魂TAMASHII FEATURE"S VOL.4 香港展 2012 ( 後篇 )

2012年8月13日(MON)

之前咪同大家講過每個玩具系列都會有其獨立展覽箱嘅，跟住眼前呢Part就非常吸引我嘞，咪就係S.H.Monster Arts 哥斯拉怪獸系列囉，仲有Box 裡面呢張三頭龍海報真係好正.......

 

當初喺 TD「玩具日報」http://www.toysdaily.com/ 見到呢條三頭龍嘅造型，立即俾佢吸引住，設定和造型都十分精美，再者睇過官方所發表的圖片之後，就立刻走去訂番隻玩吓先，皆因我先前已經買咗隻哥斯拉喇，等埋條三頭龍出場，就可以展開一幕大怪獸哥斯拉決戰三頭龍的震撼場面喇，我落訂之時都有啲心大心細喎，事關個價錢都要成七舊水確係覺得幾貴o架，不過今天睇完實物之後就覺得非常之滿意，簡直係物超所值........大滿足呀..........

BOX裡面仲擺齊哂已出嘅哥斯拉系列的其他怪獸，計有機械哥斯拉、太空哥斯拉、紅色飛鳥及金色三頭龍等等，仲有展出即將推出嘅限定品火焰哥斯拉1995 年版本，哥斯拉身上火焰部分採用透明物料製造， 而可動範圍亦都會加以廣大！睇過實物感覺真係唔錯，又係考慮是否購入的時間喇！

 

我想呢Part 應該係今次展覽的重頭項目，就係即將喺12月發售嘅DX 超合金魂鐵甲萬能俠喇，這是繼日本Toy Show 之後，在今次 Tamashii Feature"s Vol.4 作亞洲首度展出，呢隻係Bandai為慶祝鐵甲萬能俠誕生40 周年、超合金魂誕生15 年嘅DX 特別版超合金魂，本體高30CM，對眼同心口識發光，仿似發射高熱火焰盤，仲有會播出主題曲聲效，亦可以配置透明部件，使內部機械可完全外露，現正接受預訂，訂價為2xxx相當昂貴，都係睇吓就算嘞..........

另一個BOX係介紹近期人氣急升嘅「幪面超人Fourze」的S.H.Figuarts 版本，這個拉打Fourze 的出現是為了慶祝幪面超人系列誕生40 週年紀念之作。

 

跟住呢個 Figuarts 真係唔知佢叫乜水，不過全隻都係銀色又幾殺食喎，同樣都係採用S.H.Figuarts 嘅內骨架。

S.H.Figuarts 系列真是大行其道，連龍珠這套經典漫畫都要加入，多種各色亦製作得相當精緻，人物表情像真度亦洽可，不過考慮到又要開多條新Line之後，最終都係決定Window Shopping 睇吓就算數啦.......

 

BOX 內仲做咗一個情景，係超級撒亞人「孫悟空」決戰「斯路大帝」，啲雲仲會識發光添o架......認真有震撼感.......

「S.I.C.」個BOX 就無咁多嘢睇嘞，主要係介紹嚟緊即將發售嘅「S.I.C.」幪面超人OOO TaToBa Combo 及「S.I.C.」極魂- 幪面超人帝騎，這兩款都係我目標物品，所以又準備破財喇！

同樣係冇乜大堆頭擺設嘅展示櫃，只得兩個ULTRA-ACT 系列嘅咸蛋超人展現，因為近年較少收看咸蛋超人啲片集，所以真係唔好意思，唔知呢兩位人兄係叫做乜水，不過型態上都幾吸引，始終咸蛋超人係伴隨著我兒時成長的一位好朋友，所以對佢有一種比較深刻的情意結，觀感上感覺良好........

跟住就行經呢個BOX，算小弟冏冏地見多識少，唔知係邊個系列產品，後來睇清楚好似叫做「A.G.P.」Armor Girls Project，好似將啲美少女橄硬加於高達身上，本人真係接受唔倒囉，睇吓都可以嘅，購買嘅意欲就真係不大咯！

又係一齡未睇過嘅故事系列產品，系列名稱叫做Figuarts ZERO，見到佢個男主角幾大隻幾有型，咪停低望吓囉，始終都係嗰句，齋睇唔買冇損失！

以下落嚟呢個BOX 就墟撼喇，有齊哂咁多款已出產嘅商品，知唔係咪Super Robot 超合金系列囉，先前大熱嘅勇者王至到啱啱上市嘅勇者特急都出齊，SR嘅特點係價錢便宜，但又可享受到超合金嘅味道，如喜歡細Size 超合金嘅朋友一定會對此系列愛不釋手o架.........

 

再嚟係新世代數碼系D-Arts產品，我就感覺較為卡通化咗啲，不過正所謂各花入各眼，自己喜歡咪得囉，玩具最緊要就係玩得開心，當中我較為在意嗰個街霸，造型同比例都幾合我心意，到時一於去馬........

 

最後睇埋龍珠嘅超造型魂小型公仔，細細粒已上色的完成品，係一款挑戰迷你玩偶的極限系列產品！

好嘞....終於行完整個展覽館，感覺係一個內容好豐富及多元化嘅展覽，本人就非常滿意喇，其實展覽會場出面都擺設置咗幾個玻璃櫃，裡面亦擺放了相關嘅產品，如果無時間入會場內參觀的話，這裡都可能滿足到你o架，呢度仲有兩位好友善嘅姐姐仔派發宣傳單張添，主辦單位真係好有誠意.........

 

這裡啲展品與會場內的大同小異，不過就梗係冇咁整全啦，比較搶眼啲都係「S.I.C.」及「 ULTRA-ACT」兩大系列商品，真係型到爆蛋，所以又再停低多影幾幅靚相囉！

 

 

呢個系列係唯一會場裡面冇嘅，亦都係我有支持嘅牙狼系列是也，我覺得佢哋造型好獨特，可動性都算OK吖，所以都已經立入了我的生產線喇....哈哈........

好嘞......睇完哂嘞.......係咪好似親身去參觀過咁呢？

咁又唔使咁感激我嘅........都係順路啫........

咁就下次再見喇............拜拜............