬由6張減至5張遊戲劵，咁就一於去馬啦......

睇吓阿囡一騎上馬背個樣幾咁興奮，表情幾咁滿足，一臉喜悅心情表露無遺，咁Cuts得意嘅一刻又怎能錯過呢，立即用相機把她拍下，係呀.......如果有興趣的話，可以把這些又Cuts又Chok嘅相片，上載至大會的Facebook 專頁，參加「We 嘩充氣嘉年華」Kid模大招募比賽，勝出的小朋友將獲邀請參與嚟緊暑假舉辦的「We嘩充氣嘉年華」中擔任小小剪綵嘉賓，仲有機會於一系列宣傳廣告中亮相，更會成為超級VIP免費任玩各種遊戲添，咁著數梗係參加啦............


最後梗係要影番張冠軍頭馬威水相啦........yeah...........

跟住去玩另一個必玩遊戲「We 嘩！大鯨魚」，但原來5月1日打後大鯨魚要休息，換來的是「小丑魚奇幻漂流」，其實只係魚種改變，玩法完全無異，這個遊戲是一條兩層高的充氣小丑魚，小朋友會於牠的口部爬上，原來魚的口內有條滑梯，小朋友可以瘋狂地從那處滑下，非常刺激好玩，阿囡就玩到高聲尖叫，樂此不疲........

這款遊戲的時限都係6分鐘左右，亦需要遊戲劵5張，當小丑魚的口部合上時，就不能爬上，小朋友只好玩吓跳彈床先啦，無論如何阿囡都係玩得最投入嗰個！


玩完之後再同小丑魚來個大合照先，睇吓阿囡笑容幾咁燦爛，開心原來就係咁簡單架啦...........

最後阿囡一早就睇啱這款吹氣白兔公仔，話一定要買，見佢情緒咁高漲，又唔想掃佢興，咁就乖乖放低$30 囉，再四周圍影多幾張靚相添，咁就消磨咗粒幾鐘時間........哈哈.......

還有一項最具人氣Kid模5名投票比賽，如有興趣支持吓小囡的話，可登入「We嘩充氣嘉年華」的面書網址：http://www.facebook.com/WeWaLand?group_id=0&filter=2

 

投小囡一票，多謝支持...........

今次講住咁多先......下次再傾.......拜拜........