舊日的筆跡

 2012年1月31日(二)

歲月無聲.......在這裡找到舊日的筆跡......
 

過年時屋企大掃除，在某個角落無意中找到這幅水彩畫，原來1983年5月25日那天，有條茂里無無聊聊就係咁畫咗呢幅畫。時至今天再見到它，萬般感觸在心頭，功夫巨星李小龍先生.....永遠懷念你!!!!!!!!!!!!




數碼港聖誕嘉年華「MiDes X Mama’s Dear 色彩繽紛迎一二時裝表演」part 1

 2012年1月1日(日)

「數碼港聖誕嘉年華」中舉行「MiDes X Mama’s Dear 色彩繽紛迎一二」的時裝表演，囡囡詩漫係2011年嘅MiDes Model仔，所以都有備邀請上台行catwalk呀，展示MiDes最新系列的服裝.......

早上11點半鐘去到數碼港，途程都咪話唔係好遠，要搭兩轉專線小巴同一程港鐵先可到達，落咗車就見到佢，佢就係今年數碼港聖誕嘉年華嘅代表Rody，囡囡見到佢心情非常興奮，話哂今日套衫咁靘，梗係要擺個cute啲嘅pose影番張相架啦，呢個pose係囡囡自創架.....型嗎？

靚嘢唔怕睇多啲，囡囡做多次嚟個pose過大家睇吓.....1,2,3..yeah

 

因為個時裝show下午先至舉行，所以mides姐姐比咗啲遊戲劵囡囡，咁咪玩吓遊戲先囉，嚟個係吹氣水池揸船仔，囡囡冇玩驚佢整濕套衫......

嚟個吹氣大滑梯超巨大，睇吓都幾高架，囡囡都係冇玩，因為未warm up唔夠膽玩，後來就.......


由淺入深，首先玩個較細嘅滑梯先，兩張遊戲劵......

1,2,3,..準備....出發........嘩   

嘩....嘩....好好玩呀.........yeah....

 

跟住又影吓相先.......笑吓.......hello......


壯咗膽之後，就嚟料哪，足足有兩層樓咁高嘅吹氣大滑梯，囡囡話要玩番轉喎，要3張遊戲劵，3分鐘時限睇妳走得幾多轉.....


遊戲開始，囡囡係排頭位出閘，咁梗係一馬當先啦.....衝呀!!!!!!


不過好快就比後面嗰兩個男仔爬頭....唉.....冇辦法哪，佢哋始終年紀大過囡囡同埋係男仔，再加上囡囡今日著咗條襪褲比較跣，真係失策!!!!!!
 

最後囡囡都玩咗4轉，玩幾多次唔重要呀，最緊要就係玩得開心...，其實都幾高速衝落嚟架，對4歲大嘅囡囡嚟講都算幾刺激架!!!!

玩完個咁刺激嘅遊戲，係時候要休息吓哪，咁就上表演台影相啦.......

跟住入番商場室內週圍hea吓，又見到Rody哪........

呢喥仲舉辦咗個親子繪畫比賽，港幣$100就可以參加哪，囡囡佢好鍾意劃畫架，但係今日有任務喺身，所以冇得參與....嗚

商場中庭有個大型Rody四方格遊戲，好似冒險樂園玩嗰種，掟個代幣落去中正方格就有獎品，睇吓就算好小玩嚟啲遊戲!!!

 

又係拍照時間..........say hello........

 

望吓個錶都成1點鐘囉喎，不如食咗飯先啦，就呢間啦「佳餚小廚」....


為何選擇幫襯「佳餚小廚」呢，原因好簡單，因為佢哋係用傳統石爐烤製薄餅，特別好味啲架，睇吓個石爐火力幾強勁就知有料到啦.....

沙拉配炸物，有炸春卷、炸蝦、炸雞塊三種，都炸得好脆幾惹味.....

 

鮮茄鴨肉意大利麵，睇落好普通一碟麵，實則啲蕃茄非常之新鮮，廚師張啲咁鮮味嘅蕃茄汁完全帶入麵裡，令平凡變成不平凡.......好嘢


最後就係好期待嘅石爐烤薄餅，連啲薄餅邊皮都烤得好脆，餡料係芝士火腿配三色椒，熱辣辣好惹味，等耐啲都係低嘅..

話說食完飯就要急步返回表演舞台，因為2：15 Model 仔要作最後綵排，各位觀眾~重頭戲 mides2012「Runway Show」時裝表演即將舉行，敬請留意.....

..................待續




沙田新城市廣場 ~ 星光花園聖誕燈飾匯演

 2011年12月26日(一)

向來聖誕節都是各大商場大花心思，佈置出別具特色的聖誕裝飾，為的是吸引更多客人前來參觀及消費，今年落得最重本的要算是新城市廣場都唔會錯架哪，它們將東京Tokyo Midtown Starlight Garden 的聖誕燈飾匯演原全展現出來，好樣我們能夠大飽眼福，欣賞到這東京六本木的獨有燈飾匯演...

除咗7樓的星光花園外，商場3樓的玻璃天幕廣場，亦擺設了一棵巨型藍色聖誕樹及聖誕鹿車給遊人拍照!!!!

黃色聖誕花囡囡更係唔會放過啦........笑吓啦......ok

有人哋話火樹銀花.....我就話藍樹黃花.......搞吓笑啫......

藍色嘅聖誕樹好小有，囡囡話一於影埋佢先.......yeah

囡囡行到有啲攰，坐吓隻銀色鹿仔凳先~~

喺圓形玻璃球望過去藍色聖誕樹，彷彿看見微型的星光花園，都幾過引架......

 

一田百貨這邊都有靚景影相，囡囡呢個pose...cute嗎？

張公主椅又大又靚，囡囡都要立即上去坐吓先....

跟住出戶外四周圍影吓相，大酒杯.....hello...

大鑽石戒指.......hello.....

仲有同史洛比合照呀.........

晚上7點正...登..登...登...重頭戲出場哪，星光花園聖誕燈飾匯演現在開始.....

逾10萬顆藍、白色LED燈組成閃閃發亮的銀河音效大匯演，將東京Tokyo Midtown Starlight Garden 的聖誕燈飾原全展現於各位眼前，立時將7樓花園幻化成閃爍的宇宙銀河......

匯演當中不時會有多顆流星瞬間劃破漆黑的夜空，繼而流星墜落銀河，呈現出宇宙爆炸壯觀景象，猶如星之碎片灑遍大地，非常精彩.......

每當流星墜落時，請把握時機許番個願，這樣就會萬事如意，心想事成架哪...

..........請繼續欣賞.............

............銀河大特寫..........


隔離仲有個Starry Bar可以入去飲番杯嘢，情調一流，講住咁多先......不次再見.....拜拜

相關網址：http://www.newtownplaza.com.hk/eng/index.html