本土原創「達磨日式拉麵」

  2011年12月25日(日)

 

 

今年聖誕是一個幾有紀念價值的日子，就係小弟的結婚10週年紀念日，所以我們一家三口過咗去銅鑼灣行吓，中午就順便喺銅鑼灣搵嘢食，咁不如就食拉麵啦，因為日本拉麵係我兩的致愛，也是囡囡首次品嚐日本拉麵，因此囡囡都話非常之期待同興奮......

 

我哋就係幫襯嚟間近來人氣高漲的拉麵店，達磨日式拉麵是本土原創的拉麵店，由店主Charlie及 Annie兩兄妹一手主理，話好多明星都來幫襯架，所以就走嚟試試味道如何，跟日本人製作的拉麵又有何分別!!

銅鑼灣店較大坑店每天多賣200碗，所以這天兩點幾來到都有得食，大坑店就好早賣哂架啦，這裡吧檯很少，四人檯較多，如果三四個人來食坐得較為舒服，睇吓個場幾多頭巾男哥哥仔......Hello.......

 

達磨獨家的飲食用具......幾別緻!!!!!

頭巾哥哥作了簡短的食品介紹，我哋就order咗以下三款拉麵......

媽咪嘅「達磨豚角煮豚骨醬油拉麵 $78」，怎麼是豚角煮哪，原來係半肥瘦五花腩肉咁解，湯底係豬骨加入醬油，比原味白湯較為輕盈，飲落一啲都唔油膩，非常之惹味......好味

本人嘅「達磨叉燒豚骨辣味拉麵 $68」，豬骨湯跟辣味好夾，辣得嚟又唔會搶走豬骨湯嘅鮮甜味，半熟蛋又煮得時間啱啱好，白麵條沾上辣湯真係食得過癮........好好味

囡囡嘅「達磨叉燒豚骨原味拉麵 $68」，原味豬骨白湯味道相當香甜濃郁，聽講話係用上荷蘭豬手、豬肘、豬前肘多個部位，熬足8至10個小時，務求將骨髓都可融入湯中，配上爽口麵條，軟腍嘅叉燒一起進食，真係十分之美味架，超正......好好好好味呀......

囡囡話如果啲湯好熱就要吹吓先飲得........我吹

囡囡都話啲湯濃郁鮮甜好味，所以俾隻手指公佢......好嘢

未見過囡囡食咁多麵架，佢足足食咗大半碗......勁呀

睇吓佢食得幾開心.......yeah


達磨必勝波子汽水，由日本直接入口，頭巾男話飲咗小朋友讀書都會醒目啲喎，信不信由你？

店內四周都擺放咗大小不同的達磨公仔!!!!!

 

嚟個達磨公仔係全店最大，仲大過我個頭....哈哈

 

~達磨勝運祈福繪馬~


連去男廁都可以見到達磨..............hello.........你好嗎.......


牆上有幾張應該係某些名人的表揚留言，通常人氣店都會有番幾張坐鎮吓架!!!!

食後感覺係香港人做出來嘅日式拉麵，講水準已經好好，最緊要係他們是用個心去製作拉麵，不過就覺得始終欠缺咗小小日本氣息風味!!!!!!!!