魂TAMASHII FEATURE"S VOL.4 香港展 2012 ( 前篇 )

2012年8月13日(MON)

 

由笨大香港有限公司主辦嘅魂Tamashii Feature"s Vol.4 今年8月份於香港舉行，地點喺九龍灣展貿中心宴會廳(1) ，這回展覽是繼今年3月在日本舉行的Tamashii Feature" s Vol.3，而Tamashii Feature" s Vol.4 將率先在香港作全球性首次舉行，主辦單位話今次展覽係以純推廣展示性質，並不設任何商品或限定品發售。仲話是次活動係為香港啲粉絲度身定位而設，講到咁有誠意，唔過去睇吓又點得呢！

 

這天中午12點幾到達展場，唔需要排隊可以直入，原因可能今天係星期一啩，同埋始終冇嘢賣確係差啲嘅，不過對於純睇展覽嘅朋友嚟講，就輕鬆得多喇！會場設計得好科幻，好像要帶你走向時光隧道，進入未來世界去也，真的不得不讚是次的主辦機構，能夠建立出咁正面嘅玩具推廣活動，不過我想主要原因是加入了多少日本文化原素，香港嘅玩具粉絲今次真係獲益良多！

 

一入到會場，首先見到個圓形展覽廳，展出的12" 產品全部都是未在市面發售，只係預覽性質，首先睇吓這個試作樣辦12" 秋葉紅紅戰士非公認戰隊人偶，呢期佢哋喺日本非常之大人氣，據問這個樣辦係仿照S.H.Figuarts的商品以3D 資料改良而成，為了重現真實的質感和比例，更會把外部裝備與內部肢體分開設計，並進行商品化，所以製作型態亦相當神氣。在星球大戰裡的兩位機械人主角都有登場，這款R2-D2正嘗試加上不同的機關，外觀的監修亦已經完成，現時已經可以再現兩腳及三腳型態，之後亦會繼續不斷改良達致商品化為目的，跟住介紹吓這個C-3PO，佢哋係同Sideshow Collsctibles 攜手合作，已超合金質量重現出C-3PO的金屬型態，不單採用了和R2-D2一樣的Diecast，手肘亦能連動伸縮，更加入了多種世界首次採用的新機械，就12" Figuarts 嚟講，湛新的設計務求成為世界上第一個「Star Ware：Episode IV A New Hope」版的C-3PO為開發目標。這個C-3PO的試作品整體型態造得甚為出眾，金色部件處理得非常之有金屬質感，像真度亦很高，確實令人期待，連我呢啲唔玩開12"嘅友仔都睇到心郁郁喎......

 

跟手過呢睇吓嚟條12"超級巨無霸Godzilla樣辦先，手工非常之精細，造型亦相當兇猛，佢係由原型師Yuuji Sakai先生製作，他把「Godzilla vs Biollante」中的哥斯拉完全立體化，至於是以內藏關節的型式抑或是用S.H.Monster Arts那樣關節分割型態生產，仍然有代驗證。我就對佢非常之有興趣嘞，如果價錢洽可的話，它有可能會成為我的首隻12"敗家玩具目標呀！

接住又係另一款超大人氣產品，Tiger & Bunny 中的12"PM第一彈！Wild Tiger今之最大的特徵是配合內置LED燈，可重現能力發動時全身多處都可爆發光芒效果，再配上Tamashii Nations 所研發嘅超可動關節結構，成品更可擺出多款有型的動作姿勢，第二彈Barnaby Brooks Jr，此試作樣辦主要集中在於可動部位及發光源效果兩方面，光源部份伸廷至背部都可發光，比起Wild Tiger的發光部位還要多。另外都見到Barnaby Brooks Jr及Wild Tiger兩款便服12"人偶展示，這兩個樣辦同樣是與Medicom Toy 合作開發，不論細節的講究及人物表情的刻劃都與Medicom Toy 之技術融會貫通，以上幾款商品角色設定都係由桂正和先生協力監修，完成度定必相當之有保証架.........

 

參觀完那些未來產品之後，就走進另一個較為現在啲嘅展館，一入到去又即時見到佢哋，邊個佢哋呀？咪係呢期超級大紅人非公認戰隊囉，仲係1：1原大人偶添，佢哋三個啲戰鬥服完全係真架，絕對唔係流嘢，所以佢哋都成為全場的拍照焦點囉....

 

再嚟唔使講嘢，又係佢哋，當然非常好賣嘅S.H.Figuarts 都會見到非公認戰隊蹤影啦，呢個情景設計又幾特別喎，連九展及賊船都擺埋上檯，真係咁都俾你諗到.........好嘢........

 

請大家睇清楚後面嗰隻好似變形金剛咁樣嘅超合金機械人，佢名字叫 Itashar Robo ，要買起佢都幾重皮o架，預訂價要成35000日元，對換港幣大約都要$3500咁上下，認真昂貴，好在佢並唔係我飲開嗰杯茶唧，我睇你唔到.........睇你唔到.........我硬係就睇係唔到..........

呢邊箱又輪到另一主力商品發難，Tiger & Bunny 的相關週邊產品，熱賣嘅S.H.Figuarts 就唔少得o架啦，話時話，啲S.H.Figuarts系列又確實真係出得幾靚嘅，我諗我遲早頂唔住引誘，都要買番兩隻呢玩吓至得.........

另一系列Q版公仔都造得幾靚o架，日本仔做生意真係有啲辦法個喎......

今次會場內將一口氣展出聖鬥士星矢的全部系列，當中包括聖鬥士聖衣神話及EX版等等，如果你係星矢迷嘅話，呢舖真係影相都影到手軟呀，好慶幸本人並非星矢粉絲，此間仲設有兩座12" 聖鬥士聖衣皇級人偶，往後亦將會推出聖鬥士S.H.Figuarts 版本商品，咁又唔同，睇見個樣辦又確係幾靚喎，值得考慮購入！

呢度仲有個香港魂商店嘅專櫃，專門介紹魂商店嘅限定預約商品，產品都幾多元化o架，不過就始終價格貴咗啲，合唔合理就見仁見智喇，同埋都覺得啲限定品越來越出得多，可以講話係又限定，唔係又限定，笨大你搶錢咩....

 

會場內有一Part係俾你回顧番過去咁多年魂Tamashii Nations 嘅展覽， 宣傳品、poster、限定商品啦，由2008年起至今都全部有整，真係幾有心思喎！

睇吓呢啲就係2008年至2011年入場時所派發嘅紀念品嘞，大家可以慢慢細心欣賞吓喎.......

再過嚟另一區係展示已經出產的所有系列商品，計有S.H.Monster Arts哥斯拉怪獸系列，骨架是採用S.H.Figuarts 所研發嘅可動技術製成，使大怪獸哥斯拉系列的活動能力大大提升不少。1比6的聖鬥士聖衣皇級比例人偶，更附設配件可換裝成聖衣狀態或還原星座形態，是超越聖鬥士聖衣神話的終極聖鬥士系列產品。再嚟又係聖鬥士系列商品，今次係最新產品聖鬥士聖衣神話EX系列，這回大幅度提高聖衣與素體的一體感，在聖衣狀態下也可大範圍呈現可動性，更可擺出多款高難度姿勢，聖衣一部份採用Diecast 製作，也能組成星座形態，是聖鬥士聖衣大系中技術昇華最新可動人形系列。跟住又係另一受歡迎嘅大系ULTRA-ACT，此系列是要將咸蛋超人角色的可動性提升至最高，並把最理想體型配合高可動性的湛新人偶系列。接著應該輪到高達出場囉喎，此系列名為METAL BUILD，係以「Gundam Fix Figuration Metal Composite」所開發之技術來製造高質感的機械人完成品，不惜投入較高資源來提升商品的質素與外型之高陛產品。 

其他仲有新世代數碼系D-Arts立體化產品，又係加入S.H.Figuarts 的可動人偶技術，將角色的魅力充分發揮重現。跟住就係本人極為喜愛嘅系列，以約14cm Size 的精巧本體，再配合全新技術的高可動新品牌Super Robot 超合金是也，SR 的買點是可擴大擺設姿態，而又可加入效果配件的新玩法，不單止可作收藏，更能享受展示樂趣的湛新元素，這細Size 超合金造得非常精緻，真係令我愛不釋手.......冇得頂呀.......，「S.I.C.」與「S.I.C.」極魂兩者同樣屬於我飲開嗰杯茶，它們都是由日本最頂尖原型師「竹谷隆之」及「安藤賢司」兩位所塑造的，成品具備以藝術美感為概念的人型系列，我就感覺
到「S.I.C.」化之後啲拉打確實型到爆廠，所以往後我都會繼續跟進這系列的產品架。再講嘅就係S.H.Figuarts 系列，這系列濃縮了BANDAI 可動人型技術，S 代表Simple Style 也就是靜的表現，H 代表 Heroic Action 亦即是動的表現，結合以上兩種概念，使之S.H.Figuarts 系列商品更為廣泛全面。接下來係以壓鑄金屬及ABS為主材料的完成品模型「Gundam Fix Figuration Metal Composite」，運用多種素材造出比以往更加精密型態，亦帶有超合金的重量感，再加上變型合體系統更能提升新高達模型的可玩性，是一項絕對出眾的產品。  

 

 

終於同大家介紹完咁多玩具商品，係咪對笨大啲產品了解更多呢，其實咁樣係未夠o架，所以此間再同各位繼續欣賞其他商品喇.......

 

 今次會場係分成好多個展示箱o架，每個箱都有其獨特主題，依家呢個係展示已經出產的S.H.Figuarts 拉打系列，真係全部兄弟都出齊，梗有一款啱你架.........好.......今集講住咁多先.......下篇再同各位傾過........拜拜.........

未完........待續