詩漫囡囡的澳門兩天行旅遊初體驗~day-2

 2011年3月12日

可能噚日玩得好攰，我地一覺就瞓到大天光，起身就輪流梳洗，最後叫醒埋囡囡去食早餐，酒店是包兩份早餐，當初以為囡囡Over三歲要收錢，但服務生姐姐好好人，話妹妹可以免費，好野.......  

 西式嘅自助早餐，囡囡第一次自己攞食物覺得好新奇，話點解可以任攞野食唔洗比錢(平時買野食要比錢架)..,唉...問題少女！ 

食完早餐就出去酒店隔離行吓，嚟道有個好大嘅噴水池，詩漫今日特別好笑容，就同囡囡影多幾幅相啦~~~
 

 11點幾鍾就返酒店check our，跟住坐酒店巴士過去漁人碼頭影吓相，途經金沙囡囡話好靚要留影!!

 聽講話賭王家族有啲內部鬥爭，所以漁人碼頭好多地方都無開，無辦法啦，唯有四處行吓影吓相算啦!!!!

 呢個唔知係咪亞馬遜部落村莊，會冇會有土人出來捉人架，都係快啲影張相就走頭啦！

 

萊斯酒店就在漁人碼頭的最末端，亦靠近海邊，所以景觀特別靚，如果在這裡住番晚都幾好架！
 

 囡囡好鍾意火車架，第一時間就衝上去擺Pose叫快啲幫佢同(飛天豬)影相......吹漲！最終仲坐埋入去車卡裡面，可惜架火車係無人開動唔會郁既，囡囡都有啲失望!!!!!!
 

 之後再週圍hea吓..........布達拉宮又影吓...............

 

唐城又影吓..........

 

 終於行到有啲腳仔軟，唔想再四圍撲，求其搵間餐廳攪掂，餐廳名唔記得，食物怎麼水準都係唔記得，只係想坐低飲杯凍飲啫.....，唞夠就搭車去大三巴牌坊行吓，好多人呀原來有舞獅睇，啲鼓聲好嘈，囡囡話好驚，話要快啲離開，所以同佢嗱嗱聲影張相就閃，這時先發覺相機就快無電，真失策......

  

 跟住快手快腳行返落去議事堂前地再影多兩三張相之後，相機終於無電，今回認真......慘慘慘！
 

黃昏時分就過返威尼斯食飯，食完飯就去巴士站等車搭返去碼頭，等車時心心不份攞部相機出嚟試吓影唔影倒，最後就只係影倒兩張夜景咋，咁都好過無，我地搭夜航船返香港，囡囡係船上好快就瞓咗，返到屋企都已經好夜哪，一家人可以一齊出外玩是一件很開心嘅事，期待下次的旅程............

 

 此文章為全新修定版本及重新發表..........

  



詩漫囡囡的澳門兩天行旅遊初體驗~day-1 下篇

2011年3月11日

上文講到响地保街一帶遊遊食食，咁行行吓又到咗大利來記，佢哋最出名嘅食品就係豬排包，都稱得上係遠近馳名，當下立即望吓個錶，都成三點幾鐘喎，不如就坐低食個下午茶都唔錯吖！


我地冇叫豬扒包呀，因為上次食過覺得啲麵包太硬，所以就order咗豬扒治及維他奶，囡囡就唔同你客氣，一於立即開動啦！

 

正所謂小食多美味，話咁快就搞掂咗個下午茶咯，跟住就遊到來官也街，這裡是一處乘涼的好地方，其實舊址是一個市集，本來我都唔知，後來看了那幅壁畫先知到佢嘅身世.......哈哈！


跟住又係固定動作，就係買手信囉，喺「晃記」買咗每日限量發售嘅肉切穌，，係好好味架所以好多人買，每日下午3~4點就賣哂架啦，真係手快有手慢冇！


轉眼間我地搭的士去到威尼斯人酒店玩吓，詩漫第一次見到咁靚嘅金光長廊，心情特別興奮，又話要跑......真係無佢乎~~

我哋何家三友同飛天豬興奮地在運河廣場四處留影！

轉眼間行到曼聯專賣店就入咗去睇吓啦，好多記念品賣，但我一樣都冇買，因為我本身不是曼聯迷，最開心都係囡囡啦，店員姐姐送咗個遊戲俾佢玩，喺限定時間內把足球射中目標就得分，囡囡梗係唔會攞到高分啦......冇所謂......玩吓啫！姐姐叫我地上二樓參觀吓曼聯個更衣室，一上到去就見到曼聯個主場奧脫福模型，造得好靚架......

 姐姐叫我地上二樓參觀吓曼聯個更衣室，一上到去就見到曼聯個主場奧脫福模型，造得好神似架，在更衣室同眾多球衣合照之後，再欣賞吓這件曼聯主場球衣，係有哂球星親筆簽名架....正......！hea完曼聯專賣店後，囡囡見到McDonald又話要食雪糕，都好坐低休息吓!!

及後再喺運河碼頭廣場Hea~吓.....影吓相!!


跟住出返去外便又影啲相，影到天都黑埋添，就搭的士返官也街食晚飯，食完就慢慢步行返酒店覺覺豬！

今晚我哋入住嘅係駿景酒店，都幾近官也街，行路都係十幾分鐘就到，詩漫今日都玩得好攰，所以好快就瞓著.....

 

 未完待續............

此文章為全新修定版本及重新發表..........

 

詩漫囡囡的澳門兩天行旅遊初體驗~day-1 上篇

 2011年3月11日

 

 11/3/2011何詩漫、爸爸、媽媽、飛天豬一起去澳門旅遊，這次是囡囡的第一次出外過夜﹝鄉下妹﹞，所以心情十分興奮，她對酒店的各式各樣物品都很好奇，今次詩詩的表現總算合格，下次可以帶她去較遠的地方玩啦..........

 早上到達中環信德碼頭買了船票之後，就同詩漫影番張出發相先，今次飛天豬也一齊去玩呀..... 我哋好快就搞掂哂出境手續，而金光飛航亦行得都幾定喎，最想不到係囡囡都可以坐得幾定，無話要週圍走，仲好古靈精怪喎......

 

 經過一小時多啲嘅航程就到咗澳門氹仔碼頭！話哂詩漫的首次到訪澳門喎，咁有紀念價值，梗係要船邊留影啦！

 今次旅遊主要目的就係以食為先，所以唔使講咁多嘢，立即搭的士去地堡街搵食先，其實早有預謀，就決定試吓嚟間達榮魚翅湯麵啦，連韜韜都話有創意又抵食架，連門口上面都卦咗塊大魚翅做裝飾!!! 

 睇吓牆壁上啲相都有好多藝人嚟幫襯過架，詩漫坐低就話想快啲有野食~好肚餓呀!!!!! 咁就嚟住個香煎鯪魚肉餅啦，等阿囡頂吓肚先，鯪魚肉餅裡面好似加咗小小魚翅落去，都幾有咬口......... yummy

 招牌魚翅湯麵$43~魚翅都有兩三塊，配搭幾特別，味道都可以話幾好，一試無妨!!
 

 我哋火速搞掂咗兩碗麵同塊魚餅，之後就來個指定動作，咪係店前留影囉！

 

 跟住就走過對面呢間北帝廟hea吓，睇吓囡囡食飽後幾開心.....仲笑容滿面添!...
 

 

 之後途經一間甜品店，阿囡見到木糠布甸又話要食，咁咪買個畀佢試吓囉，囡囡話好味到要棟起隻手指公喎.......

 

跟住就週圍行吓影吓相，見到呢舊唔知係咩嘢石，石上面畀人寫咗好多字句，唔通呢舊係靈石........？ 睇吓囡囡今日啲表情特別豐富，又夠哂古靈精怪，心諗可能係初次出外旅行興奮卦???

未完待續............

此文章為全新修定版本及重新發表..........