2011年1月7日(六)
日本有名拉麵店「麵屋武藏」落戶於九龍觀塘區，如果你也是喜愛吃拉麵之徒，現今不需要特登過江先至有得品嚐，麵店地址喺觀塘創紀之城5期apm 2樓L21B舖!!!!
日本有名拉麵店「麵屋武藏」落戶於九龍觀塘區，如果你也是喜愛吃拉麵之徒，現今不需要特登過江先至有得品嚐，麵店地址喺觀塘創紀之城5期apm 2樓L21B舖!!!!
星期六中午1:30去到，都要等咗40分鐘位，因為是拉麵新貴，所以人潮時刻都保持有二三十人在門外等候...
麵屋武藏挾住2005年『日本第一』拉麵銜頭以來，2005年在日本TBS電視台舉辦的麵王比賽中，經過網上投票進入最後四強，跟住在決賽現場較技裡，以鮪魚、帝王蟹、鹿兒島黑豚肉做出創新口味，經多位評審及現場觀眾評選成為冠軍...『日本第一』
在麵店門口擺設咗一幅立體武士畫，彷彿意味著日本的永不言敗武士精神!!
聞戰鼓思良將，這個鼓好可能是作為提升員工士氣之用....哈哈
開放式嘅廚房，可清楚睇見師傅煮麵，睇吓師傅佢哋幾忙碌就知旺場啦.....
廚房對出有L型的吧位，我見到單身客人多數備安排坐於這裡!!
店內所有椅背都印上武士圖案，我好鍾意老虎圖案嗰張呀......
店內所有椅背都印上武士圖案，我好鍾意老虎圖案嗰張呀......
隔離有個窗可看到入面師傅製作其他食材，仲睇見個大湯煲，煲裡面應該就是麵店的命脈，豬骨湯是也，湯頭以五十斤豬筒骨及頭骨、鰹魚乾、雞腳熬足10小時而成，黃白色嘅湯底帶有濃郁海鮮鮮甜味.......
店內裝設跟足日本總店，以江戶時代劍術名家宮本武藏為藍本，主要以黑色作為主調，觀感良好!!!!
隨吧位外，仲有非常舒適的四人卡位檯任君選擇！
隨吧位外，仲有非常舒適的四人卡位檯任君選擇！
至於拉麵款式都與日本店相同，分為原味白武骨、赤武骨、黑武骨三種，客人還可以選擇沾麵方式進食，即是麵同湯分開上，湯汁稍為濃厚，較為特別的一種食法，這原來是拉麵師傅為自己做的速食法，近年來在東京開始流行起來，如果你係大胃王一碗麵唔夠飽，可有很多追加配料給你選擇，睇吓上面個牌就清楚哂啦，好like嚟種有誠意的服務方式......
這裡更設有特定為香港人製造的小食，日本店是沒有的，明太子青椒燒$45、比目魚柚奄燒 $45、武藏炸雞(配芥末沙律醬) $32，而我咃就order咗一客武藏煎餃子$35，客餃子size較為細了一點，味道也只是好一般，沒有帶來驚喜......
太太order嘅原味白武骨拉麵(配叉燒) $72，濃厚的豚骨湯底香滑得嚟不肥膩，又唔會過咸，都相當惹味，原來各款拉麵配料都可選擇，可配豚肉、叉燒、豚角煮(半肥廋腩肉)，價錢各有不同任君選擇......
叉燒比起違磨嚟講質感較為實淨，口感亦較有層次，糖心半熟蛋也做得出色....好味
叉燒比起違磨嚟講質感較為實淨，口感亦較有層次，糖心半熟蛋也做得出色....好味
本人order嘅黑武骨配豚角煮拉麵 $72，豚骨湯底加入燒香咗嘅長蔥及玉蔥製成的黑蒜油，感覺又比原味豚骨湯較為香濃，湯頭層次也較豐富，我認為稱它作店自慢都不為過，實在係超好味....yeah....
睇吓啲湯汁幾濃郁，一樣係不咸不膩，仲十分之惹味喎!!
豬腩肉煮得非常軟腍同入味，碗麵仲有兩塊肉咁多，啲size都ok大......低食挾大件......正.......
講到麵條製作是沿用日本配方處理，每天在自家工場生產，麵身特粗，咬勁十足，比其他幼身拉麵食落較之飽肚，我非常之滿意!!!
可能係食得滿意卦，好似有啲唔夠喉嘅感覺，因此追加咗嚟客武藏炸雞(配芥末沙律醬) $32試吓，唔食由自可，一食就停唔到手，啲雞塊炸得又香又滑，咬開裡面超多肉汁，沾上芥末沙律醬一齊食，係非常頂級嘅美食，我哋連啲菜都掃清光，非常直得推介......一定要食呀......
可能係食得滿意卦，好似有啲唔夠喉嘅感覺，因此追加咗嚟客武藏炸雞(配芥末沙律醬) $32試吓，唔食由自可，一食就停唔到手，啲雞塊炸得又香又滑，咬開裡面超多肉汁，沾上芥末沙律醬一齊食，係非常頂級嘅美食，我哋連啲菜都掃清光，非常直得推介......一定要食呀......
每個麵碗都印上武士圖案，黑色圖案配合白色湯碗，非常精緻，埋單兩位計$232.1，因為要收加一服務費架...
...
...
門外面赤色木架掛滿咗感謝繪碼，是日本人做生意的一種手法，感覺蠻不錯!!!!
農曆新年就快到哪，apm大堂都開始佈置迎接龍年來臨，預祝各位新年快樂.....拜拜......
沒有留言:
張貼留言