( 太陽島幼稚園 ) 萬聖節Party

 2011年10月31日(一)

 

今日學校開萬聖節party，囡囡早早就起咗身，話咁快就換上蜜蜂小魔女服飾，手提南瓜綿花糖，再同爸爸媽咪講聲再見，高興地拖著姐姐回學校開party去也!!!!!

 

12：00接囡囡放學，睇吓其他同學仔幾多古怪造型，個個都好cute架，佢地仲會向各位家長發出......嘩..嘩..嘩聲 ~~十分之鬼馬.......

 

學校都佈置得好有萬聖節氣氛.......呀...小魔女來吃你哪!!!!!!!

巫女老師和蜜蜂小魔女合照.......

 

 

回家途經這個荒廢舊虛，仲有幾間已經無人住嘅破爛舊屋，就喺哩喥取景，幫小魔女影番

幾張造型照先.......靚嘛？........今天晚上小魔女可能又會再次出動搗亂呀.......嘩

 

 

 

預祝Happy Halloween「銅鑼灣事件」

 

 

2011年10月28日(六)


下午4：30接咗囡囡放跳舞班後，就一家人過咗去銅鑼灣行吓，為怎麼要山長水遠過江來到銅鑼灣呢，因為今晚約咗朋友喺灣仔食飯，又因為時近Halloween關係，所以就早啲來到同囡囡影吓相，預先感受吓Halloween嘅氣氛...


一出銅鑼灣港鐵站囡囡話哩喥好熱鬧好多人呀......yeah


街頭唔知點解棟咗幾支高大過人嘅紅酒喺喥?????


原來係甚麼香港美酒佳餚月喎!!!!!!!

咁咪即刻幫囡囡影多幾張靚相囉.......

 

跟住到達皇室堡，這裡有個搗蛋派對，會場展出多款Angelhood造型嘅立體公仔，這時囡囡已經變身成魔鬼小女孩，四周圍搗亂拍照，Angelhood嘅哥哥派咗個黑色氣球給囡囡，攞住個氣球走去不同商舖，就可以免費攞到糖食，囡囡話好好玩呀......

 

會場內仲有處擺放咗幾塊小型哈哈鏡，囡囡梗係唔會放過，影多幾張相先........

 

這邊街角又有大大支啤酒放喺喥，囡囡話魔鬼出現哪....嘩

 

之後就行去世貿中心P1中庭，這裡開設首個Miffy萬聖節遊樂園，還有13呎高嘅Miffy「魔」天輪!!


小魔女行得好攰要坐吓先.......嘩

好得意呀嚟隻Miffy兔兔!!!!!!

小魔女繼續周圍搗亂~四處留影~仲擺出各色各樣Pose認真鬼馬.....

仲有掟波波遊戲玩..........哥哥送架.........yeah

最後小魔女變回囡囡，再影多幾幅相就要離開，我哋搭叮叮過灣仔會合朋友，今晚訂咗8：30東園金閣食晚飯，食甚麼嘢？梗係食大閘蟹啦，秋季美食大閘蟹第二擊即將連載........

敬請留意！

 

 



四歲的囡囡生日快樂

 2011年10月28日(五)

今日係詩漫四歲生辰，四年前的今天妳嚟到我們的懷抱，好高興歡迎妳~囡囡，祝妳生日快樂、活潑健康、快高長大、聰明伶俐，祝一家人永遠都過著愉快的生活~~

囡囡最中意食朱古力蛋糕...yummy

囡囡詩漫今日畫咗張全家福送給我們，雖然唔係畫得好靚，但係都好開心呀~~~

                   

太陽島幼稚園「秋季戶外學習體驗日」

 2011年10月21日(五)

今天詩漫參加咗學校舉辦的戶外學習體驗日，地點喺西貢大坳門郊野公園，這次活動主要目的是了解秋天天氣的特徵，這次活動爸爸媽咪都有一齊出動，親子旅行嘛!!!!

 

 上午9：00準時出發，我們坐的是B車....

 

半個鐘多D就來到大坳門郊野公園，這裡已經有很多其他小學的學生在遊玩，今天的活動是可以自備燒烤食物進行燒烤，我覺得只有半天時間太小，所以沒有準備燒野食，睇吓張相後面幾多人燒烤，都好難有位，所以我地只帶備野餐食物，英明的決擇.......

未開始學習前可以四圍行吓，嘩....天氣好好，又唔會太熱，遠處是清水灣鄉村俱樂部，右下方是布袋澳，以前都有去過食海鮮，幾有風味架!!!!

風和日麗，這裡的風景非常之美麗，令人有種心心曠神怡的感覺.....

囡囡轉眼間就搞掂成包薯片.......

地上面很多風箏圖案.......大坳門最出名係乜？......梗係放紙鳶啦!!!!!!

詩漫全神貫注望著哥哥畫圖畫，哥哥好怕羞，立即把圖畫收埋!!!!!!

學校話每位同學仔都要自備相機作戶外學習用，所以詩漫都有一部小小影相機.....

因此囡囡四圍影吓花、影吓草、影吓地下、影吓人影、影吓同學仔、總之就乜都影......

10：30就要喺涼亭集合，排排坐準備出發!!!!!!

由老師帶領K2同學仔步行去學習區，詩漫幾醒神健步如飛

行吓又停吓，又做吓健身體操，又唱吓歌仔.....so happy

跟住去到學習區大家一齊圍起大大個圓圈，正式開始學習了解秋天的特徵，同埋玩了幾個遊戲，有個遊戲係要睇睇老師做怎麼動作，然後盡快找出正確答案，詩漫都好快可以完成遊戲.....good......

所有家長都為自己的小朋友拍照及錄影動畫，我們也不會例外，這兩個影就是我和媽咪...Hello..

11：15完成戶外學習課題，開始自由活動時間，囡囡騎木馬嘅英姿!!!!

接著親子活動開始，嚟得大坳門梗係要放風箏啦，囡囡準備幫爸爸起鳶......


不過今日無乜風，好難先放得高小小呀!!!!!!

途經睇見都幾靚的花花，但係唔知道是怎麼品種同埋花名!!!!!

因為無乜風關係，所以只放咗一陣風箏就回到涼亭同囡囡打波波，睇佢玩得幾興奮!!!!!!

 

 後來吸引了大批同學仔一齊玩，佢地個個都玩得好開心呀....
 

囡囡今日可能出汗較多，成支寶礦力水特比佢一個人飲哂!!!!!!

 

仲話要影番幅V字勝利手勢嘅相.....吹漲!!!!

佢見到有同學玩緊吹波波，又話要玩埋一份，玩得不知幾開心.....

回程時間是12：45，大家都準備搭旅遊車返回學校~~


詩漫也來嘗試做吓小小領隊，各位團友請到B牌這裡集合，多謝合作，下次再見......拜拜