2011 海港城(反斗奇兵)聖誕裝飾Party

 2011年12月23日(五)

今年海港城與香港迪士尼樂園合作，把海港城海運大廈露天廣場幻化成以電影(反斗奇兵)為主題的聖誕裝飾布置！


(反斗奇兵)中的一眾主角，與大家大開Christmax Party，身高4米的胡迪、3米的翠絲及抱抱龍，置於50米長的色彩繽紛巨型積木之中，與可愛到暈的三眼仔、豬仔錢罌火腿、彈弓狗等，齊齊過一個反斗聖誕....

4米高的胡迪非常之凸出，可以話係場中主角，同佢合照都要花點時間等候!!

囡囡話豬仔錢罌火腿超可愛，要同佢say hello影番張相先

頑皮的三眼仔，置身於沖天遙控車之中，在「U形」軌道來回飛馳，成為今年的聖誕機動裝置，每晚隨着它的「出動」，全場的燈飾亦會隨之而亮起，十分之璀璨........

色彩繽紛的巨型翠絲大積木，很有玩具特色......

抱抱龍戴上聖誕帽，夠晒鬼馬又夠節日氣氛

3米高的翠絲表演其擅長的皮鞭技法，威風八面，英姿凜凜!!

囡囡好鍾意三眼仔，睇佢開心到見牙唔見眼個樣就知啦..

好大粒聖誕裝飾物波波呀!!!

小驢Bullseye都變成如此巨大，但又十分可愛.....

為增加節日氣氛，樓梯位置亦添上閃亮吊飾，一眾主角的金色圓牌，場面即時變得金光閃閃!



所有物件都巨大化，囡囡立時間變得非常渺小，又幾過引喎......

梯間兩旁擺放咗很多奇兵禮物，有大有小的可給遊人拍照..


海港城大堂內有一顆聖誕樹以500個10吋高的三眼仔組成、高15呎的巨型聖誕樹，亦必成為拍照熱點之一，記得影多幾張相喇...

囡囡當然唔會放過嚟嗰拍照熱點啦..yeah !!  merry christmas all.......