西貢橋咀島生態半天遊 (part 4) 沙洲上的布吉島

 2011年11月6日(星期日)

各位團友們，不經不覺我哋已經到達泰國嘅布吉島，請大家攞番晒啲行李，唔好漏低呀，我哋即刻要出發架啦....哈哈，講吓小啫，你以為真係去咗泰國布吉島旅遊咩.....!!!!!
 

我所講嘅疑似布吉島，就係眼前這海天一色，藍色天空，碧綠得呢又層次分明嘅海水，海灘四處都佈滿白色粗沙粒，當中夾雜著大小不一的岩石，這個景色真係靚到冇嘢講，如果只係睇呢幅相，你話喺泰國布吉島影都有人信喎！

 

真正嘅布吉島卡塔海灘，係咪好似呢!!!!!

睇吓另一邊岩石上幾多情侶喺喥兄兄我我，如此詩情畫意的景況，怎不令人陶醉一番!!!!

囡囡又開始玩拋擲石塊，睇吓佢左右開弓，玩得都不知幾開心.......

唔知係咪玩得太過投入，興奮非常，一不為意就露出了小小半月....真搞笑....

跟住同大家講吓啲岩石嘅身世，喺好耐好耐以前，當火山爆發期間噴出大量細小的火山碎屑，其後降落地面及被掩埋，又或被海水搬運後在水中沉積，分別形成凝灰岩及沉凝灰岩兩類，由於沉凝灰岩在比較穩定的水環境沉積而成，因此具有水平層理！


遠處有個小燈塔，唔好睇小佢呀，夜晚啲船隻都係旨意晒佢o架，唔係撞石就大煲啦....


要過去燈塔嗰喥都唔係咁容易架，起碼要識飛簷走壁，蜻蜓點水是但一招至得.....


睇吓我對腳就知我咩嘢啦，呢幾舊石頭仔我又點會放在眼內吖....睇嘢啦....


愈來愈近啦，不過始終都係埋唔到燈塔身，可能係我功夫仔未夠卦，如果識輕功水上飄就好咯.....咪喺喥發噏風啦......


咁就唔講咁多住，請繼續欣賞咁正嘅景物啦.......請去.....

邊個咁得閒搞啲咁嘅嘢，不過又排得幾靚喎!!!!!!!!!!!!

經過小許電腦加工的照片....靚唔靚呀....不防比啲意見吖....

睇吓囡囡喺喥搞邊科，原來學人影飄浮相，都影得幾好吖

睇吓好多貝殼呀!!!!!!!

呢喥仲有隻鬼爪螺添.....!!!!!!!!!!!!!

睇吓個錶都係時候要回程哪，因為都驚條水道瞬間消失咗就繁咯 (即係話潮漲咁解)

未完..........待續...............



西貢橋咀島生態半天遊 (part 3) 橋咀郊野公園~橋頭

2011年11月6日(星期日)

 

呢 part 都停咗好耐，好!!!!繼續講，話說經過沙洲黎到橋頭入口，呢喥都屬於香港地質公園一部份，橋咀郊野公園是也......

呢個牌坊係必影取景位，這象徵著你快要回歸大自然的懷抱，親親寶貴香港的自然遺產.....
 

好開始往上進發，囡囡同媽咪做先頭步隊，我就壓後，大家小心啲!!!!!

 

我要不時回望後方入口有冇敵人跟蹤，..OK...好在冇呀......

雖然情況緊張，但係都不要錯過沿途的美麗景色.......

再步步為營，拾級而上!!!!!!!

又係回眸時間，高處角度望番落去連島沙洲步道的全貌......又係靚景一幕........

輪到我帶囡囡衝鋒陷陣.......上呀....!!!!

都唔使20分鐘就上到橋頭的觀景台，我哋全家人都幾叻架，一啲氣喘都冇喎.......

 

喺喥可以居高臨下，一覽清水灣半島與西貢牛尾海的美景

咁喺喥影咗幾幅相，都夠晒皮咯，就要開始落山啦!!!!!

大慨用咗15分鐘時間落到島頭另一邊，目的地就在眼前......嘩.....好正呀

喺喥同大家講咗先，一瞬間就帶各位即刻飛去布吉島，團友請你哋記得帶埋passport呀，咪一陣間過唔到關唔好怪我，錯過咗咁靚嘅布吉島之旅就唔好啦.......

下篇預告......絕對靚景......沙洲上的布吉島

敬請留意......不日上影

待續......



數碼港聖誕嘉年華「MiDes X Mama’s Dear 色彩繽紛迎一二時裝表演」part 2

 2012年1月1日(日)

話說食完午飯睇吓個錶，時間都將近兩點鐘哪，要拿拿聲返去表演台報到，因兩點15分要進行catwalk綵排^^

又比囡囡穩到架木單車，咁就梗係玩吓先啦......

舞台上的四朵金花，左邊第二個就係囡囡嘅好拍擋恩恩妹妹，佢咃上次一齊影春季造型照，非常之合拍架.......右一就係恩恩個妹妹，都好cute架喎^^

跟住就開始綵排，一個跟一個排好隊!!!

囡囡話做吓熱身跳番part舞先........

三個女仔圍埋玩得好開心.......

睇吓佢哋三個手拖手幾friend^^

司儀姐姐拖著囡囡作最後綵排.....ok

正式Catwalk Runway Show表演係3:30至舉行，襯仲有些少時間，囡囡話想休息吓，玩吓公仔先啦........hello.....

囡囡好鍾意劃畫架，咁啱大會又可提供畫筆及畫紙，咁就唔該姐姐我要一套吖....yeah

睇吓佢劃咗啲甚麼...？  好似係動物喎....!!!

等到有啲吽吽哋.......

 

終於 Runway Show 開始哪，囡囡係第二個上台表演嘅，佢一啲都冇悕場，仲不時又轉圈又飛吻，都引來好多掌聲架........yeah.......


同台演出的其他小朋友，後面攞住Winnie The Pooh毛公仔嗰個男仔，佢個英文名就係叫Pooh Poon呀.....真搞笑......

好快就表演完畢哪，時間係4:30左右，今天係2012年1月1日，祝大家新年快樂...

 

咁啱又俾我哋撞到佢，會走路嘅真人版Rody，梗係唔會放過佢啦，影番張相先...

 

嚟個時候好多人玩掟方格遊戲.....好玩咩?????

中庭上方的圓頂天窗!!!!!

手頭上仲有兩張遊戲券，係mides姐姐完咗Show之後追加比囡囡玩嘅，咁就一於玩盡佢啦..........

不如就同Rody跳吓舞啦........

囡囡騎住Rody四周圍跳彈彈，有不時同其他小朋友交換唔同顏色Rody玩，玩得非常開心......

囡囡話彈彈跳嘅Rody好好玩呀........

玩完就同聖誕樹影多幅合照.....嘩....咁大份禮物邊個送架.....哈哈....吉盒嚟架，只供拍照之用........

 

囡囡話今日啲遊戲好好玩呀，不過就玩得好攰，但係下次都想再玩喎.....拜拜