秋季肥美大閘蟹宴第二擊「東園金閭」

 2011年10月29日(六)

大閘蟹好食多膏就係人都知，不過每年只得兩個多月時間啲蟹係最當灶，因此要品嚐最美味靚蟹就要好好把握時間，事不宜遲，今晚就揀選咗東園金閣海鮮酒家食大閘蟹，名位觀眾，秋季美食大作戰之大閘蟹第二擊立即展開.........


晚上在灣仔港鐵站會合埋朋友，準時8:30到達東園金閣海鮮酒家，本來係想book同集團的東園酒家(宴會廳)個名好似勁啲........不過早兩日打去已經話full咗，有人包哂全個廳喎，咁就無計啦!!!!


東園金閣聽個名就知喺閣樓啦，要搭電梯上一層無咁方便，而東園酒家就喺正軒尼詩道大街，唔知點解感覺上好啲.......麻煩的男人!!!!!!!!!

電梯門一打開，就已經見到兩個大煲蒸緊蟹，嘩..唔係咁誇張呀......

book咗位都要企喺喥等咗10分鐘，無辦法啦頭圍未食完，因為8:30後入坐有88折優惠，等吓啦朋友.......


好快就有位坐低，火速order咗三個大閘蟹套餐(三蟹傾情套餐)兩皇一后，每位$328包茶介、酸菜、但係要收加一服務費，埋單三人合計$1000咁上吓，囡囡就唔收佢錢啦.......

坐定唔洗3分鐘，好快就上第一隻蟹嘞(係蟹公)，佢哋話係用名牌(老三陽)東太湖嘅大閘蟹，重量都接近有五兩嫁........正呀........開餐啦.......

每位套餐送一杯花雕酒，不過酒味麻麻地，我睇酒齡得五年睹咋.......唔好飲嘅

開蟹哪，啲蟹黃都好OK多喎，嚟間酒家有膠手套供應，清潔啲嘛，不過用咗無耐就放棄...唉...左手左腳無咁方便吖嘛!!!

老婆大人今鋪執嬴，睇吓佢隻蟹啲蟹膏幾誇張，佢話一啖咬落去成個口俾啲蟹膏漿住，食大閘蟹就係要追尋嚟種感覺.........超正呀........

 

食完兩隻蟹公之後，就輪到蟹乸出場嘞，隻蟹乸體型比較細小，大約三兩多啲啦，本應對蟹乸沒有抱太大期望，因為年前喺「鴻星」食過感覺一般，啲蟹膏比較乾硬，誰知今次睇法要改觀哪，睇吓下面幅相就知架哪.........

開呀.....啲蟹膏都好豐富吖，食落去軟硬適中，非常滿意的口感，味道都有啲蟹公嘅八成水準呀，所以開始對蟹乸觀感改變，食完三隻蟹都已經有七八成飽哪，不過路係要繼續行嘅!!!!!!

 

囡囡都好幫得手嫁，食咗好多蟹肉，但係佢唔中意食蟹膏，所以全部蟹腳肉佢一個人食哂，拆肉都差啲拆唔切，佢成日問有得食未呀......真係俾佢吹漲.....

睇吓睇吓..全碟都係囡囡食嘅蟹腳殼，計吓數先！一隻蟹有八隻腳~九隻蟹就有七十二隻腳，換句話講即係囡囡食咗七十二隻蟹腳囉......嘻嘻

 

跟住上蟹粉花膠燴燕窩，色香味都Ok 好惹味喎，兩位女士甚為喜歡，花膠加燕窩養顏嘛...

 

接住再上係蟹粉小籠包每位一隻，一眼望見覺得細隻咗小小喎，不過唔緊要好食咪得囉!!!!

 

不過這個諗法係錯嫁，食落感覺蟹粉味不足，亦較為乾身唔夠湯汁........失望

 

仲有兩個小菜跟手上埋，米湯魚腐浸鮮菌，清清地都幾好味.......

 

嚟碟係海螺片伴煙鴨胸，個螺片汁做得唔錯好惹味，食埋真係飽到上心口....

最後甜品係薑茶寧波湯丸，幾飽都要食埋佢呀，驅寒吖嘛!!!!!

最後來個總結：如果單講食蟹無論品質同份量都係東園勝，因為東園有三隻蟹同埋係用名牌(老三陽)嘅靚蟹.....註：(蟹嘅Size兩間都差唔多)

但係計埋其他配菜就係東海較可取，因它們有道頂級美食(生拆蟹粉蒜茸包)，仲有(山珍佛跳牆)都非常惹味，(蟹粉小籠包) 就東海高出更多啦......

 比較過兩間啲價錢都差唔多，所以這場雙東大戰最後結果........就係東海勝出......yeah

以上純粹個人食後意見，也只可以作為參考，
需知人人口味各不相同......謝謝欣賞............bye bye